താമരശ്ശേരി രൂപത ഇന്ന് ‘കേ​ര​ള സ്​​റ്റോ​റി’ പ്ര​ദ​ർ​ശി​പ്പി​ക്കും

കോഴിക്കോട്: കേ​ര​ള​ത്തെ​ക്കു​റി​ച്ച്​ വി​​ദ്വേ​ഷം പ്ര​ച​രി​പ്പി​ക്കു​ന്ന വിവാദ സി​നി​മ ‘കേ​ര​ള സ്​​റ്റോ​റി’ ഇടുക്കിക്ക് പിന്നാലെ ഇന്ന് താമരശ്ശേരി രൂപതയിലും പ്ര​ദ​ർ​ശി​പ്പി​ക്കും. രൂപതയിലെ മുഴുവൻ കെ.സി.വൈ.എം യൂനിറ്റുകളിലുമാണ് സിനിമ പ്രദർശിപ്പിക്കുക.

‘കേ​ര​ള സ്​​റ്റോ​റി’ പ്രദർശനം രാഷ്ട്രീയ വത്കരണത്തിനല്ലെന്നും സഭാമക്കളുടെ ബോധവത്കരണത്തിന് വേണ്ടിയാണെന്നുമാണ് കെ.സി.വൈ.എം താമരശ്ശേരി രൂപത പ്രസിഡന്‍റ് റിച്ചാൾഡ് ജോൺ അവകാശപ്പെട്ടത്. ക്രൈസ്തവവർ ചെയ്യുന്നതൊക്കെ സംഘപരിവാറിന് വേണ്ടിയാണെന്ന് വരുത്തി തീർക്കാനുള്ള സംഘടിത നീക്കാത്തെ ചെറുക്കുമെന്നും അദ്ദേഹം പറഞ്ഞു.

നേരത്തെ, സിനിമ പ്രദർശിപ്പിച്ച ഇടുക്കി രൂപതയെ കെ.സി.വൈ.എം-എസ്.എം.വൈ.എം താമരശ്ശേരി യൂനിറ്റ് അഭിനന്ദിച്ച് പോസ്റ്റർ പുറത്തിറക്കിയിരുന്നു. സഭയുടെ മക്കളെ പ്രതിരോധത്തിന്‍റെ പരിശീലകരാക്കുക എന്ന കാലഘട്ടത്തിന്‍റെ ആവശ്യകതയെ തിരിച്ചറിഞ്ഞ ഇടുക്കി രൂപതയെ അഭിനന്ദനങ്ങൾ അറിയിക്കുന്നുവെന്നാണ് പോസ്റ്ററിൽ പറഞ്ഞത്.

കേ​ര​ള​ത്തെ​ക്കു​റി​ച്ച്​ വി​​ദ്വേ​ഷം പ്ര​ച​രി​പ്പി​ക്കു​ന്ന ‘കേ​ര​ള സ്​​റ്റോ​റി’ എ​ന്ന സി​നി​മ ദൂ​ര​ദ​ർ​ശ​ൻ പ്ര​ദ​ർ​ശി​പ്പി​ച്ച​ത്​ വി​വാ​ദ​മാ​യ​തി​നു​പി​ന്നാ​ലെയാണ് ഇ​ടു​ക്കി രൂ​പ​ത​ സി​നി​മ പ്ര​ദ​ർ​ശി​പ്പി​ച്ചത്. വി​ശ്വാ​സോ​ത്സ​വ​ത്തി​ന്‍റെ ഭാ​ഗ​മാ​യി ന​ട​ന്ന പ​രി​ശീ​ല​ന ക്യാ​മ്പി​ൽ പ​​ങ്കെ​ടു​ത്ത 10,11,12 ക്ലാ​സി​ലെ വി​ദ്യാ​ർ​ഥി​ക​ൾ​ക്കാ​യാ​ണ് അന്ന്​ വി​വാ​ദ സി​നി​മ പ്ര​ദ​ർ​ശി​പ്പി​ച്ച​ത്.