കാർ മതിലിൽ ഇടിച്ച് തലകീഴായി മറിഞ്ഞു; യാത്രക്കാർ അദ്ഭുതകരമായി രക്ഷപ്പെട്ടു -Video

കോഴിക്കോട്: കൊയിലാണ്ടി-താമരശ്ശേരി റോഡിലെ കരുമലയിൽ കാർ മതിലിൽ ഇടിച്ച് തലകീഴായി മറിഞ്ഞു. വാഹനത്തിൽ ഉണ്ടായിരുന്ന പിഞ്ചു കുഞ്ഞടക്കം നാലുപേർ അദ്ഭുതകരമായി രക്ഷപ്പെട്ടു.

ചൊവ്വാഴ്ച രാത്രിയായിരുന്നു അപകടം. അമിത വേഗത്തിലെത്തിയ കാർ നിയന്ത്രണം വിട്ട് റോഡരികിലെ മതിലിൽ ഇടിച്ച് തലകീഴായി മറിയുകയായിരുന്നു. കൈക്ക് പരിക്കേറ്റ പൂനൂർ സ്വദേശിയായ യുവതി സ്വകാര്യ ആശുപത്രിയിൽ ചികിത്സ തേടി.