ആളുന്നു നെഞ്ചിൽ തീ

എ​ല​ത്തൂ​ർ: ജ​ന​ങ്ങ​ളു​ടെ ജീ​വ​ന് ഭീ​ഷ​ണി​യാ​യാ​ണ് എ​ച്ച്.​പി.​സി.​എ​ൽ പ്ലാന്റ് പ്ര​വ​ർ​ത്തി​ക്കു​ന്ന​തെ​ന്ന ആ​ക്ഷേ​പം ബ​ല​പ്പെ​ടു​ക​യാ​ണെ​ന്ന്​ പ്ര​ദേ​ശ​വാ​സി​ക​ൾ. ബു​ധ​നാ​ഴ്ച വൈ​കീ​ട്ട് നാ​ല​ര​യോ​ടെ ഡി​പ്പോ​യി​ലെ ചോ​ർ​ച്ച​മൂ​ലം ഡീ​സ​ൽ സ​മീ​പ​ത്തെ ഓ​വു​ചാ​ലു​ക​ളി​ലൂ​ടെ പു​റ​ത്തെ​ത്തി​യ​ത് ഗു​രു​ത​ര വീ​ഴ്ച​യാ​ണെ​ന്നാ​ണ് ജി​ല്ല ക​ല​ക്ട​ർ വി​ല​യി​രു​ത്തി​യ​ത് സ​മീ​പ​വാ​സി​ക​ൾ ഉ​യ​ർ​ത്തി​യ അ​പ​ക​ട ഭീ​ഷ​ണി​യി​ലേ​ക്കാ​ണ് വി​ര​ൽ ചൂ​ണ്ടു​ന്ന​ത്.

അ​പ​ക​ട​ഭീ​ഷ​ണി​യെ​ത്തു​ട​ർ​ന്ന് പ്ലാന്റ് മാ​റ്റ​ണ​മെ​ന്നാ​വ​ശ്യ​പ്പെ​ട്ട് പ​ല ഘ​ട്ട​ങ്ങ​ളി​ലും ആ​ക്ഷ​ൻ ക​മ്മി​റ്റി​യു​ടെ നേ​തൃ​ത്വ​ത്തി​ൽ സ​മ​രം ന​ട​ന്നി​രു​ന്നു.

സു​ര​ക്ഷാ​വീ​ഴ്ച തു​ട​ർ​ച്ച

ചോ​ർ​ച്ച​യെ​ത്തു​ട​ർ​ന്ന് ഡി​പ്പോ കോ​മ്പൗ​ണ്ടി​നു​ള്ളി​ൽ കെ​ട്ടി​ക്കി​ട​ന്ന ഡീ​സ​ൽ അ​പ​ക​ട​ഭീ​ഷ​ണി​യി​ല്ലാ​തെ ശേ​ഖ​രി​ക്കു​ക​യോ സം​സ്ക​രി​ക്കു​ക​യോ ചെ​യ്യേ​ണ്ടു​ന്ന​തി​നു​പ​ക​രം ഓ​വു​ചാ​ലി​ലേ​ക്ക് ഒ​ഴു​ക്കി​വി​ട്ട് വ​ൻ അ​പ​ക​ട​ഭീ​ഷ​ണി ഉ​യ​ർ​ത്തു​ക​യാ​യി​രു​ന്നു​വെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്.

നൂ​റു​ക​ണ​ക്കി​ന് വാ​ഹ​ന​ങ്ങ​ൾ ക​ട​ന്നു​പോ​കു​ന്ന ദേ​ശീ​യ​പാ​ത​ക്ക​രി​കി​ലെ ഓ​വു​ചാ​ലി​ലേ​ക്ക് ഒ​ഴു​ക്കി​വി​ട്ട​ത് വ​ൻ അ​പ​ക​ട​ ഭീ​ഷ​ണി​യാ​യി​രു​ന്നു വ​രു​ത്തി​വെ​ച്ച​ത്. ചോ​ർ​ച്ച​യു​ണ്ടാ​യാ​ൽ അ​ടി​സ്ഥാ​ന സം​വി​ധാ​നം​പോ​ലും ഡി​പ്പോ​യി​ൽ ഇ​ല്ലെ​ന്നാ​ണ് ഇ​ത് തെ​ളി​യി​ക്കു​ന്ന​തെ​ന്നും സ​മീ​പ​വാ​സി​ക​ൾ​ക്ക് വ​ൻ അ​പ​ക​ട​സാ​ധ്യ​ത​യാ​ണ് ഇ​വി​ടെ​യു​ള്ള​തെ​ന്നും പ്ര​ദേ​ശ​വാ​സി​യാ​യ സ​മീ​ർ വാ​ളി​യി​ൽ പ​റ​ഞ്ഞു.

