ഒളിവിൽ കഴിഞ്ഞിരുന്ന മോഷണ കേസിലെ പ്രതി പിടിയിൽ

മരട്: മോഷണക്കേസിൽ അറസ്റ്റിലായി ജാമ്യത്തിലിറങ്ങി മുങ്ങി നടന്നിരുന്ന പ്രതിയെ പനങ്ങാട് പൊലീസ് പിടികൂടി. 19 വർഷങ്ങൾക്ക് ശേഷമാണ് പ്രതി പിടിയിലാകുന്നത്. കുമ്പളം, തെക്കേ ചിറ്റയിൽ വീട്ടിൽ രാജുക്കുട്ടൻ എന്ന് വിളിക്കുന്ന ഷാജിയെ ആണ് കോട്ടയം ജില്ലയിലെ ബ്രഹ്മമംഗലം ഭാഗത്ത് നിന്നും അറസ്റ്റ് ചെയ്ത്. പനങ്ങാട് പൊലീസ് സ്റ്റേഷൻ സബ്ബ് ഇൻസ്‌പെക്ടർ ഹരികുമാർ.ജി. സീനിയർ സിവിൽ പൊലീസ് ഓഫീസറായ സെബാസ്റ്റ്യൻ, സിവിൽ പൊലീസ് ഓഫീസർമാരായ പ്രദീപ്.കെപി, സതീഷ്.ഡി, സുജിത്.റ്റി.ഡി എന്നിവർ ചേർന്നാണ് പ്രതിയെ അറസ്റ്റ് ചെയ്തത്.