ആർ.എസ്​.പി സ്ഥാനാർഥിയുടെ പരാജയത്തിനുത്തരവാദിയായ കോൺഗ്രസുകാരെ പൊറു​പ്പിക്കില്ല -കെ. മുരളീധരൻ

കോഴിക്കോട്​: ആർ.എസ്​.പി സ്​ഥാനാർഥിയുടെ പരാജയങ്ങൾക്ക്​ കോൺഗ്രസിലെ ആരെങ്കിലും ഉത്തരവാദികളായെങ്കിൽ അവർ പാർട്ടിയിൽ ഉണ്ടാവില്ലെന്ന്​ കെ. മുരളീധരൻ. അവർക്ക്​ വിജയിക്കാൻ കഴിയാത്ത സാഹചര്യത്തിന്​ കോൺഗ്രസ്​ കൂടി ഉത്തരവാദിയാണ്​ എന്നൊരു പ്രയാസം ആർ.എസ്​.പിക്കുണ്ട്​. അതിൽ ശക്​തമായ നടപടി കോൺഗ്രസ്​ സ്വീകരിക്കും. കോഴിക്കോട്ട്​ മാധ്യമപ്രവർത്തകരോട്​ സംസാരിക്കുകയായിരുന്നു കെ. മുരളീധരൻ. ഡി.സി.സി പ്രസിഡൻറുമാരുടെ പട്ടികയെ ചൊല്ലി പാർട്ടിയിൽ ഒരു പൊട്ടിത്തെറിയുമില്ല. എല്ലാവരെയും സഹകരിപ്പിച്ച്​ പാർട്ടി മു​േന്നാട്ടുപോവും.

എ.വി. ഗോപിനാഥി​‍െൻറ രാജി നിർഭാഗ്യകരമാണ്​. അദ്ദേഹം അച്ചടക്കലംഘനത്തി​‍െൻറ വർത്തമാനങ്ങളൊന്നും പറഞ്ഞിട്ടില്ല. പക്ഷേ, മുഖ്യമന്ത്രിയുടെ ചെരിപ്പ്​ നക്കാൻ തയാറാണ്​ എന്ന അദ്ദേഹത്തി​‍െൻറ വാചകം വളരെ ദൗർഭാഗ്യകരമായിപ്പോയി. അതദ്ദേഹം പിൻവലിക്കണം. ഗോപിനാഥിന്​ തിരിച്ചുവരാനുള്ള അവസരം ഇപ്പോഴുമുണ്ട്​. അദ്ദേഹത്തി​‍െൻറ രാജി അടഞ്ഞ അധ്യായമല്ല. ഉമ്മൻ ചാണ്ടിയും സുധാകരനും നേരത്തെ നൽകിയ ഉറപ്പ്​ കോൺഗ്രസിൽ മാന്യമായ അക്കമഡേഷൻ ഗോപിനാഥിനുണ്ടാവുമെന്നാണ്​. ഡി.സി.സി പ്രസിഡൻറുമാരെ മാത്രമല്ലേ തീരുമാനിച്ചിട്ടുള്ളൂ. ബാക്കി വരാനുണ്ടല്ലോ.

ഉമ്മൻ ചാണ്ടിയും രമേശ്​ ചെന്നിത്തലയും സീനിയർ നേതാക്കളാണ്​. അവർ ഒരു അച്ചടക്കവും ലംഘിച്ചിട്ടില്ല. അവരുടെ വിലപ്പെട്ട നിർദേശങ്ങൾ സ്വീകരിക്കുമെന്നും മുരളീധരൻ മാധ്യമപ്രവർത്തകരുടെ ചോദ്യങ്ങളോട്​ പ്രതികരിച്ചു.