സാങ്കേതിക, ഡിജിറ്റൽ സർവകലാശാല വി.സിമാരുടെ നിയമനം റദ്ദാക്കണം; നിലപാട് കടുപ്പിച്ച് സർക്കാർ, ഗവർണർക്ക് കത്തയച്ച് മുഖ്യമന്ത്രി

തിരുവനന്തപുരം: സാങ്കേതിക, ഡിജിറ്റൽ സർവകലാശാലകളിലെ താൽകാലിക വൈ​സ് ചാ​ൻ​സ​ല​ർമാരുടെ നിയമനത്തിൽ നിലപാട് കടുപ്പിൽ സംസ്ഥാന സർക്കാർ. നിയമനം റദ്ദാക്കണമെന്ന് ആവശ്യപ്പെട്ട് മുഖ്യമന്ത്രി ഗവർണർക്ക് കത്തയച്ചു.

വി.സിമാരുടെ നിയമനം നിയമപ്രകാരമല്ല നടത്തിയത്. സുപ്രീംകോടതി വിധിയുടെ അന്തസത്തക്കെതിരായ നടപടിയാണ് ഗവർണറിൽ നിന്ന് ഉണ്ടായത്. നിയമനനടപടി സുപ്രീംകോടതി വിധിയുടെ ലംഘനമാണെന്നും മുഖ്യമന്ത്രി ചൂണ്ടിക്കാട്ടി.

ചാൻസലർ സർക്കാരുമായി യോജിച്ച് തീരുമാനം എടുക്കണമെന്നാണ് കോടതി വിധി. വി.സിയായി നിയമിച്ചവർ സർക്കാർ പാനലിൽ ഉള്ളവരല്ലെന്നും കത്തിൽ ചൂണ്ടിക്കാട്ടുന്നു.

നേരത്തെ, പുതിയ വി.സിമാരെ നിയമിക്കുമ്പോൾ സംസ്ഥാന സർക്കാരിന്‍റെ അഭിപ്രായം കേൾക്കണമെന്ന് ചൂണ്ടിക്കാട്ടി മുഖ്യമന്ത്രി ഗവർണർക്ക് കത്ത് നൽകിയിരുന്നു. സുപ്രീംകോടതി വിധിയുടെ പശ്ചാത്തത്തിൽ ചാൻസലർ സർക്കാരുമായി സഹകരിക്കുമെന്ന് പ്രതീക്ഷിക്കുന്നതായും കത്തിൽ വ്യക്തമാക്കിയിരുന്നു.

കൂടാതെ, സുപ്രീംകോടതി വിധിയുടെ പശ്ചാത്തലത്തിൽ ഗവർണറുമായുള്ള മന്ത്രിമാരുടെ കൂടിക്കാഴ്ചക്കും മുഖ്യമന്ത്രി അനുമതി തേടിയിരുന്നു. ഗവർണറെ നിയമ മന്ത്രിയും ഉന്നത വിദ്യാഭ്യാസ മന്ത്രിയും കാണുമെന്നും കത്തിൽ വ്യക്തമാക്കിരുന്നു.

