സ്തുതിയിൽ മുഴുകി പിണറായി

തി​രു​വ​ന​ന്ത​പു​രം: സെ​ൻ​ട്ര​ൽ സ്​​റ്റേ​ഡി​യ​ത്തി​ലെ സ​ദ​സ്സി​നി​ട​യി​ലേ​ക്ക്​ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ എ​ത്തു​മ്പോ​ഴേ​ക്കും വേ​ദി​യി​ൽ നി​ന്ന്​ വാ​​ഴ്ത്തു​പാ​ട്ട്​ മു​ഴ​ങ്ങു​ന്നു​ണ്ടാ​യി​രു​ന്നു. മു​ദ്രാ​വാ​ക്യം വി​ളി​ച്ച്​ അ​നു​ഗ​മി​ച്ചവർ​ക്കൊ​പ്പം മു​ഖ്യ​മ​ന്ത്രി ​വേ​ദി​ക്ക​രി​​കി​ലേ​ക്ക്​ പ്ര​വേ​ശി​ക്കു​​മ്പോഴും വാ​ഴ്​​ത്തു​പാ​ട്ട്​ തു​ട​ർ​ന്നു. വി​വാ​ദ​മാ​യ ‘സ്തു​തി​ഗീ​തം’ ശ്ര​വി​ച്ചാ​ണ്​ മു​ഖ്യ​മ​​ന്ത്രി ഇ​രി​പ്പി​ട​ത്തി​ലി​രു​ന്ന​ത്. തു​ട​ർ​ന്ന്,​ സ്വാ​ഗ​ത പ്ര​സം​ഗ​മ​ട​ക്ക​ം പ​തി​വ്​ ന​ട​പ​ടി​​ക്ര​മ​ങ്ങ​ൾ.

സെ​ക്ര​ട്ടേ​റി​യ​റ്റ് എം​പ്ലോ​യീ​സ് അ​സോ​സി​യേ​ഷ​ന്‍ സു​വ​ര്‍ണ ജൂ​ബി​ലി മ​ന്ദി​രോ​ദ്ഘാ​ട​ന ച​ട​ങ്ങി​ൽ ആ​ല​പി​ക്കാ​നാ​യി ചി​ട്ട​പ്പെ​ടു​ത്തി​യ വാ​ഴ്ത്തു​പാ​ട്ട്​ വി​വാ​ദ​മാ​യെ​ങ്കി​ലും മു​ൻ നി​ശ്ച​യി​ച്ച ​പ്ര​കാ​രം​ത​ന്നെ വ്യാ​ഴാ​ഴ്ച പ​രി​പാ​ടി ന​ട​ന്നു. നൂ​റോ​ളം ജീ​വ​ന​ക്കാ​ർ അ​ണി​നി​ര​ന്നാ​ണ്​ ‘ചെ​മ്പ​ട​ക്ക്​ കാ​വ​ലാ​ൾ, ചെ​ങ്ക​ന​ൽ ക​ണ​ക്കൊ​രാ​ൾ, ചെ​​​ങ്കൊ​ടി ക​ര​ത്തി​ലേ​ന്തി കേ​ര​ളം ന​യി​ക്ക​യാ​യ്​’ എ​ന്ന്​ തു​ട​ങ്ങു​ന്ന പി​ണ​റാ​യി സ്​​തു​തി​ ആ​ല​പി​ച്ച​ത്. ‘കു​റ്റം ചാ​ർ​ത്താ​ൻ ശ്ര​മി​ക്കു​ന്ന​വ​ർ​ക്ക്​ പു​ക​ഴ്​​ത്ത​ൽ അ​സ്വ​സ്ഥ​ത​യു​ണ്ടാ​ക്കു​മെ​ന്ന്​’ ക​ഴി​ഞ്ഞ​ദി​വ​സം പ്ര​തി​ക​രി​ച്ച മു​ഖ്യ​മ​​ന്ത്രി സ്​​തു​തി​ഗീ​ത​ത്തെ ത​ള്ളാ​ൻ ത​യാ​റാ​യി​രു​ന്നി​ല്ല.

