കിണറ്റില്‍ വീണ കുട്ടിയെ രക്ഷിച്ച അഷറഫിനെ കലക്ടര്‍ അനുമോദിച്ചു

നിലയില്ലാ കിണറ്റില്‍ വീണ 10 വയസുകാരനെ സാഹസികമായി രക്ഷിച്ച ഹോട്ടല്‍ ജീവനക്കാരന് ജില്ലാ കലക്ടറുടെ ആദരം. കാക്കനാട് വി.എസ്.എന്‍.എല്‍ റോഡ് ശാന്തിനഗര്‍ ഭാഗത്ത് വാടകക്ക്​ താമസിക്കുന്ന തിരൂര്‍ സ്വദേശി അഷറഫിനെയാണു കലക്ടറേറ്റില്‍ ജില്ലാ കലക്ടര്‍ ജാഫര്‍ മാലിക്ക് പൊന്നാട അണിയിച്ച് ആദരിച്ചത്.

കാക്കനാട് ശാന്തിനഗര്‍ ഭാഗത്ത് ചുറ്റുമതില്‍ ഇല്ലാത്ത കിണറ്റില്‍ അബദ്ധത്തില്‍ വീണ കുട്ടിയെ അരമണിക്കൂറോളം വെള്ളത്തില്‍ ഉയര്‍ത്തി നിര്‍ത്തിയാണ് അഷറഫ് രക്ഷപ്പെടുത്തിയത്.