പൂജപ്പുര സെൻട്രൽ ജയിലിൽനിന്ന് രക്ഷപ്പെട്ട കൊലക്കേസ് പ്രതി കോടതിയിൽ കീഴടങ്ങി

തിരുവനന്തപുരം:പൂജപ്പുര സെൻട്രൽ ജയിലിൽനിന്ന് രക്ഷപ്പെട്ട കൊലക്കേസ് പ്രതി ജാഹിർ ഹുസൈൻ കോടതിയിൽ നേരിട്ടെത്തി കീഴടങ്ങി.തിരുവനന്തപുരം അഡീ.ചീഫ് ജുഡീഷ്യൽ മജിസ്‌ട്രേറ്റ് കോടതിയിൽ ഉച്ചയോടെയാണ് സംഭവം.ഈ മാസം 6 തീയതിയാണ് കൊലക്കേസ് പ്രതി ജയിലിൽ നിന്നും ചാടി പോയത്.

2004,2009 എന്നീ വർഷങ്ങളിൽ ഇയാൾ ജയിൽ ചാടിയിരുന്നു.വ്യാപാരസ്ഥപനത്തിലെ ജീവനക്കാരനെ കൊലപ്പെടുത്തിയ കേസിൽ ഇയാളെ കോടതി 2017 ൽ ജീവപര്യന്തത്തിന് ശിക്ഷിച്ചു.

ഈ മാസം ആറാം തീയതിയാണ് ഇയാൾ പൂജപ്പുര സെൻട്രൽ ജയിലിൽനിന്ന് രക്ഷപ്പെട്ടത്.രാവിലെ ഒൻപത് മണിയോടെയാണ് പ്രതി ജയിൽ ചാടിയ വിവരം ജയിൽ അധികൃതർ അറിയുന്നത്.ഇതേ തുടർന്ന് അസി.പ്രിസൺ ഉദ്യോഗസ്ഥനെ സസ്‌പെൻഡ് ചെയ്യുകയും വകുപ്പുതല അന്വേഷണത്തിന് ജയിൽ മേധാവി ഉത്തരവ് നൽകുകയും ചെയ്‌തിരുന്നു.