അ​തേ​സ​മ​യം, മു​ഖ്യ​മ​ന്ത്രി പ​​ങ്കെ​ടു​ത്ത ച​ട​ങ്ങി​ലേ​ക്ക്​ സെ​ക്ര​ട്ടേ​റി​യ​റ്റ്​ ജീ​വ​ന​ക്കാ​ർ ജോ​ലി നി​ർ​ത്തി​വെ​ച്ച്​ കൂ​ട്ട​ത്തോ​ടെ​യെ​ത്തി. സെ​ന്‍ട്ര​ൽ സ്​​റ്റേ​ഡി​യ​ത്തി​ൽ ഒ​രു​ക്കി​യ വി​ശാ​ല​മാ​യ സ​ദ​സ്സ്​​ മു​ഖ്യ​മ​ന്ത്രി എ​ത്തു​ന്ന​തി​നു​മു​മ്പേ നി​റ​ഞ്ഞി​രു​ന്നു. വ​നി​ത​ക​ള​ട​ക്ക​മു​ള്ളവർ ഇ​രി​പ്പി​ടം കി​ട്ടാ​തെ സ്​​റ്റേ​ഡി​യ​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ നി​ന്നാ​ണ്​ സ്തു​തി​ഗീ​ത​വും മു​ഖ്യ​മ​ന്ത്രി​യു​ടെ പ്ര​സം​ഗ​വും കേട്ടത്. ഒ​രു​മ​ണി​യോ​ടെ​ മു​ഖ്യ​മ​ന്ത്രി​യു​ടെ പ്ര​സം​ഗം അ​വ​സാ​നി​ച്ചു. അ​തി​നു​​ശേ​ഷ​മാ​ണ്​ ജീ​വ​ന​ക്കാ​ർ ഓ​ഫി​സു​ക​ളി​​ലേ​ക്ക്​ മ​ട​ങ്ങി​ത്തു​ട​ങ്ങി​യ​ത്.

