സാമ്പത്തിക ബാധ്യത; ദമ്പതികൾ വീടിന് മുന്നിൽ തൂങ്ങിമരിച്ച നിലയിൽ

മട്ടാഞ്ചേരി: പള്ളുരുത്തി കോണത്ത് ദമ്പതികളെ വീടിന് മുന്നിൽ തൂങ്ങിമരിച്ച നിലയിൽ കണ്ടെത്തി. കല്ലറക്കൽ വീട്ടിൽ ആന്‍റണി (52), ഭാര്യ ഷീബ (50) എന്നിവരാണ് മരിച്ചത്. ലോട്ടറി ടിക്കറ്റ് വിൽപനക്കാരനാണ് മരിച്ച ആന്റണി. ഹൃദയ സംബന്ധമായ അസുഖത്തെ തുടർന്ന് ചികിത്സയിലായിരുന്നു.

സാമ്പത്തിക ബാധ്യതയെന്നാണ് ആത്മഹത്യാ കുറിപ്പിൽ എഴുതിയിരിക്കുന്നത്. അഞ്ചു വർഷം മുമ്പാണ് ഇവർ തമ്മിൽ വിവാഹിതരായതെന്ന് അയൽവാസികൾ പറഞ്ഞു. മക്കളില്ല.