വ്യാഴാഴ്ചയാണ് സാ​ങ്കേ​തി​ക, ഡി​ജി​റ്റ​ൽ സ​ർ​വ​ക​ലാ​ശാ​ല​ക​ളി​ല്‍ സ്ഥി​രം വൈ​സ് ചാ​ൻ​സ​ല​ർ​മാ​രെ നി​യ​മി​ക്ക​ണ​മെ​ന്ന സുപ്രധാന വിധി സു​പ്രീം​കോ​ട​തി പുറപ്പെടുവിച്ചത്. പുതിയ വി.സിമാരെ നിയമിക്കുന്നത് വ​രെ താ​ൽ​ക്കാ​ലി​ക വൈ​സ് ചാ​ൻ​സ​ല​ർ​മാ​ർ​ക്ക് തു​ട​രാ​ൻ കോ​ട​തി അ​നു​മ​തി ന​ൽ​കി. ആ​രാ​ണ് അ​ധി​കാ​രം പ്ര​യോ​ഗി​ക്കേ​ണ്ട​ത് എ​ന്ന​ത​ല്ല പ്ര​ശ്‌​ന​മെ​ന്നും വി​ദ്യാ​ർ​ഥി​ക​ളു​ടെ താ​ൽ​പ​ര്യം മ​ന​സ്സി​ൽ ഉ​ൾ​​ക്കൊ​ണ്ട് വൈ​സ്ചാ​ൻ​സ​ല​റു​മാ​രു​ടെ നി​യ​മ​ന​ത്തി​നാ​യി കേ​ര​ള ഗ​വ​ര്‍ണ​റും സ​ര്‍ക്കാ​റും പ​ര​സ്പ​രം പ്ര​വ​ർ​ത്തി​ക്ക​ണ​​മെ​ന്നും ജ​സ്റ്റി​സ് ജെ.​ബി. പ​ർ​ദീ​വാ​ല അ​ധ്യ​ക്ഷ​നാ​യ ബെ​ഞ്ച് വ്യക്തമാക്കി.

നി​ല​വി​ലു​ള്ള താ​ൽ​കാ​ലി​ക വി.​സി​മാ​രെ അ​വ​രു​ടെ ത​സ്തി​ക​ക​ളി​ൽ തു​ട​രു​ന്ന​തി​നു​ള്ള വി​ഞ്ജാ​പ​നം പു​റ​പ്പെ​ടു​വി​ക്കു​ന്ന​തി​നോ അ​ല്ലെ​ങ്കി​ൽ താ​ൽ​കാ​ലി​ക അ​ടി​സ്ഥാ​ന​ത്തി​ൽ പു​തി​യ ആ​ളെ നി​യ​മി​ക്കു​ന്ന​തി​നോ ചാ​ൻ​സ​ല​റാ​യ ഗ​വ​ർ​ണ​ർ​ക്ക് സ്വാ​ത​ന്ത്ര്യ​മു​ണ്ട്. ര​ണ്ട് സ​ർ​വ​ക​ലാ​ശാ​ല​ക​ളി​ലും സ്ഥി​രം വി.​സി​മാ​രെ നി​യ​മി​ക്കു​ന്ന​തി​നു​ള്ള ന​ട​പ​ടി​ക​ളാ​രം​ഭി​ക്കു​ക എ​ന്ന​താ​യി​രി​ക്ക​ണം ആ​ദ്യ​പ​ടി​യെ​ന്നും സുപ്രീംകോ​ട​തി വ്യ​ക്ത​മാ​ക്കി. വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ലെ വി​ഷ​യ​ങ്ങ​ള്‍ കോ​ട​തി​യി​ലെ​ത്ത​രു​തെ​ന്നും ബെ​ഞ്ച് ചൂണ്ടിക്കാട്ടി.

സം​സ്ഥാ​ന സ​ർ​ക്കാ​റി​ന്റെ ശി​പാ​ർ​ശ​യി​ല്ലാ​തെ സാ​ങ്കേ​തി​ക സ​ർ​വ​ക​ലാ​ശാ​ല​യി​ലെ​യും ഡി​ജി​റ്റ​ൽ സ​ർ​വ​ക​ലാ​ശാ​ല​യി​ലെ​യും താ​ൽ​കാ​ലി​ക വൈ​സ് ചാ​ൻ​സ​ല​ർ നി​യ​മി​ച്ച​ത് റ​ദ്ദാ​ക്കി​യ ഹൈ​കോ​ട​തി വി​ധി ചോ​ദ്യം ​ചെ​യ്ത് ചാ​ൻ​സ​ല​റാ​യ ഗ​വ​ർ​ണ​റാ​ണ് സു​പ്രീം​കോ​ട​തി​യെ സ​മീ​പി​ച്ച​ത്.