കോട്ടയത്ത്​ വീട്ടമ്മയെ തലക്കടിച്ച്​ കൊന്ന സംഭവം: മുറിയില്‍ മല്‍പിടിത്തം നടന്ന ലക്ഷണങ്ങൾ

കോട്ടയം: ശനിയാഴ്​ച രാത്രി ചങ്ങനാശ്ശേരിയിൽ യുവാവ്​ അമ്മയെ കഴുത്തറുത്തുകൊന്ന സംഭവത്തി​​​​​െൻറ ഞെട്ടൽ മാറുംമു​േമ്പ​ താഴത്തങ്ങാടിയിലുണ്ടായ കൊലപാതകം നാടിനെ നടുക്കി​. തിങ്കളാഴ്​ച വൈകീട്ടാണ്​ താഴത്തങ്ങാടിയിലെ കൊലപാതക വിവരം പുറത്തുവന്നത്​. പാറപ്പാടം ക്ഷേത്രത്തിന് ഏതാനും മീറ്റര്‍ അകലെയാണ്​ കൊലപാതകം നടന്ന ഷാനി മന്‍സില്‍. ഷാനി മന്‍സിലി​​​​െൻറ തൊട്ടുപിന്നിലെ വീടും ഇവരുടേതു തന്നെയാണ്​. വാടകവീട്​ ചോദിച്ച്​ ഇതുവഴി എത്തിയ ആൾ വീട്ടിൽ ആരെയും കാണാത്തതിനാൽ അയൽവീട്ടിൽ അന്വേ​ഷിച്ചു. സുഖമില്ലാത്തതിനാൽ സാലി പുറത്തുപോവില്ലെന്നും വീട്ടിലുണ്ടാകുമെന്നും അയൽക്കാർ പറഞ്ഞു. തുടർന്ന്​ അയൽവീട്ടുകാർ എത്തിയപ്പോഴാണ്​ പാചകവാതകത്തി​​​െൻറ ഗന്ധം ശ്രദ്ധയിൽപെട്ടത്​. 

വീട്​ പുറത്തുനിന്ന്​ പൂട്ടിയ നിലയിലായിരുന്നു. ഉടൻ അഗ്നിരക്ഷാസേനയെയും പൊലീസിനെയും അറിയിക്കുകയായിരുന്നു. സമീപവാസികളില്‍ ആര്‍ക്കും വിശ്വസിക്കാനാവാത്ത രീതിയിലാണ്​ കൊലപാതകം നടന്നിരിക്കുന്നത്. മുറിയില്‍ മല്‍പിടിത്തം നടന്ന ലക്ഷണങ്ങളുണ്ട്. ഫര്‍ണിച്ചറുകള്‍ അലങ്കോലമാക്കിയ നിലയിലായിരുന്നു. മുറിയിലെ സീലിങ് ഫാനി​​​​െൻറ ലീഫുകളിലൊന്ന് തകര്‍ന്നിരുന്നു. ക്രൂരമായ കൊലപാതകമാണ്​ നടന്നതെന്ന്​ പൊലീസ് പറയുന്നു. സമീപകാലംവരെ സാലി നാഗമ്പടം ബസ് സ്​റ്റാൻഡില്‍ ടീ സ്​റ്റാള്‍ നടത്തിയിരുന്നു.

ഏക മകളെ വിവാഹം കഴിപ്പിച്ച് അയച്ചതോടെ സാലിയും ഭാര്യയും മാത്രമാണ്​ വീട്ടിലുള്ളത്​. കഴുത്തിലെ ഞരമ്പിനുണ്ടായ തകരാര്‍ മൂലം സാലിക്ക്​ ആരോഗ്യപ്രശ്‌നങ്ങള്‍ ഉണ്ടായിരുന്നു. ഇത്തരം അസ്വസ്ഥതകള്‍ക്കിടയിലും തനിയെ സ്‌കൂട്ടര്‍ ഓടിച്ച്​ താഴത്തങ്ങാടിയിലും ടൗണിലുമൊക്കെയെത്തി കുടുംബ കാര്യങ്ങള്‍ നിര്‍വഹിച്ചിരുന്നതായി അയല്‍വാസികള്‍ പറയുന്നു. കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ച സാലിയെ ശസ്ത്രക്രിയക്ക് വിധേയനാക്കി. തലയോട്ടി പൊട്ടിയിട്ടുണ്ടെന്ന് ഡോക്ടർമാർ അറിയിച്ചു.

കൊലപാതകം മോഷണശ്രമത്തിനിടെ –എസ്​.പി
​കോട്ടയം: പ്രാഥമിക അന്വേഷണത്തിൽ മോഷണശ്രമമാണെന്നാണ്​ മനസ്സിലാകുന്നതെന്ന്​ ജില്ല പൊലീസ്​ മേധാവി ജി. ജയദേവ്. മുറ്റത്തുകിടന്നിരുന്ന കാറും കാണാതായിട്ടുണ്ട്. ഇവരെ പരിചയമുള്ള ആരെങ്കിലുമാകാം പിന്നിലെന്നാണ്​ അനുമാനം. കൂടുതൽ കാര്യങ്ങൾ അന്വേഷിച്ചുവരുന്നതായും എസ്​.പി വ്യക്തമാക്കി.