പൊലീസിനെയും നാട്ടുകാരെയും ആക്രമിച്ച കേസിൽ സഹോദരങ്ങള് അറസ്റ്റിൽ
text_fieldsമണിമല: പൊലീസിനെയും നാട്ടുകാരെയും ആക്രമിച്ച കേസിൽ സഹോദരങ്ങൾ അറസ്റ്റിൽ. പൊന്തൻപുഴ വളകോടി ചതുപ്പ് ഭാഗത്ത് പുല്ലൂർ വീട്ടിൽ അജിത് പി. രാജ് (27), ഇയാളുടെ സഹോദരനായ അഭിജിത് പി. രാജ് (30) എന്നിവരെയാണ് മണിമല പൊലീസ് അറസ്റ്റ് ചെയ്തത്.
ഇവർ കഴിഞ്ഞദിവസം പൊന്തൻപുഴ വളകോടി ചതുപ്പ് ഭാഗത്ത് മദ്യപിച്ച് നാട്ടുകാരെ ആക്രമിക്കുകയായിരുന്നു. പൊലീസ് സ്ഥലത്തെത്തി പ്രതികളെ പിടികൂടുന്നതിനിടെ അജിത് പൊലീസുകാരെയും ആക്രമിക്കുകയായിരുന്നു. പൊലീസിനെ ആക്രമിച്ച അജിത്തിനെ പിടികൂടിയെങ്കിലും സഹോദരനായ അഭിജിത് ഒളിവിൽപോയി.
തുടർന്ന് പിടികൂടുകയുമായിരുന്നു. മണിമല എസ്.എച്ച്.ഒ ബി. ഷാജിമോൻ, എ.എസ്.ഐ ഗോപകുമാർ, സി.പി.ഓമാരായ സാജൂദ്ദീൻ, ഷിഹാബ് പി. ജബ്ബാർ എന്നിവര് ചേര്ന്നാണ് പ്രതികളെ പിടികൂടിയത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.