റഷ്യൻ സൈന്യത്തിലക​പ്പെട്ടവരുടെ രക്ഷപ്പെടൽ വൈകുന്നു

ആ​റ്റി​ങ്ങ​ൽ: തൊ​ഴി​ൽ തേ​ടി​യെ​ത്തി റ​ഷ്യ​യി​ൽ സൈ​നി​ക സേ​വ​ന​ത്തി​ന് നി​ർ​ബ​ന്ധി​ത​രാ​യ അ​ഞ്ചു​തെ​ങ്ങ് സ്വ​ദേ​ശി​ക​ളെ ര​ക്ഷ​പ്പെ​ടു​ത്ത​ൽ അ​ന​ന്ത​മാ​യി നീ​ളു​ന്നു. റ​ഷ്യ​യി​ലെ ഇ​ന്ത്യ​ൻ എം​ബ​സി സ​ഹാ​യി​ക്കാ​ൻ ത​യാ​റാ​കു​ന്നി​ല്ലെ​ന്ന് ബ​ന്ധു​ക്ക​ളു​ടെ പ​രാ​തി.

അ​ഞ്ചു​തെ​ങ്ങ് കു​രി​ശ്ശ​ടി മു​ക്കി​ന് സ​മീ​പം കൊ​പ്ര​ക്കൂ​ട്ടി​ൽ സെ​ബാ​സ്റ്റ്യ​ൻ- നി​ർ​മ​ല ദ​മ്പ​തി​ക​ളു​ടെ മ​ക​ൻ പ്രി​ൻ​സ് (24), പ​നി​യ​ടി​മ - ബി​ന്ദു ദ​മ്പ​തി​ക​ളു​ടെ മ​ക​ൻ ടി​നു (25), സി​ൽ​വ - പ​നി​യ​മ്മ ദ​മ്പ​തി​ക​ളു​ടെ മ​ക​ൻ വി​നീ​ത് (23) എ​ന്നി​വ​രാ​ണ് റ​ഷ്യ​യി​ൽ യു​ദ്ധ മു​ഖ​ത്ത് സൈ​നി​ക സേ​വ​ന​ത്തി​ന് നി​ർ​ബ​ന്ധി​ത​രാ​യ​ത്. യു​ക്രെ​യ്​​​നു​മാ​യു​ള്ള യു​ദ്ധ​ത്തി​ൽ വെ​ടി​യേ​റ്റും മൈ​ൻ പൊ​ട്ടി​യും പ​രി​ക്കേ​റ്റ പ്രി​ൻ​സ് വ​ഴി​യാ​ണ് വീ​ട്ടു​കാ​ർ വി​വ​ര​മ​റി​യു​ന്ന​ത്.

ഫെ​ബ്രു​വ​രി ആ​റി​നാ​ണ് പ്രി​ൻ​സി​ന് പ​രി​ക്കേ​റ്റ​ത്. തു​ട​ർ​ന്ന് ഒ​രു മാ​സം ആ​ശു​പ​ത്രി​യി​ൽ ചി​കി​ത്സ​യി​ലാ​യി​രു​ന്ന പ്രി​ൻ​സ്​ മാ​ർ​ച്ച് ആ​റി​നാ​ണ് ആ​ശു​പ​ത്രി വി​ട്ട​ത്. നി​ല​വി​ൽ പ്രി​ൻ​സ് മോ​സ്കോ സി​റ്റി​യി​ൽ സു​ര​ക്ഷി​ത​മാ​ണെ​ങ്കി​ലും ആ​ഹാ​രം ഉ​ൾ​പ്പെ​ടെ സ​മ​യം കി​ട്ടാ​ത്ത അ​വ​സ്ഥ​യു​ണ്ട്. പ്രി​ൻ​സി​ന്റെ പാ​സ്​​പോ​ർ​ട്ട് നി​ല​വി​ൽ സൈ​നി​ക ക്യാ​മ്പി​ലാ​ണ്. ഇ​തു ല​ഭി​ച്ചാ​ൽ നാ​ട്ടി​ലേ​ക്ക് വ​രാ​ൻ ക​ഴി​യും.

