Top
Begin typing your search above and press return to search.
keyboard_arrow_down
Login
exit_to_app
exit_to_app
mullappally about economic reservation
cancel
Homechevron_rightNewschevron_rightKeralachevron_rightമുഖ്യമന്ത്രിക്ക്​...

മുഖ്യമന്ത്രിക്ക്​ സമനില തെറ്റി, ചെന്നിത്തലക്കെതിരായ അന്വേഷണം ഒറ്റക്കെട്ടായി നേരിടും -മുല്ലപ്പള്ളി രാമചന്ദ്രൻ

text_fields
bookmark_border

തിരുവനന്തപുരം: അഴിമതിയുടെ ശരശയ്യയിൽ കിടക്കുന്ന കേരളത്തിലെ മുഖ്യമന്ത്രി പിണറായി വിജയന്​ സമനില തെറ്റിയിരിക്കുകയാണെന്ന്​ കെ.പി.സി.സി പ്രസിഡൻറ്​ മുല്ലപ്പള്ളി രാമചന്ദ്രൻ​. ബാർ കോഴ കേസിൽ പ്രതിപക്ഷ നേതാവ്​ രമേശ്​ ചെന്നിത്തലയുൾപ്പെടെ യു.ഡി.എഫ്​​ നേതാക്കൾക്കെതിരെ വിജിലൻസ്​ അന്വേഷണത്തിന്​ ഉത്തരവിട്ടതിന്​ പിന്നാലെയാണ്​ മുല്ലപ്പള്ളിയുടെ പ്രതികരണം.

ഏത്​ നിമിഷവും താൻ ജയിലിലേക്ക്​ പോകാൻ സാധ്യതയുണ്ടെന്ന തിരിച്ചറിവ്​​ മുഖ്യമന്ത്രിക്ക്​ വന്നിരിക്കുന്നു​. അതിനാലാണ്​ അദ്ദേഹം പ്രതികാര ബുദ്ധിയോടെ പ്രതിപക്ഷ നേതാക്കളെ തിരഞ്ഞുപിടിച്ച്​ പൊതുസമൂഹത്തിന്​ മുമ്പിൽ വ്യക്​തിഹത്യ നടത്തുന്നത്​. ഇതിനെ കോൺഗ്രസും യു.ഡി.എഫും ഒറ്റക്കെട്ടായി നിന്ന്​ പരാജയപ്പെടുത്തും.

സർക്കാറി​െൻറ എല്ലാ കൊള്ളരുതായ്​മകളും തുറന്നുകാട്ടി സമൂഹത്തിന്​ മുന്നിൽ ഇനിയും അവതരിപ്പിക്കും. പ്രതികാര നടപടിയെടുത്ത്​ നിശ്ശബദ്​മാക്കാമെന്ന്​ കരുതേണ്ട​. പ്രതിപക്ഷ നേതാവിനെക്കുറിച്ച്​ അഭിമാനമാണുള്ളത്​​. കഴിഞ്ഞ നാലര വർഷമായി സർക്കാർ നടത്തുന്ന അഴിമതികൾ അദ്ദേഹം ഓരോന്നായി തുറന്നുകാണിക്കുകായണ്​. സ്​പ്രിൻക്ലറടക്കമുള്ള അഴിമതികളാണ്​ ഇവിടെ നടന്നത്​. ഇക്കാര്യങ്ങളൊന്നും ഇതുവരെ നിഷേധിക്കാൻ സർക്കാറിന്​ കഴിഞ്ഞിട്ടില്ല.

യു.ഡി.എഫ്​ നേതാക്കൾക്കെതിരെ ബാർ കോഴക്കേസിൽ ഉയർന്ന പരാതി എൽ.ഡി.എഫ്​ സർക്കാർ നാല്​ തവണ അന്വേഷിച്ചതാണ്​. അന്നെല്ലാം ക്ലീൻ ചീറ്റ്​ നൽകിയതുമാണ്​. അതേസമയം, ബാർ കോഴയുമായി ബന്ധപ്പെട്ട്​ 10 കോടി രൂപ കേരള കോൺഗ്രസ്​ നേതാവ്​ ജോസ്​ കെ. മാണിക്ക്​ ഓഫർ ചെയ്​തുവെന്ന്​ ബിജു രമേശ്​ ആരോപിച്ചിരിക്കുന്നു​​. എന്തുകൊണ്ട്​ ഇതിനെക്കുറിച്ച്​ അന്വേഷിക്കാൻ മുഖ്യമന്ത്രി തയാറാവുന്നില്ല. എൽ.ഡി.എഫിലെത്തിയതോടെ ജോസ്​ കെ. മാണിയെ പരിശുദ്ധനാക്കാനുള്ള ശ്രമമാണ്​ നടക്കുന്നത്​.

ഒരു പ്രവാസിയിൽനിന്ന്​ 50 ലക്ഷം തട്ടിയെന്ന്​ സി.പി.എമ്മി​െൻറ കൂടെനിൽക്കുന്ന സ്വതന്ത്ര എം.എൽ.എക്കെതിരെ ആരോപണം ഉയർന്നിട്ടുണ്ട്​. സംഭവത്തിൽ തെളിവുണ്ടെന്ന്​ ഹൈകോടതിയും പറഞ്ഞിരിക്കുന്നു. എന്നിട്ടും അന്വേഷിക്കാൻ സർക്കാർ തയാറായിട്ടില്ല. ​എൽ.ഡി.എഫ്​ സർക്കാറിലെ മന്ത്രിമാർക്കെതിരെ പുതിയ അഴിമതി ആരോപണങ്ങൾ ഉയർന്നുവന്നിട്ടുണ്ട്​​. ത​െൻറ കീഴിലെ മന്ത്രിമാരുടെ കൈകൾ അഴിമതി പുരളാത്തതാണെന്ന്​ ഉറപ്പിച്ച്​ പറയാൻ മുഖ്യമന്ത്രിക്ക്​ കഴിയുമോ എന്നും മുല്ലപ്പള്ളി രാമചന്ദ്രൻ ചോദിച്ചു.

Show Full Article
TAGS:Mullappally Ramachandran ramesh chennithala bar scam 
Web Title - The Chief Minister has lost his balance and the investigation against Chennithala will be faced together
Next Story