തൊഴില്‍ തട്ടിപ്പ്: ടൈറ്റാനിയത്തിലെ കൂടുതൽ പേർക്ക്​ പ​ങ്കെന്ന്​ പൊലീസ്

തി​രു​വ​ന​ന്ത​പു​രം: തൊ​ഴി​ല്‍ ത​ട്ടി​പ്പ് കേ​സി​ൽ ടൈ​റ്റാ​നി​യ​ത്തി​ലെ കൂ​ടു​ത​ൽ പേ​ർ​ക്ക്​ പ​ങ്കു​​ണ്ടെ​ന്ന്​ പൊ​ലീ​സ്. നി​ർ​ണാ​യ​ക രേ​ഖ​ക​ൾ പ​ല​തും ഇ​തി​ന​കം ക​ണ്ടെ​ത്തി​യി​ട്ടു​ണ്ട്. ഇ​ത​ട​ക്കം പ​രി​ശോ​ധി​ച്ചാ​ണ്​ അ​ന്വേ​ഷ​ണം മു​ന്നോ​ട്ടു​പോ​വു​ന്ന​ത്. ല​ഭി​ക്കു​ന്ന പ​രാ​തി​ക​ളു​ടെ എ​ണ്ണം നോ​ക്കി​യ​​ശേ​ഷ​മാ​വും പ്ര​ത്യേ​ക അ​ന്വേ​ഷ​ണ സം​ഘം വേ​ണോ​യെ​ന്ന്​ തീ​രു​മാ​നി​ക്കു​​ക​യെ​ന്ന്​ സി​റ്റി ​പൊ​ലീ​സ്​ ക​മീ​ഷ​ണ​ര്‍ സ്പ​ര്‍ജ​ന്‍ കു​മാ​ര്‍ പ​റ​ഞ്ഞു.

​ തി​രു​വ​ന​ന്ത​പു​രം ന​ഗ​ര​ത്തി​ൽ ഇ​തു​വ​രെ എ​ട്ട്​ കേ​സു​ക​ൾ ര​ജി​സ്റ്റ​ർ ചെ​യ്തു. 70 ല​ക്ഷം രൂ​പ​യു​ടെ ത​ട്ടി​പ്പ് ന​ട​ന്ന​താ​യാ​ണ്​ പ​രാ​തി ല​ഭി​ച്ച​ത്. ജോ​ലി ത​ട്ടി​പ്പ് കേ​സി​ൽ അ​ഞ്ചാം പ്ര​തി​യാ​യ ലീ​ഗ​ൽ ഡി.​ജി.​എം ശ​ശി​കു​മാ​ര​ൻ ത​മ്പി​യു​ടെ ക​ഴി​ഞ്ഞ​ദി​വ​സം പി​ടി​ച്ചെ​ടു​ത്ത ലാ​പ്ടോ​പ് ​ വി​ശ​ദ​മാ​യി പ​രി​ശോ​ധി​ച്ച്​ വ​രു​ക​യാ​ണ്. ജോ​ലി ത​ട്ടി​പ്പി​ന്റെ വി​വ​ര​ങ്ങ​ൾ ലാ​പ്ടോ​പ്പി​ൽ ഉ​ണ്ടെ​ന്നാ​ണ് നി​ഗ​മ​നം. ശ​ശി​കു​മാ​ര​ൻ ത​മ്പി ഉ​ൾ​പ്പെ​ടെ കേ​സി​ലെ മ​റ്റ്​ നാ​ല്​ പ്ര​തി​ക​ൾ ഒ​ളി​വി​ലാ​ണ്. വി​വാ​ദ​ത്തി​ൽ വ്യ​വ​സാ​യ വ​കു​പ്പ്​ ഇ​ട​പെ​ട്ടു.

പ്രി​ൻ​സി​പ്പ​ൽ സെ​ക്ര​ട്ട​റി​യും ടൈ​റ്റാ​നി​യം ചെ​യ​ർ​മാ​നു​മാ​യ മു​ഹ​മ്മ​ദ് ഹ​നീ​ഷ് മു​തി​ർ​ന്ന ഉ​ദ്യോ​ഗ​സ്ഥ​രു​ടെ യോ​ഗം വി​ളി​ച്ചു. 2019 മു​ത​ൽ ദി​വ്യ​യും ഭ​ർ​ത്താ​വും ഈ ​കേ​സി​ലെ ​പ്ര​തി​യു​മാ​യ രാ​​ജേ​ഷും സ​മാ​ന​ത​ട്ടി​പ്പ്​ ന​ട​ത്തി​യെ​ന്ന വി​വ​രം പൊ​ലീ​സി​ന്​ ല​ഭി​ച്ചി​ട്ടു​ണ്ട്.

