മുന്നോക്ക സംവരണം നടപ്പാക്കാൻ സർക്കാറിന്​ അമിത താൽപര്യം; പ്രക്ഷോഭം തുടങ്ങുമെന്ന്​ സമസ്​ത

തിരുവനന്തപുരം: മുന്നോക്ക സംവരണം ഏർപ്പെടുത്താനുള്ള സർക്കാർ തീരുമാനത്തിനെതിരെ പ്രക്ഷോഭം തുടങ്ങുമെന്ന്​ സമസ്​ത. ഉദ്യോഗസ്ഥ പിൻബലത്തോടെ സർക്കാർ അന്യായം ചെയ്യുകയാണ്​. മുന്നോക്ക സംവരണം നടപ്പിലാക്കാൻ സർക്കാറിന്​ അമിത താൽപര്യമാണെന്നും സമസ്​ത നേതാക്കൾ കുറപ്പെടുത്തി.

സാമുദായിക സംവരണത്തെ തളർത്താനുള്ള നീക്കമാണ്​ നടക്കുന്നത്​. സമൂഹത്തിൻെറ നീതിപൂർവമായ അവകാശ പോരാട്ടത്തെ അട്ടിമറിക്കാനുള്ള ​പ്രസ്താവനകളും നീക്കങ്ങളുമാണ് സി.പി.എം​ നടത്തുന്നത്​. മുസ്​ലിം കോർഡിനേഷനും പിന്നോക്ക സംഘടനകളും നടത്തുന്ന സമരം നയിക്കുന്നത്​ ജമാ അത്തെ ഇസ്​ലാമി ആണെന്ന സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണൻെറ വാദം ശരിയല്ലെന്നും സമസ്​ത വ്യക്തമാക്കി.

സർക്കാറിനെതിരെ നടക്കുന്ന സമരത്തിൻെറ ആദ്യ പടിയായി മുഖ്യമന്ത്രിയേയ​ും പ്രതിപക്ഷ നേതാവിനേയും നേരിൽ കാണും. തുടർന്ന്​ നവംബർ രണ്ടിന്​ കോഴിക്കോട്​ വച്ച്​ അവകാശ പ്രഖ്യാപന കൺവെൻഷൻ നടത്തും. ആറിന്​ വെള്ളിയാഴ്​ച ജുമുഅ നമസ്​കാരത്തിന്​ ശേഷം പത്ത്​ ലക്ഷം ഒപ്പുകൾ ​േ​ശഖരിച്ച്​ സർക്കാറിന്​ സമർപ്പിക്കാൻ തീരുമാനിച്ചതായും സമസ്​ത വാർത്താസമ്മേളനത്തിൽ അറിയിച്ചു.