തലശ്ശേരിയിലെ ഇരട്ടക്കൊല അ​നു​ര​ഞ്ജ​ന​ത്തി​നെ​ന്ന വ്യാ​ജേ​നെ ആശുപത്രിയിൽനിന്ന് വി​ളി​ച്ചി​റ​ക്കിയ ശേഷം

ത​ല​ശ്ശേ​രി: തലശ്ശേരി കൊ​ടു​വ​ള്ളി​യി​ൽ രണ്ടുപേരെ ലഹരിസംഘം വെട്ടിക്കൊന്നത് അ​നു​ര​ഞ്ജ​ന​ത്തി​നെ​ന്ന വ്യാ​ജേ​നെ ആശുപത്രിയിൽനിന്ന് വി​ളി​ച്ചി​റ​ക്കിയ ശേഷം. സി.​പി.​എം പ്ര​വ​ർ​ത്ത​ക​രായ നെ​ട്ടൂ​ർ ഇ​ല്ലി​ക്കു​ന്ന്‌ ത്രി​വ​ർ​ണ ഹൗ​സി​ൽ കെ. ​ഖാ​ലി​ദ് (52), സ​ഹോ​ദ​രീ ഭ​ർ​ത്താ​വ് പൂ​വ​നാ​ഴി ഷ​മീ​ർ (40) എ​ന്നി​വ​രാ​ണ് കൊല്ലപ്പെട്ട​ത്. പ​രി​ക്കേ​റ്റ സു​ഹൃ​ത്ത്‌ നെ​ട്ടൂ​ർ സാ​റാ​സി​ൽ ഷാ​നി​ബ് (29) ത​ല​ശ്ശേ​രി സ​ഹ​ക​ര​ണ ആ​ശു​പ​ത്രി​യി​ൽ ചികിത്സയിലാണ്. കൊ​ടു​വ​ള്ളി ദേ​ശീ​യ​പാ​ത​ക്ക​രി​കി​ൽ ബു​ധ​നാ​ഴ്‌​ച വൈ​കീ​ട്ട്‌ നാ​ലോ​ടെ​യായിരുന്നു സംഭവം. ​

ല​ഹ​രി വി​ൽ​പ​ന​ ചോ​ദ്യം ചെ​യ്‌​ത​തി​ന്, കൊ​ല്ല​പ്പെ​ട്ട ഷ​മീ​റി​ന്റെ മ​ക​ൻ ഷ​ബീ​ലി​നെ (20) ബു​ധ​നാ​ഴ്‌​ച ഉ​ച്ച​ക്ക്‌ ഇ​ല്ലി​ക്കു​ന്ന് ചി​റ​ക്ക​ക്കാ​വി​ന​ടു​ത്ത് ഒ​രു സം​ഘം മ​ർ​ദി​ച്ചി​രു​ന്നു. ഷ​ബീ​ലി​നെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ച വി​വ​രം അ​റി​ഞ്ഞ് ലഹരി വിൽപന സം​ഘാം​ഗ​ങ്ങ​ൾ എത്തുകയും അ​നു​ര​ഞ്ജ​ന​ത്തി​നെ​ന്ന വ്യാ​ജേ​നെ വി​ളി​ച്ചി​റ​ക്കി ഇ​രു​വ​രെ​യും ആ​ക്ര​മി​ക്കു​ക​യുമാ​യി​രു​ന്നു. ഖാ​ലി​ദി​ന്റെ ക​ഴു​ത്തി​നാ​ണ് വെ​ട്ടേ​റ്റ​ത്. ത​ട​യാ​ൻ ശ്ര​മി​ച്ച ഷ​മീ​റി​ന്റെ പു​റ​ത്തും ശ​രീ​ര​ത്തി​ന്റെ മ​റ്റു​ഭാ​ഗ​ങ്ങ​ളി​ലും കു​ത്തേ​റ്റു. അ​തി ഗു​രു​ത​രാ​വ​സ്ഥ​യി​ലാ​യ ഷ​മീ​ർ ആ​ശു​പ​ത്രി​യി​ലെ​ത്തി​ക്കു​ന്ന​തി​നി​ടെ​യാ​ണ് മ​രി​ച്ച​ത്. ല​ഹ​രി വി​ൽ​പ​ന ചോ​ദ്യം ചെ​യ്ത​തും വാ​ഹ​ന വി​ൽ​പ​ന​യു​മാ​യി ബ​ന്ധ​പ്പെ​ട്ട ത​ർ​ക്ക​വു​മാ​ണ് സം​ഘ​ർ​ഷ​ത്തി​ന് പി​ന്നി​ലെ​ന്ന് പൊ​ലീ​സ് പ​റ​ഞ്ഞു.

സംഭവവുമായി ബന്ധപ്പെട്ട് മൂന്നു ​പേരെ പൊലീസ് കസ്റ്റഡിയിലെടുത്തിട്ടുണ്ട്. നെട്ടൂർ സ്വദേശികളായ ജാക്സൺ, ഫർഹാൻ, നവീൻ എന്നിവരാണ് കസ്റ്റഡിയിലുള്ളത്. മുഖ്യപ്രതി പാറായി ബാബുവിനായി അന്വേഷണം പുരോഗമിക്കുകയാണ്.