ആരോപണവിധേയയായ സി.ഡബ്ല്യു.സി അധ്യക്ഷ ബാലാവകാശ കമീഷൻ അംഗം

തിരുവനന്തപുരം: ശിശുക്ഷേമ സമിതി കേന്ദ്രീകരിച്ച്​ അമ്മയറിയാതെ നടത്തിയ കുഞ്ഞിന്‍റെ വിവാദ ദത്തിൽ ആരോപണവിധേയയായ തിരുവനന്തപുരം ചൈൽഡ്​ വെൽഫെയർ കമ്മിറ്റി (സി.ഡബ്ല്യു.സി) ചെയർപേഴ്​സണ്​ ഉയർന്ന പദവി.

സംസ്ഥാന ബാലാവകാശ കമീഷൻ അംഗമായാണ് അഡ്വ.​ എൻ. സുനന്ദയെ നിയമിച്ചത്​. കാണാതായ കുഞ്ഞിനെ തേടി അനുപമ അന്വേഷിച്ചെത്തിയ ശേഷവും സുനന്ദ കുഞ്ഞിനെ ദത്ത് നൽകാനുള്ള നടപടി തടഞ്ഞില്ല എന്ന് അന്വേഷണ റിപ്പോര്‍ട്ടിൽ പരാമര്‍ശമുണ്ടായിരുന്നു. സുനന്ദ രണ്ട്​ ദിവസം മുമ്പ് പുതിയ പദവിയിൽ ചുമതലയേറ്റു.