ഡോ. ബി. അശോകിനെ തദ്ദേശ ഭരണപരിഷ്കരണ കമീഷൻ അധ്യക്ഷനാക്കിയ നടപടി സി.എ.ടി റദ്ദാക്കി

കൊ​ച്ചി: മു​തി​ർ​ന്ന ഐ.​എ.​എ​സ് ഉ​ദ്യോ​ഗ​സ്ഥ​ൻ ഡോ. ​ബി. അ​ശോ​കി​നെ ത​ദ്ദേ​ശ ഭ​ര​ണ പ​രി​ഷ്ക​ര​ണ ക​മീ​ഷ​ൻ അ​ധ്യ​ക്ഷ സ്ഥാ​ന​ത്തേ​ക്ക് മാ​റ്റി​ക്കൊ​ണ്ടു​ള്ള സ​ർ​ക്കാ​ർ ഉ​ത്ത​ര​വ് കേ​ന്ദ്ര അ​ഡ​മി​നി​സ്ട്രേ​റ്റി​വ് ട്രൈ​ബ്യൂ​ണ​ൽ (സി.​എ.​ടി) റ​ദ്ദാ​ക്കി. ഐ.​എ.​എ​സ് കേ​ഡ​റി​ന് പു​റ​ത്തു​ള്ള ത​സ്തി​ക​യി​ലേ​ക്ക് മാ​റ്റി​യ​ത് ച​ട്ട​വി​രു​ദ്ധ​മാ​ണെ​ന്നാ​രോ​പി​ച്ച് അ​ശോ​ക് സ​മ​ർ​പ്പി​ച്ച ഹ​ര​ജി പ​രി​ഗ​ണി​ച്ചാ​ണ്​ ജ​സ്റ്റി​സ് സു​നി​ൽ തോ​മ​സ്, ജ​സ്​​റ്റി​സ്​ വി.​ ര​മ മാ​ത്യു എ​ന്നി​വ​ര​ട​ങ്ങു​ന്ന ബെ​ഞ്ചി​ന്‍റെ ഉ​ത്ത​ര​വ്.

കൃ​ഷി പ്രി​ൻ​സി​പ്പ​ൽ സെ​ക്ര​ട്ട​റി​യും കാ​ർ​ഷി​കോ​ൽ​പാ​ദ​ന ക​മീ​ഷ​ണ​റു​മാ​ണ്​ ബി.​അ​ശോ​ക്. മ​ന്ത്രി​സ​ഭ, അ​ജ​ണ്ട​ക്ക്​ പു​റ​മെ വി​ഷ​യം പ​രി​ഗ​ണി​ച്ചാ​ണ്​​ അ​ശോ​കി​നെ മാ​റ്റി നി​യ​മി​ച്ച​ത്.​ ജ​നു​വ​രി ഒ​മ്പ​തി​ന് ഇ​ത്​ സം​ബ​ന്ധി​ച്ച ഉ​ത്ത​ര​വും പു​റ​പ്പെ​ടു​വി​ച്ചു. എ​ന്നാ​ൽ, ഇ​ത്ത​രം കാ​ര്യ​ങ്ങ​ളി​ൽ ബ​ന്ധ​പ്പെ​ട്ട ഐ.​എ.​എ​സ് ഉ​ദ്യോ​ഗ​സ്ഥ​ന്റെ സ​മ്മ​ത​ത്തോ​ടെ കേ​ന്ദ്ര സ​ർ​ക്കാ​റാ​ണ് തീ​രു​മാ​ന​മെ​ടു​ക്കേ​ണ്ട​തെ​ന്ന് ട്രൈ​ബ്യൂ​ണ​ൽ വ്യ​ക്ത​മാ​ക്കി.

അ​തി​നാ​ൽ, സം​സ്ഥാ​ന സ​ർ​ക്കാ​റി​ന്‍റെ ന​ട​പ​ടി നി​യ​മ​പ​ര​മ​ല്ല. ഐ.​എ.​എ​സ് കേ‌​ഡ​ർ ച​ട്ട​ങ്ങ​ളു​ടെ​യും ഇ​ന്ത്യ​ൻ അ​ഡ്മി​നി​സ്ട്രേ​റ്റീ​വ് സ​ർ​വീ​സ് (പേ) ​ച​ട്ട​ങ്ങ​ളു​ടെ​യും ലം​ഘ​ന​മാ​ണി​തെ​ന്നും ട്രൈ​ബ്യൂ​ണ​ൽ ചൂ​ണ്ടി​ക്കാ​ട്ടി.