ഗാനരചയിതാവിന്‍റെ നിയമനം വിവാദത്തിൽ

തി​രു​വ​ന​ന്ത​പു​രം: മു​ഖ്യ​മ​ന്ത്രി പി​ണ​റാ​യി വി​ജ​യ​നെ പു​ക​ഴ്ത്തി ഗാ​നം ര​ചി​ച്ച പൂ​വ​ത്തൂ​ര്‍ ചി​ത്ര​സേ​ന​ൻ സ​ർ​വി​സി​ൽ​നി​ന്ന്​ വി​ര​മി​ച്ച ശേ​ഷ​മു​ള്ള നി​യ​മ​നം വി​വാ​ദ​ത്തി​ല്‍. പൊ​തു​ഭ​ര​ണ വ​കു​പ്പി​ലെ ക്ല​റി​ക്ക​ല്‍ അ​സി​സ്റ്റ​ന്റാ​യി വി​ര​മി​ച്ച ചി​ത്ര​സേ​ന​ന്​ ധ​ന​വ​കു​പ്പി​ല്‍ ദി​വ​സ വേ​തനാ​ടി​സ്ഥാ​ന​ത്തി​ൽ പു​ന​ര്‍നി​യ​മ​നം ന​ൽ​കിയി​രു​ന്നു. ഇ​ത്​ രാ​ഷ്ട്രീ​യ സ​മ്മ​ർ​ദ​ത്തെ തു​ട​ർ​ന്നാ​ണെ​ന്ന്​ പ​രാ​തി ഉ​യ​ർ​ന്നു. വി​ര​മി​ച്ച​ശേ​ഷം നി​യ​മ​നം ആ​വ​ശ്യ​പ്പെ​ട്ട്​ ചി​ത്ര​സേ​ന​ന്‍ 2024 ഏ​പ്രി​ല്‍ 25നാ​ണ് അ​പേ​ക്ഷ ന​ല്‍കി​യ​ത്. എ​ന്നാ​ല്‍ ഏ​പ്രി​ല്‍ 24ന്​ ​ഇ​റ​ങ്ങി​യ ഉ​ത്ത​ര​വി​ൽ സ്‌​പെ​ഷ​ല്‍ മെ​സ​ഞ്ച​റാ​യി ​നി​യ​മ​നം ന​ല്‍കാ​ൻ തീ​രു​മാ​നി​ച്ചെ​ന്ന്​ പ​റ​യു​ന്നു. അ​പേ​ക്ഷ ന​ൽ​കും​മു​മ്പ്​ നി​യ​മ​നം ന​ല്‍കി. തു​ച്ഛ​മാ​യ പെ​ൻ​ഷ​ൻകൊ​ണ്ട്​ കു​ടും​ബം നോ​ക്കാ​ൻ ക​ഴി​യാ​ത്ത​തി​നാ​ൽ ദി​വ​സ​വേ​ത​നാ​ടി​സ്​​ഥാ​ന​ത്തി​ൽ നി​യ​മനത്തിന് ന​ട​പ​ടി സ്വീ​ക​രി​ക്ക​ണ​മെ​ന്ന്​ ധ​ന​മ​ന്ത്രി​ക്കാ​ണ്​ ക​ത്ത്​ ന​ൽ​കി​യ​ത്. ‘വ്യ​ക്തി​പൂ​ജ​യി​ലൂ​ടെ കാ​ര്യ​ങ്ങ​ൾ ​നേ​ടാ​ൻ ഈ ​പാ​ർ​ട്ടി​യി​ൽ ക​ഴി​യി​ല്ലെ​ന്ന്​’ മു​ഖ്യ​മ​ന്ത്രി നേരത്തെ വി​ശ​ദീ​ക​രി​ച്ച പ​​ശ്ചാ​ത്ത​ല​ത്തി​തും​ ച​ർ​ച്ച​യാ​യതും.

അ​തേ​സ​മ​യം, സെ​ക്ര​ട്ടേ​റി​യ​റ്റ് എം​പ്ലോ​യീ​സ് അ​സോ​സി​യേ​ഷ​ന്‍ പ്ര​സി​ഡ​ന്റ് ആ​വ​ശ്യ​പ്പെ​ട്ട പ്ര​കാ​ര​മാ​ണ്​ മു​ഖ്യ​മ​​ന്ത്രി​യെ പു​ക​ഴ്​​ത്തി ഗാ​ന​ര​ച​ന ന​ട​ത്തി​യ​തെ​ന്ന്​​ ചി​ത്ര​സേ​ന​ൻ പ്ര​തി​ക​രി​ച്ചു. വെ​ള്ള​ത്തി​ലെ തി​ര ക​ണ​ക്കെ വ​രി​ക​ൾ വ​രി​ക​യാ​യി​രു​ന്നു. ഒ​രു കോ​ഴി​ക്ക്​ മു​ട്ട​യി​ട​ണ​മെ​ന്ന്​ തോ​ന്നി​യാ​ൽ അ​ത്​ എ​വി​ടെ​യും പോ​യി മു​ട്ട​യി​ടും. അ​തു​പോ​ലെ എ​നി​ക്ക്​ ക​വി​ത എ​ഴു​ത​ണ​മെ​ന്ന്​ തോ​ന്നി​യാ​ൽ ഏ​ത്​ ആ​ൾ​ക്കൂ​ട്ട​ത്തി​ൽ വെ​ച്ചാ​ണെ​ങ്കി​ലും അ​ത്​ എ​ഴു​തും -ചി​ത്ര​സേ​ന​ൻ പറഞ്ഞു.