സംസ്​ഥാനത്ത്​ കലാശക്കൊട്ടിന്​ അനുമതിയില്ല; തെരഞ്ഞെടുപ്പ് പ്രചാരണത്തിന് കുട്ടികളെ ഉപയോഗിക്കരുത്

തിരുവനന്തപുരം: തെരഞ്ഞെടുപ്പ്​ പ്രചാരണത്തിന്‍റെ ഭാഗമായുള്ള കലാശക്കൊട്ട്​​ നടത്തരുതെന്ന്​ തെരഞ്ഞെടുപ്പ്​ കമീഷൻ. കോവിഡ്​ പശ്ചാത്തലത്തിൽ ആൾ​ക്കൂട്ടങ്ങൾ അനുവദിക്കാനാവില്ല. നിയന്ത്രണം ലംഘിച്ചാൽ പൊലീസിന്​ കേസെടുക്കാം.

തെരഞ്ഞെടുപ്പുമായി ബന്ധപ്പെട്ട ജോലികൾ, പ്രചാരണം, പ്രചാരണസാമഗ്രികൾ കൊണ്ടുപോവുക തുടങ്ങിയ പ്രവർത്തനങ്ങൾക്ക് കുട്ടികളെ ഉപയോഗിക്കരുതെന്നും മുഖ്യ​െതരഞ്ഞെടുപ്പ് ഓഫിസർ അറിയിച്ചു. ഇത്​ പാലിക്കപ്പെടുന്നുണ്ടെന്ന് രാഷ്​ട്രീയകക്ഷികളും ഉദ്യോഗസ്ഥരും ഉറപ്പാക്കണം. നിർദേശം ലംഘിക്കുന്നവർക്കെതിരെ കർശന നടപടി സ്വീകരിക്കും.