കു​ഴി​യി​ൽ വീ​ണ തെ​രു​വു​നാ​യെ അ​ഗ്​​നി​ര​ക്ഷ സേ​ന ര​ക്ഷ​പ്പെ​ടു​ത്തി

ചാ​ല​ക്കു​ടി: കു​ഴി​യി​ൽ വീ​ണ് ക​മ്പി​ക്കു​ള്ളി​ൽ ത​ല കു​ടു​ങ്ങി അ​വ​ശ സ്ഥി​തി​യി​ലാ​യ നാ​യ്ക്ക് ചാ​ല​ക്കു​ടി​യി​ലെ അ​ഗ്​​നി​ര​ക്ഷ നി​ല​യ​ത്തി​ലെ ജീ​വ​ന​ക്കാ​ർ ര​ക്ഷ​ക​രാ​യി. ന​ഗ​ര​ത്തി​ലെ ചെ​റി​യ കു​റ്റി​ക്കാ​ടി​നു​ള്ളി​ലെ കു​ഴി​യി​ൽ തെ​രു​വു​നാ​യ് വീ​ണു​കി​ട​ക്കാ​ൻ തു​ട​ങ്ങി​യി​ട്ട് ര​ണ്ട്-​മൂ​ന്ന് ദി​വ​സ​ത്തി​ലേ​റെ​യാ​യി. കെ​ട്ടി​ട​ത്തിെൻറ അ​ടി​ത്ത​റ​ക്ക് വ​ർ​ഷ​ങ്ങ​ൾ​ക്ക് മു​മ്പ് തൂ​ണ് വാ​ർ​ക്കാ​ൻ ഒ​രു​ക്കി​യ ക​മ്പി​ക​ൾ​ക്ക് ഇ​ട​യി​ൽ ത​ല പെ​ട്ടു പോ​യ​താ​ണ് നാ​യു​ടെ ദു​രി​ത​ത്തി​ന് കാ​ര​ണം. അ​തോ​ടെ അ​വി​ടെ​നി​ന്ന് ര​ക്ഷ​പ്പെ​ടാ​നോ ഭ​ക്ഷ​ണ​മോ വെ​ള്ള​മോ ക​ഴി​ക്കാ​നോ ക​ഴി​യാ​തെ അ​വ​ശ സ്ഥി​തി​യി​ലാ​യി. കു​ഴി​യാ​യ​തി​നാ​ലും ചു​റ്റും കാ​ട് വ​ള​ർ​ന്നു കി​ട​ക്കു​ന്ന​തി​നാ​ലും ആ​രു​ടെ​യും ശ്ര​ദ്ധ​യി​ൽ​പെ​ട്ടി​ല്ല.

നാ​യു​ടെ ദ​യ​നീ​യ​മാ​യ നി​ല​വി​ളി കേ​ൾ​ക്കാ​ൻ തു​ട​ങ്ങി​യ​തോ​ടെ​യാ​ണ് ആ​ളു​ക​ളു​ടെ ശ്ര​ദ്ധ പ​തി​ഞ്ഞ​ത്. എ​ന്നാ​ൽ, ആ​രും അ​തി​ന​ടു​ത്തെ​ത്താ​ൻ ശ്ര​മി​ച്ചി​ല്ല. സ​മീ​പ​ത്തെ ഗ്രീ​ൻ​സ് സൂ​പ്പ​ർ മാ​ർ​ക്ക​റ്റി​ലെ ജീ​വ​ന​ക്കാ​ര​ൻ വി​നേ​ഷ് ചാ​ല​ക്കു​ടി അ​ഗ്​​നി​ര​ക്ഷ സേ​ന​യോ​ട് ഞാ​യ​റാ​ഴ്ച ഉ​ച്ച​ക്ക് സ​ഹാ​യം ആ​വ​ശ്യ​പ്പെ​ട്ട് വി​ളി​ക്കു​ക​യാ​യി​രു​ന്നു.

വി​വ​ര​മ​റി​ഞ്ഞ് ചാ​ല​ക്കു​ടി അ​ഗ്​​നി​ര​ക്ഷ നി​ല​യ​ത്തി​ൽ​നി​ന്ന് സ്​​റ്റേ​ഷ​ൻ ഓ​ഫി​സ​ർ സി.​ഒ. ജോ​യി​യു​ടെ നേ​തൃ​ത്വ​ത്തി​ൽ ഫ​യ​ർ ഓ​ഫി​സ​ർ എം.​എം. മി​ഥു​ൻ, ഹോം ​ഗാ​ർ​ഡ് അ​ശോ​ക​ൻ എ​ന്നി​വ​ർ സ്ഥ​ല​ത്തെ​ത്തി. കാ​ടും പ​ട​ലും നീ​ക്കാ​ൻ നാ​ട്ടു​കാ​രും സ​ഹാ​യി​ച്ചു. ഒ​ടു​വി​ൽ കു​ഴി​യി​ലി​റ​ങ്ങി ഉ​ദ്യോ​ഗ​സ്ഥ​ർ നാ​യു​ടെ ത​ല കു​ടു​ങ്ങി​യ ക​മ്പി മു​റി​ച്ച് അ​തി​നെ പു​റ​ത്തെ​ടു​ക്കു​ക​യാ​യി​രു​ന്നു. ദി​വ​സ​ങ്ങ​ളാ​യി ഭ​ക്ഷ​ണ​മൊ​ന്നും ക​ഴി​ക്കാ​തെ ജീ​വ​ച്ഛ​വം പോ​ലെ​യാ​യി​രു​ന്നു. എ​ല്ലാ​വ​രും ചേ​ർ​ന്ന് അ​തി​ന് വെ​ള്ള​വും ഭ​ക്ഷ​ണ​വും ന​ൽ​കി.