പ്രി​ൻ​സ് മോ​സ്കോ​യി​ലു​ള്ള ഇ​ന്ത്യ​ൻ എം​ബ​സി​യു​മാ​യി ബ​ന്ധ​പ്പെ​ട്ടെ​ങ്കി​ലും സ​ഹാ​യം ല​ഭി​ച്ചി​ല്ലെ​ന്നാ​ണ് ആ​ക്ഷേ​പം. ഇ​ട​പെ​ടാ​ൻ ക​ഴി​യി​ല്ലെ​ന്ന് പ​റ​ഞ്ഞ്​ ഒ​ഴി​ഞ്ഞു​മാ​റു​ക​യാ​യി​രു​ന്ന​ത്രെ. തു​ട​ർ​ന്ന് ബ​ന്ധു​ക്ക​ൾ വ​ഴി നാ​ട്ടി​ലെ പൊ​തു​പ്ര​വ​ർ​ത്ത​ക​രെ വി​വ​രം അ​റി​യി​ച്ചു. 15ന് ​മു​ഖ്യ​മ​ന്ത്രി​യു​ടെ ഓ​ഫി​സി​ൽ പ​രാ​തി ന​ൽ​കി.

ഇ​തി​നെ​ത്തു​ട​ർ​ന്ന്​ കേ​ര​ള സ​ർ​ക്കാ​റി​നു​വേ​ണ്ടി പ്രി​ൻ​സി​പ്പ​ൽ സെ​ക്ര​ട്ട​റി മോ​സ്കോ​യി​ലു​ള്ള ഇ​ന്ത്യ​ൻ എം​ബ​സി അം​ബാ​സ​ഡ​ർ, കേ​ന്ദ്ര വി​ദേ​ശ​കാ​ര്യ ജോ​യ​ൻ​റ്​ സെ​ക്ര​ട്ട​റി എ​ന്നി​വ​ർ​ക്ക് 16ന് ​ക​ത്ത് ന​ൽ​കി. അ​ടൂ​ർ പ്ര​കാ​ശ് എം.​പി വി​ദേ​ശ​കാ​ര്യ മ​ന്ത്രി എ​സ്. ജ​യ​ശ​ങ്ക​റി​ന്​ ഇ​ട​പെ​ട​ൽ ആ​വ​ശ്യ​പ്പെ​ട്ട് ക​ത്ത് ന​ൽ​കി​യി​രു​ന്നു.

പ്രി​ൻ​സി​നൊ​പ്പം റ​ഷ്യ​യി​ലെ​ത്തി​യ ടി​നു, വി​നീ​ത് എ​ന്നി​വ​ർ ഇ​പ്പോ​ഴും യു​ക്രെ​യ്​​ൻ സൈ​ന്യ​വു​മാ​യി നേ​രി​ട്ട് ഏ​റ്റു​മു​ട്ടി​ക്കൊ​ണ്ടി​രി​ക്കു​ക​യാ​ണ്. യു​ദ്ധ​മു​ഖ​ത്തു​നി​ന്ന്​ നാ​മ​മാ​ത്ര​മാ​യി ഇ​വ​ർ വീ​ട്ടു​കാ​രു​മാ​യി ഫോ​ണി​ൽ ബ​ന്ധ​പ്പെ​ടു​ന്നു​ണ്ട്. ഇ​തി​നി​ടെ ബോം​ബ് സ്ഫോ​ട​ന​ങ്ങ​ളു​ടെ​യും മ​റ്റും ശ​ബ്ദം കേ​ൾ​ക്കു​ന്ന​ത് വീ​ട്ടു​കാ​രെ ആ​ശ​ങ്ക​പ്പെ​ടു​ത്തു​ന്നു​ണ്ട്. ബ്രെ​ഡ് ആ​ണ് ആ​ഹാ​ര​മാ​യി ല​ഭി​ക്കു​ന്ന​ത്. പ​ച്ച ഇ​റ​ച്ചി​യും ന​ൽ​കും. അ​ത് ചൂ​ടു​വെ​ള്ള​ത്തി​ലി​ട്ട് വേ​വി​ച്ച് ആ​ണ് ഭ​ക്ഷി​ക്കു​ന്ന​തെ​ന്ന് പ്രി​ൻ​സി​ന്‍റെ സ​ഹോ​ദ​ര​ൻ പ്ര​ശാ​ന്ത് പ​റ​ഞ്ഞു.