മു​ഖ്യ​മ​ന്ത്രി​യു​ടെ കൈ ​​ചേ​ർ​ത്തു പി​ടി​ച്ച്​ ഗ​വ​ർ​ണ​ർ; ‘നമസ്കാരം’ പറഞ്ഞ്​ നയത്തിൽ തുടക്കം

തി​രു​വ​ന​ന്ത​പു​രം: മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍റെ കൈ​ക​ൾ ചേ​ർ​ത്തു​പി​ടി​ച്ചും കു​ശ​ലം പ​റ​ഞ്ഞും ഗ​വ​ർ​ണ​ർ രാ​ജേ​ന്ദ്ര വി​ശ്വ​നാ​ഥ്​ ആ​ർ​ലേ​ക്ക​ർ. മ​ല​യാ​ള​ത്തി​ൽ ‘ന​മ​സ്കാ​രം’ പ​റ​ഞ്ഞ്​ ന​യ​പ്ര​ഖ്യാ​പ​നം ആ​രം​ഭി​ച്ച ഗ​വ​ർ​ണ​ർ സ​ർ​ക്കാ​റി​ന്‍റെ വി​ക​സ​ന നേ​ട്ട​ങ്ങ​ൾ എ​ണ്ണി​പ്പ​റ​ഞ്ഞു. ചു​മ​ത​ല​യേ​റ്റ ശേ​ഷം ആ​ദ്യ​മാ​യി നി​യ​മ​സ​ഭ​യി​ലെ​ത്തി​യ ഗ​വ​ർ​ണ​ർ​ക്ക്​ ന​ൽ​കി​യ​ത്​ ഊ​ഷ്മ​ള വ​ര​വേ​ൽ​പ്. ന​യ​പ്ര​ഖ്യാ​പ​നം വാ​യി​ക്കാ​തെ​യും മു​ഖ്യ​മ​ന്ത്രി​ക്കും മ​ന്ത്രി​മാ​ർ​ക്കും മു​ഖം​ന​ൽ​കാ​തെ​യും ക​ലു​ഷി​ത​മാ​യ ന​യ​​പ്ര​ഖ്യാ​പ​ന​ങ്ങ​ളു​ടെ സ​മീ​പ​കാ​ല​നു​ഭ​വ​ങ്ങ​ൾ​ക്കി​ട​യി​ൽ വ്യ​ത്യ​സ്​​ത​മാ​വു​ക​യാ​യി​രു​ന്നു ഈ ​ബ​ജ​റ്റ്​ സ​മ്മേ​ള​ന​ത്തു​ട​ക്കം.

രാ​വി​ലെ 8.45നാ​ണ് ന​യ​പ്ര​ഖ്യാ​പ​ന​ത്തി​നാ​യി ഗ​വ​ർ​ണ​ർ രാ​ജ്​​ഭ​വ​നി​ൽ നി​ന്നി​റ​ങ്ങി​യ​ത്. മു​ഖ്യ​മ​ന്ത്രി പി​ണ​റാ​യി വി​ജ​യ​ൻ, സ്പീ​ക്ക​ർ എ.​എ​ൻ. ഷം​സീ​ർ, പാ​ർ​ല​മെ​ന്‍റ​റി​കാ​ര്യ മ​ന്ത്രി എം.​ബി. രാ​ജേ​ഷ്, ചീ​ഫ് സെ​ക്ര​ട്ട​റി ശാ​ര​ദ മു​ര​ളീ​ധ​ര​ൻ എ​ന്നി​വ​ർ ഗ​വ​ർ​ണ​റെ സ്വീ​ക​രി​ക്കാ​ൻ നി​യ​മ​സ​ഭ​ക്ക് മു​ന്നി​ലു​ണ്ടാ​യി​രു​ന്നു. 8.50 ഓ​ടെ നി​യ​മ​സ​ഭ ക​വാ​ടം ക​ട​ന്ന് ഗ​വ​ർ​ണ​റു​ടെ വാ​ഹ​ന​വ്യൂ​ഹം പോ​ർ​ച്ചി​ലേ​ക്ക്.

