സമസ്തക്ക് മുഖ്യമന്ത്രിയോട് സംസാരിക്കാൻ വാതിൽ തുറന്നു -മന്ത്രി അബ്​ദുറഹിമാൻ

തിരുവനന്തപുരം: വഖഫ്​ ബോർഡ്​ നിയമന പ്രശ്​നത്തിലെ ചർച്ചയിലൂടെ സമസ്തക്ക് മുഖ്യമന്ത്രിയോട് സംസാരിക്കാൻ വാതിൽ തുറന്നിട്ടുകഴിഞ്ഞെന്ന്​ വഖഫ്​ മന്ത്രി വി. അബ്​ദുറഹിമാൻ. ഇനി ഇടനിലയായി മറ്റൊരു രാഷ്​ട്രീയ പാർട്ടി വേണ്ട​. മുസ്​ലിം ലീഗ് ഇനി വിലപേശൽ നിർത്തണമെന്നും മന്ത്രി അബ്​ദുറഹിമാൻ ആവശ്യപ്പെട്ടു.

നിയമനങ്ങൾ പി.എസ്.സിക്ക് വിടാനുള്ള തീരുമാനമെടുത്തത് വഖഫ് ബോർഡാണ്. ഇക്കാര്യത്തിൽ സമസ്ത കാണിച്ചത് മഹാമനസ്കതയാണ്. വഖഫ് പ്രശ്‍നം രാഷ്​ട്രീയമായി കാണരുത്. മുസ്​ലിം ലീഗ് അത് മനസ്സിലാക്കണം. മുസ്​ലിം ലീഗി​ന്‍റെ സമരം രാഷ്​ട്രീയ ലക്ഷ്യം​വെച്ചാണെന്നും അദ്ദേഹം പറഞ്ഞു.