മു​മ്പ് മൂ​ന്നു ത​വ​ണ സ​മാ​ന​മാ​യ സം​ഭ​വം ഉ​ണ്ടാ​യി​രു​ന്ന​താ​യും കു​ട്ടി​ക​ളും സ്ത്രീ​ക​ളും ഉ​ൾ​പ്പെ​ടെ​യു​ള്ള​വ​ർ​ക്ക് അ​സ്വാ​സ്ഥ്യം ഉ​ണ്ടാ​യി​രു​ന്ന​താ​യും സ​മീ​ർ പ​റ​ഞ്ഞു.

അ​പ​ക​ടം മ​റ​ച്ചു​വെ​ക്കാ​ൻ ശ്ര​മം

ചോ​ർ​ച്ച​മൂ​ലം ഡീ​സ​ൽ പ​ര​ന്നൊ​ഴു​കി​യ​തി​ന്റെ ഗൗ​ര​വം പൊ​തു​ജ​ന​ങ്ങ​ൾ അ​റി​യാ​തി​രി​ക്കാ​ൻ ശേ​ഖ​രി​ച്ചു​വെ​ച്ച പ​ത്തു​ബാ​ര​ലോ​ളം ഡീ​സ​ൽ സം​ഭ​വ​സ്ഥ​ല​ത്തു​നി​ന്ന് നീ​ക്കാ​ൻ ചി​ല ജ​ന​പ്ര​തി​നി​ധി​ക​ളെ​യും ഡി​പ്പോ ജീ​വ​ന​ക്കാ​രെ​യും സ്വാ​ധീ​നി​ച്ച് എ​ച്ച്.​പി.​സി.​എ​ൽ അ​ധി​കൃ​ത​ർ രാ​ത്രി​ത​ന്നെ ശ്ര​മി​ച്ചി​രു​ന്നു.

ഇ​വ മാ​റ്റാ​ൻ ക്രെ​യി​നും മി​നി​ലോ​റി​യും എ​ത്തി​യെ​ങ്കി​ലും ഷി​ബു ച​​​ന്ദ്രോ​ദ​യ​ത്തി​ന്റെ നേ​തൃ​ത്വ​ത്തി​ൽ ജ​ന​ങ്ങ​ൾ ത​ട​യു​ക​യും ബ​ന്ധ​പ്പെ​ട്ട​വ​ർ എ​ത്തി സു​ര​ക്ഷാ പ്ര​ശ്നം ആ​വ​ർ​ത്തി​ക്കി​ല്ലെ​ന്ന ഉ​റ​പ്പു​വേ​ണ​മെ​ന്നും ശ​ഠി​ച്ച​തി​നെ​ത്തു​ട​ർ​ന്ന് മാ​റ്റാ​നു​ള്ള നീ​ക്കം ഉ​പേ​ക്ഷി​ക്കു​ക​യാ​യി​രു​ന്നു.

ഇ​വി​ടെ മു​മ്പ് പ​ല​ത​വ​ണ തീ​പി​ടി​ത്തം ഉ​ണ്ടാ​യി​ട്ടു​ണ്ടെ​ന്നും നാ​ട്ടു​കാ​ർ പ​റ​ഞ്ഞു. നൂ​റു ക​ണ​ക്കി​ന് കു​ടും​ബ​ങ്ങ​ൾ തി​ങ്ങി​ത്താ​മ​സി​ക്കു​ന്ന സ്ഥ​ല​മാ​ണി​ത്. സു​ര​ക്ഷ​യു​റ​പ്പാ​ക്കു​ന്ന​തി​നു​വേ​ണ്ടി ഒ​ന്ന​ര​വ​ർ​ഷ​ത്തോ​ളം അ​ട​ച്ചി​ട്ട ഡി​പ്പോ​യി​ൽ വീ​ണ്ടും സു​ര​ക്ഷാ പ്ര​ശ്ന​മ​യ​രു​ന്ന​ത് ആ​ശ​ങ്ക​ക്കി​ട​യാ​ക്കു​ക​യാ​ണ്.

