Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightസഹകരണമേഖലയെ...

സഹകരണമേഖലയെ ലക്ഷ്യമിട്ട്​ ചില കഴുകൻമാർ വട്ടംചുറ്റുന്നുണ്ടെന്ന്​ ധനമന്ത്രി

text_fields
bookmark_border
KN Balagopal
cancel

തിരുവനന്തപുരം: രണ്ട്​ ലക്ഷം കോടി​േയാളം നിക്ഷേപമുള്ള സഹകരണ പ്രസ്​ഥാനങ്ങളെ ലക്ഷ്യമിട്ട്​ ചില കഴുകന്മാർ വട്ടംചുറ്റുന്നുണ്ടെന്നും അവർക്ക്​ സഹായകമായ നടപടികളുണ്ടാകരുതെന്നും ധനമന്ത്രി കെ.എൻ. ബാലഗോപാൽ. ധനാഭ്യർഥന ചർച്ചക്ക്​ മറുപടി നൽകവെ പ്രതിപക്ഷാംഗങ്ങളുടെ ചില പരാമർശങ്ങൾ ചൂണ്ടിക്കാട്ടിയായിരുന്നു മന്ത്രിയുടെ മറുപടി. ഒറ്റപ്പെട്ട സംഭവങ്ങളുടെ പേരിൽ സഹകരണ പ്രസ്​ഥാനത്തെ ആകെ തള്ളിപ്പറയുന്ന രീതി ശരിയല്ല. തെറ്റ്​ ചെയ്​തവരെ ഒരു കാരണവശാലും സംരക്ഷിക്കില്ലെന്നതാണ്​ സർക്കാർ നിലപാട്​.

പ്രതിസന്ധി സംസ്​ഥാനങ്ങളുടെ സാമ്പത്തിക സ്​ഥിതിയെയും സാരമായി ബാധിച്ചു​. ജി.എസ്​.ടി കലക്ഷനിൽ വലിയ കുറവുണ്ടാകും. നിലവിലെ സാഹചര്യം പരിഗണിക്കു​േമ്പാൾ നികുതി അടക്കുന്ന സംവിധാനത്തിൽ ഇളവ്​ കൊടുക്കേണ്ടിവരും. അതിനാൽ ലഭിക്കേണ്ട നികുതി താമസിക്കും. ആ സാഹചര്യത്തിൽ കടം എടുക്കേണ്ടിവരും. എന്നാൽ കടം എടുക്കുന്നതിനും കേന്ദ്ര സർക്കാർ പല നിയന്ത്രണങ്ങളും ഏർ​െപ്പടുത്തിയിരിക്കുകയാണ്​. സംസ്​ഥാനത്തിന്​ ലഭിക്കേണ്ട ടാക്​സ്​പൂളിലും കുറവ്​ വരുത്തി​.

ഖജനാവ്​ ഉപയോഗിച്ച്​ സംസ്​ഥാനങ്ങളെ നിയന്ത്രിക്കുന്ന പുതിയ സംവിധാനവും കേന്ദ്രം നടപ്പാക്കുന്നു. ജനസംഖ്യ, വികസനകാര്യങ്ങൾ എന്നിവ ചൂണ്ടിക്കാട്ടിയാണ്​ നമുക്ക്​ ലഭിക്കേണ്ട വിഹിതം കുറച്ചത്​. കേന്ദ്ര സർക്കാർ ഇൗടാക്കുന്ന സെസിൽ നിന്നുള്ള വിഹിതവും സംസ്​ഥാനത്തിന്​ ലഭ്യമാക്കുന്നില്ല. ജി.എസ്​.ടി വിഹിതം മുൻവർഷങ്ങളിലെ 3107 കോടിയോളം കിട്ടാനുണ്ട്​. കോവിഡ്​ മൂലം നികുതിവരുമാനം 11,826 ​േകാടിയിൽനിന്ന്​ 4929 കോടിയായി കുറഞ്ഞു. ഇൗ പ്രതിസന്ധികൾക്കിടയിലും ജനക്ഷേമത്തിന്​ സർക്കാർ കൂടുതൽ സഹായം നൽകുന്നുണ്ട്​. പെൻഷനും കിറ്റും ഉൾപ്പെടെ 2030 രൂപ നിരക്കിൽ പ്രതിവർഷം ഒരാൾക്ക്​ 24,360 രൂപ നിരക്കിൽ 55 ലക്ഷം പേർക്കും പെൻഷൻ ലഭിക്കാത്ത 35 ലക്ഷം പേർക്കും സർക്കാർ സഹായം ലഭ്യമാക്കുന്നുണ്ട്​. മോറ​േട്ടാറിയം സംബന്ധിച്ച കാര്യങ്ങളിൽ ബാങ്കുകളുമായി ചർച്ചയും നടത്തും. വ്യാപാരികൾക്ക്​ നോട്ടീസ്​ അയക്കുന്നത്​ തുടരുമെങ്കിലും അവരെ ദ്രോഹിക്കുന്ന നടപടികളുണ്ടാകില്ലെന്നും മന്ത്രി പറഞ്ഞു.

Show Full Article
TAGS:Co-Operative sector finance minister 
News Summary - The Finance Minister said that some eagles are circling targeting the co-operative sector
Next Story