സി​വി​ക് ച​ന്ദ്ര​ന് മുൻകൂർ ജാമ്യം നൽകിയതിനെതിരെ അപ്പീലുമായി സർക്കാർ

കോ​ഴി​ക്കോ​ട്: ര​ണ്ട് ലൈം​ഗി​കാ​തി​ക്ര​മ​ക്കേ​സു​ക​ളി​ൽ സി​വി​ക് ച​ന്ദ്ര​ന് വി​വാ​ദ പ​രാ​മ​ർ​ശ​ങ്ങ​ളോ​ടെ മു​ൻ​കൂ​ർ ജാ​മ്യം ന​ൽ​കി​യ ജി​ല്ല കോ​ട​തി ന​ട​പ​ടി​ക്കെ​തി​രെ ഹൈ​കോ​ട​തി​യി​ൽ അ​പ്പീ​ൽ ന​ൽ​കാ​ൻ പ്രോ​സി​ക്യൂ​ഷ​ൻ തീ​രു​മാ​നി​ച്ചു. ഇ​ക്കാ​ര്യ​ങ്ങ​ൾ കാ​ണി​ച്ച് അ​ന്വേ​ഷ​ണ ഉ​ദ്യോ​ഗ​സ്ഥ​ർ​ക്ക് നി​യ​മോ​പ​ദേ​ശം ന​ൽ​കി​യ​താ​യി ജി​ല്ല പ​ബ്ലി​ക് പ്രോ​സി​ക്യൂ​ട്ട​ർ അ​ഡ്വ. കെ.​എ​ൻ. ജ​യ​കു​മാ​ർ അ​റി​യി​ച്ചു.

ആ​ദ്യം മു​ൻ​കൂ​ർ ജാ​മ്യം ന​ൽ​കി​യ കേ​സി​ൽ ഇ​തി​ന​കം​ത​ന്നെ പ​രാ​തി​ക്കാ​രി ഹൈ​കോ​ട​തി​യി​ൽ അ​പ്പീ​ൽ ന​ൽ​കി​യി​ട്ടു​ണ്ട്. ര​ണ്ടാ​മ​ത്തെ പ​രാ​തി​ക്കാ​രി അ​ടു​ത്ത ദി​വ​സം അ​പ്പീ​ൽ ന​ൽ​കു​മെ​ന്ന് അ​വ​രു​ടെ അ​ഭി​ഭാ​ഷ​ക​ൻ പി. ​രാ​ജീ​വും അ​റി​യി​ച്ചു. ര​ണ്ടാ​മ​ത്തെ കേ​സി​ൽ മു​ൻ​കൂ​ർ​ജാ​മ്യ ഹ​ര​ജി​ക്കൊ​പ്പം പ്ര​തി​ഭാ​ഗം ഹാ​ജ​രാ​ക്കി​യ ഫോ​ട്ടോ​ക​ളി​ൽ പ​രാ​തി​ക്കാ​രി​യെ ലൈം​ഗി​ക പ്ര​കോ​പ​ന​മു​ണ്ടാ​ക്കു​ന്ന വ​സ്ത്ര​ത്തി​ലാ​ണ് കാ​ണു​ന്ന​തെ​ന്നും ഇ​ക്കാ​ര​ണ​ത്താ​ൽ പ്ര​തി​യി​ൽ ചു​മ​ത്തി​യ ശി​ക്ഷാ​നി​യ​മം 354-എ ​പ്ര​കാ​ര​മു​ള്ള ലൈം​ഗി​ക പീ​ഡ​ന​ക്കു​റ്റം പ്ര​ഥ​മ​ദൃ​ഷ്ട്യാ നി​ല​നി​ൽ​ക്കി​ല്ലെ​ന്നു​മു​ള്ള പ്രി​ൻ​സി​പ്പ​ൽ ജി​ല്ല സെ​ഷ​ൻ​സ് ജ​ഡ്ജ് എ​സ്. കൃ​ഷ്ണ​കു​മാ​റി​ന്‍റെ ഉ​ത്ത​ര​വ് വി​വാ​ദ​മാ​യി​രു​ന്നു. ഇ​ത് നി​യ​മ​പ​ര​മ​ല്ലെ​ന്ന് ചൂ​ണ്ടി​ക്കാ​ട്ടി​യാ​ണ് അ​പ്പീ​ൽ ന​ൽ​കു​ക.

