ചുരത്തിൽ ബസിന്‍റെ ബ്രേക്ക് നഷ്ടപ്പെട്ടു; രക്ഷനായി കെ.എസ്.ആർ.ടി.സി ഡ്രൈവർ

വൈ​ത്തി​രി: വ​യ​നാ​ട് ചു​രം വ്യൂ​പോ​യ​ന്‍റി​ൽ ബ്രേ​ക്ക് ന​ഷ്ട​മാ​യ ബ​സ് മ​ന​സ്സാ​ന്നി​ധ്യം കൈ​വി​ടാ​തെ സു​ര​ക്ഷി​ത​മാ​യി നി​ർ​ത്തി കെ.​എ​സ്.​ആ​ർ.​ടി.​സി ഡ്രൈ​വ​ർ. ബം​ഗ​ളൂ​രു​വി​ൽ​നി​ന്ന് കോ​ഴി​ക്കോ​ട്ടേ​ക്ക് പോ​വു​ക​യാ​യി​രു​ന്ന കെ.​എ​സ്.​ആ​ർ.​ടി.​സി സൂ​പ്പ​ർ ഡീ​ല​ക്സ് ബ​സി​ലെ യാ​ത്ര​ക്കാ​ർ​ക്കാ​ണ് ഡ്രൈ​വ​ർ കു​ന്ദ​മം​ഗ​ലം പ​ത്താം​മൈ​ൽ സ്വ​ദേ​ശി സി. ​ഫി​റോ​സ് ര​ക്ഷ​ക​നാ​യ​ത്.

ബ്രേ​ക്ക് ന​ഷ്ട​മാ​യ​ത​റി​ഞ്ഞ ഉ​ട​ൻ ഫി​റോ​സ് ബ​സി​ന്‍റെ വേ​ഗം​കു​റ​ച്ച് ഹാ​ൻ​ഡ് ബ്രേ​ക്കി​ട്ട് നി​ർ​ത്തി​യ​തി​നാ​ൽ വ​ലി​യൊ​രു അ​പ​ക​ട​മാ​ണ് ഒ​ഴി​വാ​യ​ത്. വ്യാ​ഴാ​ഴ്ച രാ​ത്രി 9.30ന് ​ബം​ഗ​ളൂ​രു​വി​ൽ​നി​ന്ന് പു​റ​പ്പെ​ട്ട് കു​ട്ട-​മാ​ന​ന്ത​വാ​ടി വ​ഴി കോ​ഴി​ക്കോ​ട്ടേ​ക്ക് പോ​വു​ക​യാ​യി​രു​ന്ന കോ​ഴി​ക്കോ​ട് ഡി​പ്പോ​യി​ലെ സൂ​പ്പ​ർ ഡീ​ല​ക്സ് ബ​സ് വെ​ള്ളി​യാ​ഴ്ച പു​ല​ർ​ച്ച 5.40 ചു​രം വ്യൂ​പോ​യ​ന്‍റി​ലെ​ത്തി​യ​പ്പോ​ഴാ​ണ് സം​ഭ​വം.

ബ്രേ​ക്ക് കിട്ടാതായതോടെ പെ​ട്ടെ​ന്ന് ഗി​യ​ർ ഡൗ​ൺ ചെ​യ്ത് വേ​ഗ​ത കു​റ​ച്ച​യു​ട​ൻ ഹാ​ൻ​ഡ് ബ്രേ​ക്കി​ട്ട് ബ​സ് നി​ർ​ത്തുകയായിരുന്നു. ബ​സ് ഒ​തു​ക്കി​നി​ർ​ത്തി​യ​ശേ​ഷ​മാ​ണ് ഉ​റ​ക്ക​ത്തി​ലാ​യി​രു​ന്ന 38 യാ​ത്ര​ക്കാ​രും വിവരം അറി​ഞ്ഞ​ത്. ത​ങ്ങ​ളു​ടെ ജീ​വ​ൻ ര​ക്ഷി​ച്ച ഫി​റോ​സി​നെ യാ​ത്ര​ക്കാ​ർ അ​ഭി​ന​ന്ദി​ച്ചു. യാത്രക്കാരെ തൊ​ട്ടു​പി​ന്നി​ൽ വ​ന്ന സൂ​പ്പ​ർ ഫാ​സ്റ്റ് ബ​സി​ൽ ക​യ​റ്റി വിടുകയായിരുന്നു.