രാജ്യസഭ തെരഞ്ഞെടുപ്പ്​ നിയമം അനുവദിക്കുന്ന സമയപരിധിക്കകം നടത്തുമെന്ന്​ കമീഷൻ

കൊ​ച്ചി: സം​സ്ഥാ​ന​ത്ത് ഒ​ഴി​വ് വ​രു​ന്ന മൂ​ന്ന് രാ​ജ്യ​സ​ഭ സീ​റ്റു​ക​ളി​ലേ​ക്ക് നി​യ​മം അ​നു​വ​ദി​ക്കു​ന്ന സ​മ​യ​പ​രി​ധി​ക്ക​കം തെ​ര​ഞ്ഞെ​ടു​പ്പ്​ ന​ട​ത്തു​മെ​ന്ന്​ തെ​ര​ഞ്ഞെ​ടു​പ്പ്​ ക​മീ​ഷ​ൻ ഹൈ​കോ​ട​തി​യി​ൽ. തീ​യ​തി ഉ​ട​ൻ തീ​രു​മാ​നി​ക്കു​മെ​ന്നും ഇ​ത്​ സം​ബ​ന്ധി​ച്ച വി​ശ​ദീ​ക​ര​ണ പ​ത്രി​ക സ​മ​ർ​പ്പി​ക്കാ​മെ​ന്നും ക​മീ​ഷ​ൻ വ്യ​ക്​​ത​മാ​ക്കി.

തെ​ര​ഞ്ഞെ​ടു​പ്പ് വി​ജ്ഞാ​പ​നം വ​ന്ന​ശേ​ഷം ഹൈ​കോ​ട​തി​യോ സു​പ്രീം​കോ​ട​തി​യോ പോ​ലും ഇ​ട​പെ​ടാ​റി​ല്ലെ​ന്നി​രി​ക്കേ നി​യ​മ മ​ന്ത്രാ​ല​യം സം​ശ​യ​മു​ന്ന​യി​ച്ചെ​ന്ന പേ​രി​ൽ തെ​ര​ഞ്ഞെ​ടു​പ്പ് ന​ട​പ​ടി​ക​ൾ ത​ട​ഞ്ഞ​ത് ഭ​ര​ണ​ഘ​ട​നാ​വി​രു​ദ്ധ​മാ​ണെ​ന്ന് കാ​ട്ടി കേ​ര​ള നി​യ​മ​സ​ഭ സെ​ക്ര​ട്ട​റി​യും എ​സ്. ശ​ർ​മ എം.​എ​ൽ.​എ​യും ന​ൽ​കി​യ ഹ​ര​ജി​യി​ലാ​ണ് ക​മീ​ഷ​െൻറ വി​ശ​ദീ​ക​ര​ണം. ഹ​ര​ജി വീ​ണ്ടും ചൊ​വ്വാ​ഴ്​​ച പ​രി​ഗ​ണി​ക്കാ​ൻ ജ​സ്​​റ്റി​സ്​ പി.​വി. ആ​ശ മാ​റ്റി.

വ​യ​ലാ​ർ ര​വി, കെ.​കെ. രാ​ഗേ​ഷ്, പി.​വി. അ​ബ്​​ദു​ൽ വ​ഹാ​ബ് എ​ന്നീ അം​ഗ​ങ്ങ​ളു​ടെ കാ​ലാ​വ​ധി ഏ​പ്രി​ൽ 21ന് ​ക​ഴി​യാ​നി​രി​ക്കെ 12ന് ​തെ​ര​ഞ്ഞെ​ടു​പ്പ്​ ന​ട​ത്താ​ൻ ക​മീ​ഷ​ൻ തീ​രു​മാ​നി​ച്ചി​രു​ന്നു. നി​യ​മ​സ​ഭ​യു​ടെ കാ​ലാ​വ​ധി മേ​യ് വ​രെ​യു​ള്ള​തി​നാ​ൽ ഇ​പ്പോ​ഴു​ള്ള എം.​എ​ൽ.​എ​മാ​രു​ടെ വോ​ട്ട് അ​ടി​സ്ഥാ​ന​മാ​ക്കി രാ​ജ്യ​സ​ഭ തെ​ര​ഞ്ഞെ​ടു​പ്പ്​ ന​ട​ത്താ​ൻ നി​യ​മ​പ്ര​കാ​രം ത​ട​സ്സ​മി​ല്ലെ​ങ്കി​ലും തെ​ര​ഞ്ഞെ​ടു​പ്പ്​ മ​ര​വി​പ്പി​ച്ച് ക​മീ​ഷ​ൻ മാ​ർ​ച്ച് 24 ന് ​ഉ​ത്ത​ര​വ്​ ന​ൽ​കി​യെ​ന്നാ​ണ് ഹ​ര​ജി​ക്കാ​രു​ടെ ആ​രോ​പ​ണം.

രാ​ജ്യ​സ​ഭാം​ഗ​ങ്ങ​ളു​ടെ കാ​ലാ​വ​ധി ക​ഴി​യും മു​മ്പ് തെ​ര​ഞ്ഞെ​ടു​പ്പ്​ ന​ട​ത്ത​ണ​മെ​ന്നാ​ണ് ച​ട്ട​മെ​ന്നും ഏ​പ്രി​ൽ 21ന് ​മു​മ്പ് തെ​ര​ഞ്ഞെ​ടു​പ്പ്​ ന​ട​ത്താ​ൻ ക​മീ​ഷ​ന് ഭ​ര​ണ​ഘ​ട​നാ​പ​ര​മാ​യ ബാ​ധ്യ​ത​യു​ണ്ടെ​ന്നും നി​യ​മ​സ​ഭ സെ​ക്ര​ട്ട​റി​ക്ക്​ വേ​ണ്ടി ഹാ​ജ​രാ​യ സു​പ്രീം​കോ​ട​തി​യി​ലെ സീ​നി​യ​ർ അ​ഭി​ഭാ​ഷ​ക​ൻ സി.​എ​സ്. വൈ​ദ്യ​നാ​ഥ​ൻ വാ​ദി​ച്ചു.

രാ​ഷ്​​ട്രീ​യ പാ​ർ​ട്ടി​ക​ൾ​ക്കോ സ​ർ​ക്കാ​റു​ക​ൾ​ക്കോ ക​മീ​ഷ​െൻറ ന​ട​പ​ടി​ക​ളി​ൽ ഇ​ട​പെ​ടാ​നാ​വി​ല്ല. രാ​ജ്യ​സ​ഭ തെ​ര​ഞ്ഞെ​ടു​പ്പ്​ വി​ജ്ഞാ​പ​നം പ്ര​സി​ദ്ധീ​ക​രി​ച്ചി​ട്ടി​ല്ലെ​ന്നും സ​മ​യ​ക്ര​മം വ്യ​ക്ത​മാ​ക്കു​ന്ന വാ​ർ​ത്ത​ക്കു​റി​പ്പാ​ണ് ഇ​റ​ക്കി​യ​തെ​ന്നും ക​മീ​ഷ​െൻറ അ​ഭി​ഭാ​ഷ​ക​ൻ വി​ശ​ദീ​ക​രി​ച്ചു. നി​ല​വി​ലെ രാ​ജ്യ​സ​ഭാം​ഗ​ങ്ങ​ളു​ടെ കാ​ലാ​വ​ധി ക​ഴി​യു​ന്ന​തി​നു മു​മ്പ് തെ​ര​ഞ്ഞെ​ടു​പ്പ് ന​ട​ത്തുമെന്നും കമീഷൻ പറഞ്ഞു.