തുണിക്കടക്ക് തീപിടിച്ചു

നാഗർകോവിൽ: ബീച്ച് ജങ്ഷനിൽ തുണിക്കടയിൽ പുലർച്ചെ ഉണ്ടായ തീപിടുത്തത്തിൽ വസ്ത്രങ്ങൾ പൂർണമായി കത്തി നശിച്ചു. നാഗർകോവിൽ അഗ്നിശമന സേന വിഭാഗം എത്തി രണ്ട് മണിക്കൂർ പരിശ്രമിച്ചാണ് തീ കെടുത്തിയത്. ഷോട്ട് സർക്യൂട്ട് ആണ് അപകട കാരണം എന്നാണ് പ്രാഥമിക നിഗമനം. ചെട്ടികുളം സ്വദേശി ലിജിന്റെ കടയിലാണ് തീപിടുത്തം ഉണ്ടായത്. നാശനഷ്ടം കണക്കാക്കിയിട്ടില്ല.