Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightഹോൺ കേട്ട്​ പിണങ്ങിയ...

ഹോൺ കേട്ട്​ പിണങ്ങിയ ആന കിണറ്റിൽ 'ചാടാനൊരുങ്ങി', പാപ്പാൻമാരെത്തി അനുനയിപ്പിച്ചു; സംഭവമിങ്ങിനെ

text_fields
bookmark_border
ഹോൺ കേട്ട്​ പിണങ്ങിയ ആന കിണറ്റിൽ ചാടാനൊരുങ്ങി, പാപ്പാൻമാരെത്തി അനുനയിപ്പിച്ചു; സംഭവമിങ്ങിനെ
cancel
camera_alt

ആന കുടുങ്ങിയ കിണർ

കോട്ടയം: പനച്ചിക്കാട് പരുത്തുംപാറയിൽ ​ഹോൺ ശബ്​ദം കേട്ട്​ വിരണ്ടോടിയ പിടിയാന കിണറ്റിൽ കുടുങ്ങി. മുൻകാലുകൾ കിണറ്റിനുള്ളിലായി അനങ്ങാൻ പറ്റാതായ ആനയെ ഏറെനേരത്തെ പരിശ്രമത്തിനൊടുവിൽ പാപ്പാന്മാർ ചേർന്ന്​ രക്ഷപ്പെടുത്തി. രക്ഷാപ്രവർത്തനത്തിനിടെ കിണറി​െൻറ തൂണുകൾ തകർന്നു. ആനക്കും പരിക്കേറ്റു. വ്യാഴാഴ്ച ഉച്ചക്ക്​ 11.30ഓടെയായിരുന്നു സംഭവം.

പനച്ചിക്കാട് പെരിഞ്ചേരിക്കുന്നിൽ തടിപിടിക്കാൻ എത്തിച്ച പാലാ സ്വദേശിയുടെ ഉടമസ്ഥതയിലുള്ള കല്യാണിയെന്ന ആനയാണ്​ വിര​േണ്ടാടി കിണറ്റിൽ വീണത്​. വാഹനത്തി​െൻറ ഹോൺ കേട്ട്​ ആന വിരണ്ടോടുകയായിരുന്നു.

റോഡിലൂടെ ഓടിയ ആന ആദ്യം പരുത്തുംപാറ കവലയിലും ഇവിടെനിന്ന്​ നെല്ലിക്കലുമെത്തി. തുടർന്ന്​ തിരിഞ്ഞോടിയ ആന പനച്ചിക്കാട്​ പഞ്ചായത്ത് ഓഫിസിന് മുന്നിലൂടെ കുഴിമറ്റം ഭാഗത്തെത്തി. റോഡിലൂടെയും പുരയിടങ്ങളിലൂടെയും വാഹനങ്ങള്‍ക്കും വസ്തുവകകള്‍ക്കും നാശമുണ്ടാക്കാതെ ഓടിയ ആന വീണ്ടും നെല്ലിക്കല്‍ ഭാഗത്തെത്തി നിന്നു. നാട്ടുകാർ തടിച്ചുകൂടിയതോടെ റോഡിൽനിന്ന്​ നെല്ലിക്കൽ സന്തോഷ്​ ക്ലബിനു​ സമീപം സീതാമണിയുടെ വീട്ടുമുറ്റത്തേക്ക്​ ആന ഓടിയിറങ്ങി.

നാട്ടുകാരെ പഞ്ചായത്ത്​ വൈസ്​ പ്രസിഡൻറ്​ റോയി മാത്യുവി​െൻറ ​േനതൃത്വത്തിൽ നിയന്ത്രിച്ചതോടെ പാപ്പാൻമാർ വീട്ടുമുറ്റത്തെത്തി ആനയെ അനുനയിപ്പിക്കാൻ ശ്രമിച്ചു. ഇവരെ കണ്ടതോടെ മുന്നോ​ട്ടോടിയ ആന വീട്ടുമുറ്റത്തെ കിണറി​െൻറ ആൾമറക്ക്​ മുകളിലേക്ക്​ കയറാൻ ശ്രമിച്ചു. ഇതിനിടെ മുൻകാൽ തെന്നി കിണറ്റിലേക്ക്​ വീഴുകയും പകുതി ഭാഗം കുടുങ്ങുകയുമായിരുന്നു. മൂക്കാൽ മണിക്കൂറോളം നീണ്ട പരിശ്രമത്തിനൊടുവിൽ പാപ്പാന്മാരും ഒപ്പമുണ്ടായിരുന്നവരും ചേർന്ന് മുൻകാൽ പുറത്തെടുക്കാൻ സഹായിക്കുകയും ആന പുറത്ത്​ കടക്കുകയുമായിരുന്നു. തുടർന്ന്​ സമീപത്തായി തളച്ചു.



കരക്കുകയറ്റാനുള്ള ശ്രമത്തിനിടെ കിണറി​െൻറ രണ്ടുതൂണും തകർന്നുവീണു. കിണറി​െൻറ ചുറ്റുമതിലിനും കേടുപാടുണ്ട്​. ​ആനയുടെ നാവിലും തുമ്പിക്കൈയിലുമാണ്​ പരിക്ക്​. പാപ്പാ​െൻറ സഹായിയുടെ ​ വിരലിനും നേരിയ പരിക്കുണ്ട്​. ആന റോഡിലൂടെ ഓടിയത്​ നാട്ടുകാരെയും വാഹനയാത്രക്കാരെയും പരിഭ്രാന്തരാക്കിയിരുന്നു. ചിങ്ങവനം പൊലീസ​ും സ്ഥലത്തെത്തിയിരുന്നു.

Show Full Article
TAGS:elephant wild 
News Summary - The elephant was about to ‘jump’ into the well
Next Story