ഗ്രീഷ്മക്കായൊരുക്കുന്ന അക്ഷര വീടിന്‍റെ കോൺക്രീറ്റ് പ്രവർത്തനങ്ങൾക്ക് തുടക്കം

പുലാമന്തോൾ (മലപ്പുറം): പരാധീനതകളോട് പൊരുതി നേട്ടങ്ങളുടെ നെറുകയിൽ നിൽക്കുന്ന പുലാമന്തോളിലെ കായിക പ്രതിഭ ഗ്രീഷ്മക്കുള്ള സ്നേഹാദരമായ അക്ഷര വീടി​െൻറ നിർമാണം പുരോഗമിക്കുന്നു. 'മാധ്യമ'വും, താര സംഘടന 'അമ്മ'യും യൂനിമണി, എൻ.എം.സി എന്നിവർ ചേർന്നുനൽകുന്ന അക്ഷര വീടി​െൻറ കോൺക്രീറ്റ് പ്രവർത്തനങ്ങളുടെ ഉദ്​ഘാടനം പുലാമന്തോൾ ഗ്രാമപഞ്ചായത്ത് പ്രസിഡൻറ് പി. സൗമ്യ നിർവഹിച്ചു.

ഗ്രീഷ്മ ദേശീയതലത്തിൽ വുഷുവിൽ വിവിധയിനങ്ങളിലെ മത്സരങ്ങളിൽ കേരളത്തിനു വേണ്ടി മൂന്ന്​ വെള്ളിയും ആറ് വെങ്കലവും കരസ്ഥമാക്കിയിരുന്നു. മാർച്ച് 10 മുതൽ 15 വരെ ഹരിയാനയിലെ ഫത്തേബാദ് സ്​റ്റേഡിയത്തിൽ നടന്നുകൊണ്ടിരിക്കുന്ന ജൂനിയർ വുഷു ചാമ്പ്യൻഷിപ്പിൽ കേരളത്തിനു വേണ്ടി ദാവുഷു ഇനത്തിൽ വെള്ളിയും ഗുൻഷു ഇനത്തിൽ ബ്രൗൺസും നേടി.

ചടങ്ങിൽ മാധ്യമം ചീഫ് റീജനൽ മാനേജർ വി.സി. മുഹമ്മദ് സലീം, മലപ്പുറം ഡെസ്​ക്​ ഇൻ ചാർജ്​ ബി.എസ്. നിസാമുദ്ദീൻ, യൂനിറ്റ് അഡ്മിൻ മുഹമ്മദ് ഹിഷാം, ഏരിയ രക്ഷാധികാരി കെ.പി. അബൂബക്കർ, അക്ഷര വീട് ലോക്കൽ കൺവീനർ ഷബീർ പാലൂർ, ഗ്രാമപഞ്ചായത്ത്​ അംഗം എൻ.പി. റാബിയ, എം.കെ. ജാഫർ, കെ. ഇബ്രാഹിം, ഗ്രീഷ്മയുടെ മാതാപിതാക്കളായ എൻ.പി. ഗോപി, ശ്രീജ തുടങ്ങിയവർ സംബന്ധിച്ചു.