Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightഷിജുഖാനെതിരെ ഇപ്പോൾ...

ഷിജുഖാനെതിരെ ഇപ്പോൾ നടപടിയുണ്ടാവില്ലെന്ന്​ സി.പി.എം

text_fields
bookmark_border
ഷിജുഖാനെതിരെ ഇപ്പോൾ നടപടിയുണ്ടാവില്ലെന്ന്​ സി.പി.എം
cancel

തിരുവനന്തപുരം: ഷിജുഖാനെതിരെ ഇപ്പോൾ നടപടിയുണ്ടാവില്ലെന്ന്​ സി.പി.എം ജില്ലാ സെക്രട്ടറി ആനാവുർ നാഗപ്പൻ. ഷിജുഖാന്‍റെ പേരിൽ നിയമപരമായി തെറ്റുള്ളതായി കണ്ടെത്തിയിട്ടില്ല. അത്​ തെളിയും വരെ നടപടിയുണ്ടാകില്ല. വീഴ്ച കണ്ടെത്തിയാൽ പരിശോധിക്കുമെന്നും അദ്ദേഹം പറഞ്ഞു.

ആരോപണം ഉന്നയിച്ചാൽ അതിന്‍റെ പിന്നാലെ പോകുന്നത്​ പാർട്ടിയുടെ രീതിയല്ല. ഇനിയുള്ള കാര്യങ്ങളിൽ തീരുമാനം എടുക്കേണ്ടത്​ കോടതിയാണെന്നും സി.പി.എം ജില്ലാ സെക്രട്ടറി പറഞ്ഞു. അനുപമയുടെ കുട്ടിയെ ദത്ത്​ നൽകിയതിൽ ഗുരുതരപിഴവുണ്ടായെന്ന്​ അന്വേഷണ റിപ്പോർട്ട്​ പുറത്ത്​ വന്നിരുന്നു. സി.ഡബ്ല്യു.സിക്ക്​ പിഴവുണ്ടായയെന്നാണ്​ കണ്ടെത്തൽ. വകുപ്പുതല അന്വേഷണ റിപ്പോർട്ടാണ്​ ഇപ്പോൾ പുറത്ത്​ വന്നിരിക്കുന്നത്.

ദത്ത് തടയാൻ സി.ഡബ്ല്യു.സി ഇടപെട്ടില്ലെന്നും പൊലീസിനെ അറിയിച്ചില്ലെന്നും റിപ്പോർട്ടിൽ പറയുന്നു. അനുപമയുടെ പരാതി ലഭിച്ചിട്ടും ദത്ത് നടപടികളുമായി മുന്നോട്ട് പോയി. ശിശുക്ഷേമ സമിതി രജിസ്റ്ററിൽ ഒരു ഭാഗം മായ്​ച്ചു കളഞ്ഞിട്ടുണ്ട് തുടങ്ങി ദത്ത് നടപടിക്രമങ്ങളിൽ ക്രമക്കേട് നടന്നെന്ന അനുപമയുടെ വാദങ്ങൾ ശരിവെക്കുന്ന കണ്ടെത്തലുകളാണ്​ കഴിഞ്ഞ ദിവസം പുറത്ത്​ വന്നത്​.

Show Full Article
TAGS:CPM Shiju Khan 
News Summary - The CPM has said that no action will be taken against Shijukhan now
Next Story