കമീഷൻ മാത്രമേ ലഭിച്ചുള്ളൂയെന്ന്​ ദിവ്യ

തി​രു​വ​ന​ന്ത​പു​രം: ടൈ​റ്റാ​നി​യം പ്രോ​ഡ​ക്ട്‌​സ്‌ ലി​മി​റ്റ​ഡി​ൽ ജോ​ലി വാ​ഗ്‌​ദാ​നം ന​ൽ​കി ത​ട്ടി​യെ​ടു​ത്ത പ​ണം ഭ​ർ​തൃ​സ​ഹോ​ദ​ര​ൻ പ്രേം​കു​മാ​റി​നും ശ്യാം​ലാ​ലി​നും വീ​തി​ച്ച്‌ ന​ൽ​കി​യെ​ന്ന്‌ കേ​സി​ലെ ഒ​ന്നാം​പ്ര​തി ദി​വ്യ നാ​യ​ർ. ത​ട്ടി​പ്പി​ന്റെ ഭാ​ഗ​മാ​യി ത​നി​ക്ക്‌ ക​മീ​ഷ​ൻ തു​ക​യാ​ണ്‌ ല​ഭി​ച്ച​തെ​ന്നും ഇ​വ​ർ പൊ​ലീ​സി​ന്‌ മൊ​ഴി ന​ൽ​കി. ക​ഴി​ഞ്ഞ ദി​വ​സം ക​സ്റ്റ​ഡി​യി​ൽ ല​ഭി​ച്ച ദി​വ്യ​യെ വെ​ഞ്ഞാ​റ​മൂ​ട്‌ പൊ​ലീ​സ്‌ ചോ​ദ്യം ചെ​യ്ത​പ്പോ​ഴാ​ണ്​ ഈ ​വി​വ​രം ല​ഭി​ച്ച​ത്.

ഒ​ളി​വി​ൽ ക​ഴി​യു​ന്ന പ്ര​തി​ക​ളാ​യ ശ്യാം​ലാ​ലി​ന്‍റെ കു​ട​പ്പ​ന​ക്കു​ന്നി​ലെ​യും ശ​ശി​കു​മാ​ര​ൻ ത​മ്പി​യു​ടെ അ​മ്പ​ലം​മു​ക്ക്‌ ന​ർ​മ​ദ ശ്രീ​വി​ലാ​സം റോ​ഡി​ലെ വീ​ടു​ക​ളി​ലെ​ത്തി​ച്ച്​ ദി​വ്യ​യെ തെ​ളി​വെ​ടു​പ്പ്‌ ന​ട​ത്തി. ര​ണ്ടി​ട​ത്തും ഉ​ദ്യോ​ഗാ​ർ​ഥി​ക​ളി​ൽ​നി​ന്നും പ​ണം വാ​ങ്ങാ​ൻ എ​ത്തി​യി​ട്ടു​ണ്ടെ​ന്ന്‌ ദി​വ്യ മൊ​ഴി ന​ൽ​കി​യി​ട്ടു​ണ്ട്‌. തെ​ളി​വെ​ടു​പ്പ്​ പൂ​ർ​ത്തി​യാ​ക്കി കോ​ട​തി​യി​ൽ ഹാ​ജ​രാ​ക്കു​മെ​ന്ന്​ പൊ​ലീ​സ്​ പ​റ​ഞ്ഞു.

അന്വേഷണത്തിന്​ പ്രത്യേക സംഘം

തി​രു​വ​ന​ന്ത​പു​രം: ടൈ​റ്റാ​നി​യം പ്രോ​ഡ​ക്ട്​​സ്​ ​ജോ​ലി ത​ട്ടി​പ്പ്​ കേ​സ​ന്വേ​ഷ​ണ​ത്തി​ന്​ ഒ​മ്പ​തം​ഗ പ്ര​ത്യേ​ക സം​ഘ​ത്തെ നി​​യോ​ഗി​ച്ചു. എ.​സി.​പി ജെ.​കെ. ദി​നി​ലാ​ണ്​ സം​ഘ​ത്ത​ല​വ​ൻ. സം​ഭ​വ​വു​മാ​യി ബ​ന്ധ​പ്പെ​ട്ട്​ കേ​സു​ക​ൾ ര​ജി​സ്റ്റ​ർ ചെ​യ്ത സ്​​റ്റേ​ഷ​നു​ക​ളി​ലെ എ​സ്.​എ​ച്ച്.​ഒ​മാ​ർ സം​ഘ​ത്തി​ൽ അം​ഗ​ങ്ങ​ളാ​യി​രി​ക്കും. ഇ​തു​സം​ബ​ന്ധി​ച്ച്​ സി​റ്റി പൊ​ലീ​സ്​ ക​മീ​ഷ​ണ​ർ ജി. ​സ്പ​ർ​ജ​ൻ​കു​മാ​ർ ഉ​ത്ത​ര​വ്​ പു​റ​പ്പെ​ടു​വി​ച്ചു. നി​ല​വി​ൽ എ​ട്ട്​ കേ​സു​ക​ളാ​ണ്​ സി​റ്റി പൊ​ലീ​സ്​ പ​രി​ധി​യി​ൽ ര​ജി​സ്റ്റ​ർ ചെ​യ്തി​രി​ക്കു​ന്ന​ത്.