ലൈം​ഗി​കാ​തി​ക്ര​മ കേ​സി​ൽ കോ​ട​തി ശി​ക്ഷി​ച്ച ഡോ​ക്ട​ർ​ക്ക് ഒ​ടു​വി​ൽ സ​സ്പെ​ൻ​ഷ​ൻ

ക​ൽ​പ​റ്റ: ചി​കി​ത്സ​ക്കെ​ത്തി​യ പെ​ൺ​കു​ട്ടി​യെ പീ​ഡി​പ്പി​ക്കാ​ന്‍ ശ്ര​മി​ച്ചെ​ന്ന കേ​സി​ൽ കു​റ്റ​ക്കാ​ര​നെ​ന്നു കോ​ട​തി ക​ണ്ടെ​ത്തി​യ ഡോ​ക്ട​ര്‍ക്ക് ഒ​ടു​വി​ൽ സ​സ്‌​പെ​ന്‍ഷ​ന്‍. മാ​ന​ന്ത​വാ​ടി വ​യ​നാ​ട് ഗ​വ. മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ലെ മാ​ന​സി​കാ​രോ​ഗ്യ വി​ദ​ഗ്ധ​ന്‍ ജോ​സ്റ്റി​ന്‍ ഫ്രാ​ന്‍സി​സി​നെ​യാ​ണ് ആ​രോ​ഗ്യ​വ​കു​പ്പ് ഡ​യ​റ​ക്ട​ർ ഡോ. ​കെ.​ജെ. റീ​ന സ​സ്‌​പെ​ന്‍ഡ് ചെ​യ്ത​ത്.

ലൈം​ഗി​കാ​തി​ക്ര​മ കേ​സി​ൽ ശി​ക്ഷി​ച്ച ഡോ​ക്ട​ർ​ക്കെ​തി​രെ ന​ട​പ​ടി സ്വീ​ക​രി​ക്കാ​തെ വി​ധി വ​ന്ന​ശേ​ഷ​വും എ​സ്.​എ​സ്.​എ​ല്‍.​സി പ​രീ​ക്ഷ​യെ​ഴു​തു​ന്ന പ​ഠ​ന​വൈ​ക​ല്യ​മു​ള്ള കു​ട്ടി​ക​ൾ​ക്ക് മെ​ഡി​ക്ക​ൽ സ​ർ​ട്ടി​ഫി​ക്ക​റ്റ് ന​ൽ​കു​ന്ന​തി​നു​ള്ള ക്യാ​മ്പി​ന്റെ ചു​മ​ത​ല ഏ​ൽ​പി​ച്ച​ത് ‘മാ​ധ്യ​മം’ റി​പ്പോ​ർ​ട്ട് ചെ​യ്തി​രു​ന്നു. വാ​ർ​ത്ത​യെ തു​ട​ർ​ന്ന് ആ​രോ​ഗ്യ വ​കു​പ്പി​ന്റെ ന​ട​പ​ടി​ക്കെ​തി​രെ വി​വി​ധ സം​ഘ​ട​ന​ക​ളു​ടെ നേ​തൃ​ത്വ​ത്തി​ൽ ജി​ല്ല​യി​ൽ വ​ൻ പ്ര​തി​ഷേ​ധം ഉ​യ​ർ​ന്നി​രു​ന്നു.

തു​ട​ർ​ന്ന് ക​ഴി​ഞ്ഞ ദി​വ​സം എ​ൽ.​ഡി ക്യാ​മ്പി​ന്റെ ചു​മ​ത​ല​യി​ൽ​നി​ന്ന് ഡോ. ​ജോ​സ്റ്റി​നെ മാ​റ്റി​നി​ർ​ത്തി ക​ണ്ണി​ൽ പൊ​ടി​യി​ടാ​നു​ള്ള ആ​രോ​ഗ്യ വ​കു​പ്പി​ന്റെ ന​ട​പ​ടി​യും വി​വാ​ദ​മാ​യി. ഇ​തേ​ത്തു​ട​ർ​ന്നാ​ണ് ഡോ​ക്ട​റെ സ​ർ​വി​സി​ൽ​നി​ന്ന് സ​സ്പെ​ൻ​ഡ് ചെ​യ്തു​കൊ​ണ്ടു​ള്ള ഉ​ത്ത​ര​വി​റ​ങ്ങി​യ​ത്.

