പുതിയ പദ്ധതികളുമായി ഇനിയും മുന്നോട്ടു പോകും, സർക്കാറിന് കാലിടറില്ലെന്ന് ധനമന്ത്രി

കണ്ണൂർ: കേരളം കടക്കെണിയിലേക്ക് നീങ്ങുന്ന അവസ്ഥയില്ലെന്ന് ധനകാര്യ മന്ത്രി കെ.എൻ. ബാലഗോപാൽ. എരിപുരത്ത് നിർമിച്ച പഴയങ്ങാടി സബ് ട്രഷറി കെട്ടിടം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

കഴിഞ്ഞ രണ്ടു മൂന്നു വർഷക്കാലം സർക്കാറിന് ചെലവ് കൂടിയിട്ടുണ്ട്. കോവിഡ്​ കാലത്ത്​ സർക്കാർ കാര്യക്ഷമമായി ഇടപെടൽ നടത്തിയതുകൊണ്ടാണ് പട്ടിണി മരണങ്ങൾ ഉണ്ടാകാതിരുന്നത്. ഇത് ഭരണമികവാണ്. അതിനുവേണ്ടി ഇനിയും പണം ചെലവഴിക്കുമെന്ന് മന്ത്രി ബാലഗോപാൽ പറഞ്ഞു.

പുതിയ പദ്ധതികളുമായി സർക്കാർ ഇനിയും മുന്നോട്ടു പോകുമെന്നും കാലിടറില്ലെന്നും മന്ത്രി പറഞ്ഞു.