വാ​ഹ​ന​ത്തി​ൽ ​നി​ന്ന്​ കൈ​കൂ​പ്പി പു​റ​ത്തേ​ക്കി​റ​ങ്ങി​യ ഗ​വ​ർ​ണ​ർ​ക്ക്​ ആ​ദ്യം പൊ​ലീ​സി​ന്‍റെ വ​ക ഗാ​ർ​ഡ്​ ഓ​ഫ്​ ഓ​ണ​ർ. തു​ട​ർ​ന്ന് സ്വീ​ക​ര​ണം. ആ​ദ്യം കൈ ​ന​ൽ​കി​യ​ത്​ മു​ഖ്യ​മ​ന്ത്രി​ക്ക്. പൂ​ച്ചെ​ണ്ട് കൈ​മാ​റി​യാ​ണ്​ മു​ഖ്യ​മ​ന്ത്രി​യു​ടെ സ്വീ​ക​ര​ണം. പി​ന്നാ​ലെ, മ​ന്ത്രി എം.​ബി. രാ​ജേ​ഷി​ന്‍റെ വ​ക പൂ​ച്ചെ​ണ്ട്. തോ​ളി​ൽ പി​ടി​ച്ചാ​യി​രു​ന്നു രാ​ജേ​ഷി​നു​ള്ള പ്ര​ത്യ​ഭി​വാ​ദ്യം.

ന​യ​പ്ര​ഖ്യാ​പ​ന​ത്തി​ൽ കേ​ന്ദ്ര​ത്തി​നെ​തി​രാ​യ വി​മ​ർ​ശ​ന​വും ഗ​വ​ർ​ണ​ർ വാ​യി​ച്ചു. ദേ​ശീ​യ​പാ​ത​ക്കാ​യു​ള്ള ഭൂ​മി​യേ​​റ്റെ​ടു​ക്ക​ലി​ൽ ചെ​ല​വ്​ സം​സ്ഥാ​ന​ത്തി​ന്‍റെ ​പൊ​തു​ക​ട​പ​രി​ധി​ൽ ഉ​ൾ​പ്പെ​ടു​ത്തി​യ​തി​ലാ​യി​രു​ന്നു വി​മ​ർ​ശ​നം. ഈ ​സ​മീ​പ​നം വ​ൻ​കി​ട പ​ദ്ധ​തി​ക​ളെ പി​ന്തു​ണ​ക്കു​ന്ന​തി​ൽ നി​ന്ന്​ കേ​ര​ള​ത്തെ പി​ന്തി​രി​പ്പി​ക്കു​മെ​ന്ന്​ ഗ​വ​ർ​ണ​ർ വ്യ​ക്ത​മാ​ക്കി.

1.56 മ​ണി​ക്കൂ​ർ നീ​ണ്ടു ന​യ​പ്ര​ഖ്യാ​പ​ന ​പ്ര​സം​ഗം. പ്ര​തി​പ​ക്ഷ ബെ​ഞ്ചി​ന്​ അ​ഭി​വാ​ദ്യ​മേ​കി​യാ​ണ്​ ഗ​വ​ർ​ണ​ർ സ​ഭ​യി​ൽ​നി​ന്ന്​ മ​ട​ങ്ങി​യ​ത്. സ​ഭ​ക്കു​ള്ളി​ലെ ചെ​റി​യ പ​ടി​ക്കെ​ട്ടു​ക​ൾ ക​യ​റാ​ൻ​ ഗ​വ​ർ​ണ​ർ വ​ല്ലാ​തെ പ്ര​യാ​സ​പ്പെ​ടു​ന്നു​ണ്ടാ​യി​രു​ന്നു. ന​ട​ത്തം അ​ൽ​പം നി​ർ​ത്തി ഇ​ക്കാ​ര്യം അ​നു​ഗ​മി​ച്ച മു​ഖ്യ​മ​ന്ത്രി​യോ​ടും പ​റ​ഞ്ഞു.