ആ​ദ്യ​ത്തെ കേ​സി​ൽ പ​ട്ടി​ക​ജാ​തി, വ​ർ​ഗ​ക്കാ​ർ​ക്കെ​തി​രാ​യ ആ​ക്ര​മ​ണം ത​ട​യാ​നു​ള്ള നി​യ​മ​പ്ര​കാ​രം കു​റ്റം​ചു​മ​ത്തി​യി​ട്ടും സി​വി​കി​ന് മു​ൻ​കൂ​ർ​ജാ​മ്യം ന​ൽ​കി​യ​തും പ്രോ​സി​ക്യൂ​ഷ​ൻ ഹൈ​കോ​ട​തി​യി​ൽ ചോ​ദ്യം​ചെ​യ്യും. പ്ര​ഥ​മ​ദൃ​ഷ്ട്യാ കേ​സു​ണ്ടെ​ന്ന് തോ​ന്നി​യാ​ൽ മു​ൻ​കൂ​ർ​ജാ​മ്യം അ​നു​വ​ദി​ക്ക​രു​തെ​ന്നാ​ണ് പ​ട്ടി​ക ജാ​തി, വ​ർ​ഗ​ക്കാ​ർ​ക്കെ​തി​രാ​യ ആ​ക്ര​മ​ണം ത​ട​യാ​നു​ള്ള നി​യ​മം അ​നു​ശാ​സി​ക്കു​ന്ന​ത്. എ​ന്നാ​ൽ, സി​വി​ക്, ദ​ലി​ത് പീ​ഡ​നം ഒ​രു നി​ല​ക്കും അം​ഗീ​ക​രി​ക്കു​ന്ന​യാ​ള​ല്ലെ​ന്നും അ​ദ്ദേ​ഹ​ത്തി​ന്‍റെ മു​ൻ​കാ​ല ചെ​യ്തി​ക​ൾ അ​ത് തെ​ളി​യി​ക്കു​ന്നു​വെ​ന്നു​മു​ള്ള പ്ര​തി​ഭാ​ഗം വാ​ദം കോ​ട​തി അം​ഗീ​ക​രി​ക്കു​ക​യാ​യി​രു​ന്നു. മു​ൻ​കൂ​ർ​ജാ​മ്യ സ​മ​യ​ത്തു​ത​ന്നെ പ്ര​ഥ​മ​ദൃ​ഷ്ട്യാ കേ​സി​ല്ലെ​ന്ന് ക​ണ്ടെ​ത്തി ജാ​മ്യ​മ​നു​വ​ദി​ച്ച​ത് നി​യ​മ​പ​ര​മ​ല്ലെ​ന്നാ​ണ് പ്രോ​സി​ക്യൂ​ഷ​ൻ വാ​ദം. ശാ​രീ​രി​ക അ​വ​ശ​ത​ക​ളു​ള്ള, 74 വ​യ​സ്സു​കാ​ര​നാ​യ സി​വി​ക് ച​ന്ദ്ര​ൻ കേ​സി​ൽ പ​റ​യും​വി​ധം പ​രാ​തി​ക്കാ​രി​യെ പീ​ഡി​പ്പി​ച്ചെ​ന്ന​ത് അ​വി​ശ്വ​സ​നീ​യ​മാ​ണെ​ന്നും അ​തി​നാ​ൽ മു​ൻ​കൂ​ർ ജാ​മ്യ​മ​നു​വ​ദി​ക്കാ​ൻ യോ​ജി​ച്ച കേ​സാ​ണി​തെ​ന്നു​മാ​ണ് ജി​ല്ല സെ​ഷ​ൻ​സ് ജ​ഡ്ജി​യു​ടെ ക​ണ്ടെ​ത്ത​ൽ.

ജാ​തി​വി​വേ​ച​ന​ത്തി​നെ​തി​രാ​യി ചി​ന്തി​ക്കു​ന്ന​യാ​ളെ​ന്ന് തെ​ളി​യി​ക്കാ​ൻ ജാ​തി വ്യ​ക്ത​മാ​ക്കാ​ത്ത 1965ലെ ​ത​ന്‍റെ എ​സ്.​എ​സ്.​എ​ൽ.​സി സ​ർ​ട്ടി​ഫി​ക്ക​റ്റ് സി​വി​ക് ആ​ദ്യ​കേ​സി​ൽ കോ​ട​തി​യി​ൽ ഹാ​ജ​രാ​ക്കി​യി​രു​ന്നു. അ​ങ്ങ​നെ​യു​ള്ള​യാ​ൾ ദ​ലി​ത് എ​ന്ന് അ​റി​ഞ്ഞു​കൊ​ണ്ട് പ​രാ​തി​ക്കാ​രി​യോ​ട് കു​റ്റം​ചെ​യ്തെ​ന്ന് പ​റ​യാ​നാ​വി​ല്ലെ​ന്നും പ​രാ​തി​ക്കാ​രി​യും പ്ര​തി​യു​മാ​യു​ള്ള ശാ​രീ​രി​ക സ​വി​ശേ​ഷ​ത​ക​ൾ പ​രി​ഗ​ണി​ക്കു​മ്പോ​ൾ കേ​സെ​ടു​ത്ത പ്ര​കാ​ര​മു​ള്ള ആ​ക്ര​മ​ണം സാ​ധ്യ​മ​ല്ലെ​ന്നു​മു​ള്ള പ്ര​തി​ഭാ​ഗം വാ​ദം കോ​ട​തി അം​ഗീ​ക​രി​ക്കു​ക​യാ​യി​രു​ന്നു. 2020 ഫെ​ബ്രു​വ​രി എ​ട്ടി​ന് ന​ന്തി ക​ട​പ്പു​റ​ത്ത് ഒ​ത്തു​കൂ​ടി​യ​പ്പോ​ൾ ആ​ക്ര​മി​ച്ചെ​ന്നാ​യി​രു​ന്നു കേ​സു​ക​ൾ.