ഭാ​വി​യി​ൽ ഇ​ത്ത​രം സം​ഭ​വ​ങ്ങ​ൾ ആ​വ​ർ​ത്തി​ക്കാ​തി​രി​ക്കാ​ൻ മു​ൻ​ക​രു​ത​ൽ ന​ട​പ​ടി​ക​ൾ സ്വീ​ക​രി​ക്കു​മെ​ന്ന് എ​ച്ച്.​പി.​സി.​എ​ല്‍ ഡി​പ്പോ മാ​നേ​ജ​ർ സി. ​വി​ന​യ​ൻ പ്ര​തി​ഷേ​ധ​ക്കാ​രെ അ​റി​യി​ച്ചി​രു​ന്നു. ഓ​വു​ചാ​ലി​ലൂ​ടെ ഡീ​സ​ൽ പ​ര​ന്നൊ​ഴു​കി​യ​തി​നെ​ത്തു​ട​ർ​ന്ന് ഒ​ന്ന​ര കി​ലോ​മീ​റ്റ​റോ​ളം ദൂ​ര​ത്തി​ൽ മ​ണ്ണും ജ​ലാ​ശ​യ​ങ്ങ​ളും മ​ലി​ന​മാ​യെ​ന്നാ​ണ് വി​ല​യി​രു​ത്ത​ൽ. മ​ത്സ്യ​ങ്ങ​ൾ ച​ത്തു​പൊ​ങ്ങി പു​ഴ​യി​ലെ​ത്തി​യ​താ​യി നാ​ട്ടു​കാ​ർ പ​റ​ഞ്ഞു.

എ​ന്നാ​ൽ, സം​യു​ക്ത പ​രി​ശോ​ധ​ക സം​ഘ​ത്തി​ന് ച​ത്തു​പൊ​ങ്ങി​യ മ​ത്സ്യ​ങ്ങ​ളെ ക​ണ്ടെ​ത്താ​നാ​യി​ല്ല. ജ​ല​സ്രോ​ത​സ്സു​ക​ളി​ലെ വി​വി​ധ ഭാ​ഗ​ങ്ങ​ളി​ൽ​നി​ന്ന് ശേ​ഖ​രി​ച്ച വെ​ള്ള​ത്തി​ൽ ഡീ​സ​ലി​ന്റെ അം​ശം ക​ണ്ടെ​ത്തി.

ഡീ​സ​ൽ ചോ​ർ​ച്ച ശ്ര​ദ്ധ​യി​ൽ​പെ​ടു​ത്തി​യ​പ്പോ​ൾ ഡി​പ്പോ അ​ധി​കൃ​ത​ർ ആ​ദ്യം നി​സ്സാ​ര​മാ​യി ത​ള്ളു​ക​യാ​യി​രു​ന്നു​വ​ത്രെ. പൊ​ലീ​സി​നെ ഉ​പ​യോ​ഗി​ച്ച് ഭീ​ഷ​ണി​പ്പെ​ടു​ത്താ​നാ​ണ് ശ്ര​മി​ച്ച​തെ​ന്നും സ​മീ​പ​വാ​സി​ക​ൾ പ​റ​യു​ന്നു.​ര​ണ്ടാ​യി​ര​ത്തോ​ളം ലി​റ്റ​ർ ഡീ​സ​ൽ ഒ​ഴു​കി​യി​ട്ടും അ​ധി​കൃ​ത​ർ അ​റി​ഞ്ഞി​ല്ലെ​ന്ന​ത് ഗു​രു​ത​ര വീ​ഴ്ച​യാ​ണ്.