ഒന്നര വയസ്സുകാരന്‍റെ മാല കവർന്ന പ്രതി അറസ്റ്റിൽ

കളമശ്ശേരി: വീട്ടുമുറ്റത്ത് കളിച്ചുകൊണ്ടിരുന്ന ഒന്നര വയസ്സുകാരന്‍റെ കഴുത്തിൽ കിടന്ന മാലയുമായി കടന്ന പ്രതിയെ കളമശ്ശേരിയിൽനിന്ന് പിടികൂടി. ആന്ധ്ര ചിറ്റൂർ ചെറുകുവാരിപ്പള്ളി ഖാദർ വല്ലിനെയാണ് (38) പിടികൂടിയത്. വീടുകൾതോറും ഭിക്ഷാടനം നടത്തി വരവെയായിരുന്നു ഇയാൾ മാല കവർന്നത്.

തുടർന്ന് നടന്ന അന്വേഷണത്തിനിടെ കളമശ്ശേരിയിൽനിന്ന് പിടികൂടുകയായിരുന്നു. എസ്.ഐ ഉണ്ണികൃഷ്ണൻ, എ.എസ്.ഐ ഷാജി, ശ്രീകുമാർ, സുരേഷ് ബാബു, ജിജോ, മിഥുൻ, നിധീഷ് എന്നിവർ ചേർന്നാണ് പിടികൂടിയത്.