എൻ.സി.പിയിൽ കലഹം രൂക്ഷം; മാണി സി. കാപ്പനും ശശീന്ദ്രനും തമ്മിൽ നടത്തിയ ചർച്ച അലസിപ്പിരിഞ്ഞു

തി​രു​വ​ന​ന്ത​പു​രം: മുഖ്യമന്ത്രിയുടെ നിർദ്ദേശപ്രകാരം നേതാക്കളായ എൻ.സി.പി മാണി സി. കാപ്പനും, ശശീന്ദ്രനും മുഖ്യമന്ത്രിയുമായി നടത്തിയ ചർച്ച എങ്ങുമെത്തിയില്ല. പാല സീറ്റ് വിട്ട് നൽകില്ലെന്ന് മാണി സി. കാപ്പനും ഇടത് മുന്നണി വിടാനില്ലെന്ന് ശശീന്ദ്രനും നിലപാടെടുത്തതോടെയാണ് ചർച്ച അലസിപ്പിരിഞ്ഞത്.

മന്ത്രി എ.കെ ശശീന്ദ്രനും മാണി സി.കാപ്പൻ എം.എൽ.എയും വെവ്വേറെയാണ് മുഖ്യമന്ത്രിയുമായി സംസാരിച്ചത്. പാ​ലാ സീ​റ്റു​മാ​യി ബ​ന്ധ​പ്പെ​ട്ടു​യ​ർ​ന്ന ത​ർ​ക്കം മു​ന്ന​ണി മാ​റ്റ​ത്തി​ലേ​ക്ക് ഉ​ൾ​പ്പെ​ടെ എ​ത്തി നി​ൽ​ക്കു​ന്ന സാ​ഹ​ച​ര്യ​ത്തി​ലാ​ണു കൂ​ടി​ക്കാ​ഴ്ച.

പാലാ സീറ്റ് എന്‍സിപിയില്‍ നിന്ന് ഏറ്റെടുത്ത് ജോസ് കെ മാണി വിഭാഗത്തിന് നല്‍കുകയാണെങ്കില്‍ എൻ.സി.പിയില്‍ പിളര്‍പ്പിന് സാധ്യതയുണ്ട്. മാണി സി കാപ്പനും ടി.പി പീതാംബരനും അടങ്ങുന്ന വിഭാഗം കോണ്‍ഗ്രസ്സിലേക്ക് പോയേക്കും.

തെ​ര​ഞ്ഞെ​ടു​പ്പ് തൊ​ട്ട​ടു​ത്തു നി​ൽ​ക്കെ പ്രശ്നങ്ങളുമായി മുന്നോട്ട് പോകാനില്ലെന്ന നിലപാടിലാണ് മുഖ്യമന്ത്രി. പാ​ലാ സീ​റ്റ് മാ​ണി സി. ​കാ​പ്പ​നു ത​ന്നെ ന​ൽ​കി​ പ​ക​രം ക​ടു​ത്തു​രു​ത്തി​യി​ൽ മ​ത്സ​രി​ക്കാ​ൻ ജോ​സ് കെ. ​മാ​ണി​യോ​ട് മു​ഖ്യ​മ​ന്ത്രി നി​ർ​ദ്ദേ​ശി​ക്കു​മെ​ന്നും സൂചനയുണ്ട്.

പാ​ലാ സീ​റ്റി​ൽ മാ​ണി സി. ​കാ​പ്പ​ൻ യു​.ഡി​.എ​ഫ് സ്ഥാ​നാ​ർ​ഥി​യാ​യി വ​രു​ന്ന​ത് തടയിടാൻ കൂടിയാണ് ഇത്തരത്തിലൊരു നീക്കം. ജോ​സ് കെ. ​മാ​ണി​യെ​യും മാ​ണി സി. ​കാ​പ്പ​നെ​യും ഒ​പ്പം​നി​ർ​ത്തി മ​ത്സ​രി​ച്ചാ​ൽ മ​ധ്യ​കേ​ര​ള​ത്തി​ൽ ഇത്തവണ എൽ.ഡി.എഫിന് മികച്ച വിജയം കൈവരിക്കാൻ ആകുമെന്നാണ് പ്രതീക്ഷ.