2020 ഒ​ക്ടോ​ബ​റി​ലാ​ണ് ഡോ​ക്ട​ര്‍ക്കെ​തി​രെ പീ​ഡ​ന​ശ്ര​മ പ​രാ​തി ഉ​യ​ര്‍ന്ന​ത്. കേ​സി​ല്‍ കു​റ്റ​ക്കാ​ര​നെ​ന്നു ക​ണ്ടെ​ത്തി​യ ഡോ​ക്ട​ര്‍ക്ക് ക​ൽ​പ​റ്റ ജു​ഡീ​ഷ്യ​ൽ ഒ​ന്നാം ക്ലാ​സ് മ​ജി​സ്ട്രേ​റ്റ് കോ​ട​തി ര​ണ്ടു​വ​ര്‍ഷം ത​ട​വും 20,000 രൂ​പ പി​ഴ​യു​മാ​ണ് ശി​ക്ഷ വി​ധി​ച്ച​ത്. കോ​ട​തി​വി​ധി വ​ന്നി​ട്ടും ഡോ​ക്ട​റെ സ​ർ​ക്കാ​ർ സ​ർ​വി​സി​ൽ​നി​ന്ന് മാ​റ്റി​നി​ർ​ത്താ​ൻ ബ​ന്ധ​പ്പെ​ട്ട​വ​ർ ത​യാ​റാ​യി​രു​ന്നി​ല്ല.

എ​റ​ണാ​കു​ളം മൂ​വാ​റ്റു​പു​ഴ സ്വ​ദേ​ശി​യാ​യ ഡോ​ക്ട​ർ ക​ൽ​പ​റ്റ പു​തി​യ ബ​സ് സ്റ്റാ​ൻ​ഡി​നു സ​മീ​പം ന​ട​ത്തു​ന്ന സ്വ​കാ​ര്യ ക്ലി​നി​ക്കി​ൽ വി​ഷാ​ദ​രോ​ഗ​ത്തി​ന് ചി​കി​ത്സ തേ​ടി​യെ​ത്തി​യ പെ​ൺ​കു​ട്ടി​യോ​ട് ലൈം​ഗി​കാ​തി​ക്ര​മം ന​ട​ത്തു​ക​യാ​യി​രു​ന്നു​വെ​ന്നാ​ണ് കേ​സ്.

ജി​ല്ല മാ​ന​സി​കാ​രോ​ഗ്യ പ​രി​പാ​ടി​യു​ടെ​യും വി​മു​ക്തി പ​ദ്ധ​തി​യു​ടെ​യും നോ​ഡ​ല്‍ ഓ​ഫി​സ​റാ​യി​രു​ന്ന ജോ​സ്റ്റി​ന്‍ ഫ്രാ​ന്‍സി​സ് കെ.​ജി.​എം.​ഒ.​എ മു​ന്‍ ജി​ല്ല പ്ര​സി​ഡ​ന്റ് കൂ​ടി​യാ​യി​രു​ന്നു.

കോ​ട​തി കു​റ്റ​ക്കാ​ര​നെ​ന്നു ക​ണ്ടെ​ത്തി​യി​ട്ടും സ​ര്‍വി​സി​ല്‍ തു​ട​രു​ന്ന​ത് ഭ​ര​ണാ​നു​കൂ​ല സം​ഘ​ട​ന​ക​ളു​ടെ പി​ന്തു​ണ​കൊ​ണ്ടാ​ണെ​ന്ന് ആ​രോ​പ​ണം ഉ​യ​ർ​ന്നി​രു​ന്നു.