സ്കൂൾ പാഠഭാഗം പാതിവഴിയിൽ; സ്​കോളർഷിപ്​​ പരീക്ഷകളിൽ ‘പരീക്ഷണം’

തി​രു​വ​ന​ന്ത​പു​രം: സ്കൂ​ളു​ക​ളി​ൽ പാ​ഠ​ഭാ​ഗ​ങ്ങ​ൾ പ​ഠി​പ്പി​ച്ച്​ തീ​രും മു​മ്പ്​ എ​ൽ.​എ​സ്.​എ​സ്, യു.​എ​സ്.​എ​സ്​ പ​രീ​ക്ഷ​ക​ൾ ന​ട​ത്തി വി​ദ്യാ​ർ​ഥി​ക​ൾ​ക്കു​ മേ​ൽ വി​ദ്യാ​ഭ്യാ​സ വ​കു​പ്പി​ന്‍റെ പ​രീ​ക്ഷ​ണം. ഇ​തി​നെ​തി​രെ പ​രാ​തി ന​ൽ​കി​യ​വ​ർ​ക്ക്​ മു​ന്നി​ൽ വി​ചി​ത്ര ന്യാ​യം നി​ര​ത്തു​ക​യാ​ണ്​ വി​ദ്യാ​ഭ്യാ​സ വ​കു​പ്പ്.

എ​ൽ.​എ​സ്.​എ​സ്​ പ​രീ​ക്ഷ നാ​ലാം ക്ലാ​സി​ലെ​യും യു.​എ​സ്.​എ​സ്​ പ​രീ​ക്ഷ ഏ​ഴാം ക്ലാ​സി​ലെ​യും സി​ല​ബ​സ്​ അ​ടി​സ്ഥാ​ന​മാ​ക്കി​യാ​ണ്​ ന​ട​ത്തു​ന്ന​തെ​ങ്കി​ലും പാ​ഠ​ഭാ​ഗ​ങ്ങ​ൾ തീ​രു​ന്ന​തി​നു​ മു​മ്പ്​ ഈ ​മാ​സം 27ന്​ ​ത​ന്നെ പ​രീ​ക്ഷ ന​ട​ത്താ​നാ​ണ്​ പ​രീ​ക്ഷ ഭ​വ​ന്‍റെ തീ​രു​മാ​നം. ഇ​തു​സം​ബ​ന്ധി​ച്ച്​ വ്യാ​പ​ക പ​രാ​തി​യു​യ​ർ​ന്നി​ട്ടും തീ​യ​തി മാ​റ്റാ​ൻ ത​യാ​റാ​യി​ട്ടി​ല്ല.

നി​ശ്ചി​ത പാ​ഠ​ഭാ​ഗ​ങ്ങ​ളി​ൽ നി​ന്ന്​ മാ​ത്രം ചോ​ദ്യം ഉ​ൾ​പ്പെ​ടു​ത്തി പ​രീ​ക്ഷ ന​ട​ത്താ​ൻ എ​ൽ.​എ​സ്.​എ​സ്, യു.​എ​സ്.​എ​സ്​ പ​രീ​ക്ഷ​ക​ൾ പാ​ദ​വാ​ർ​ഷി​ക പ​രീ​ക്ഷ​യോ അ​ർ​ധ വാ​ർ​ഷി​ക പ​രീ​ക്ഷ​യോ അ​ല്ലെ​ന്നാ​ണ്​ ഇ​തു​സം​ബ​ന്ധി​ച്ച്​ ഒ​രു ര​ക്ഷി​താ​വ്​ ന​ൽ​കി​യ പ​രാ​തി​ക്ക്​ പ​രീ​ക്ഷ ഭ​വ​ൻ ന​ൽ​കി​യ മ​റു​പ​ടി. നാ​ലാം ക്ലാ​സി​ലെ​യും ഏ​ഴാം ക്ലാ​സി​ലെ​യും സി​ല​ബ​സ്​ അ​നു​സ​രി​ച്ച്​ ത​ന്നെ​യാ​ണ്​ പ​രീ​ക്ഷ ന​ട​ത്തു​ന്ന​തെ​ന്ന്​ ക​ത്തി​ൽ വ്യ​ക​ത​മാ​ക്കു​മ്പോ​ഴാ​ണ്​ പ​രീ​ക്ഷ സെ​ക്ര​ട്ട​റി വി​ചി​ത്ര വാ​ദം നി​ര​ത്തു​ന്ന​ത്. പാ​ഠ​ഭാ​ഗ​ങ്ങ​ളി​ൽ കു​റ​വു​വ​രു​ത്തേ​ണ്ട ആ​വ​ശ്യ​മു​ണ്ടെ​ന്ന്​ തോ​ന്നു​ന്നി​ല്ലെ​ന്നും പ​രീ​ക്ഷ സെ​ക്ര​ട്ട​റി​യു​ടെ ക​ത്തി​ൽ പ​റ​യു​ന്നു. പാ​ഠ​ഭാ​ഗ​ങ്ങ​ൾ പ​ഠി​പ്പി​ച്ചി​ല്ലെ​ങ്കി​ലും കു​ട്ടി​ക​ൾ സ്വാ​ഭാ​വി​ക​മാ​യി പ​​ങ്കെ​ടു​ത്ത്​ ക​ഴി​വ്​ തെ​ളി​യി​ക്കേ​ണ്ട സ്​​കോ​ള​ർ​ഷി​പ്​​ പ​രീ​ക്ഷ​ക​ളാ​ണി​വ എ​ന്നും ക​ത്തി​ൽ പ​റ​യു​ന്നു. നേ​ര​ത്തെ ജ​നു​വ​രി 31വ​രെ പ​ഠി​പ്പി​ക്കേ​ണ്ട പാ​ഠ​ഭാ​ഗ​ങ്ങ​ൾ ഉ​ൾ​പ്പെ​ടു​ത്തി​യാ​യി​രു​ന്നു എ​ൽ.​എ​സ്.​എ​സ്, യു.​എ​സ്.​എ​സ്​ പ​രീ​ക്ഷ​ക​ൾ ന​ട​ത്തി​യി​രു​ന്ന​ത്. കോ​വി​ഡ്​ കാ​ല​ത്ത്​ ഏ​റെ വൈ​കി ന​ട​ന്ന പ​രീ​ക്ഷ​ക്ക്​ മു​ഴു​വ​ൻ സി​ല​ബ​സും ഉ​ൾ​പ്പെ​ടു​ത്തി പ​രീ​ക്ഷ ന​ട​ത്തു​ക​യാ​യി​രു​ന്നു.

പ​രീ​ക്ഷ ഫെ​ബ്രു​വ​രി​യി​ലേ​ക്ക്​ തി​രി​ച്ചു​വ​ന്നെ​ങ്കി​ലും മു​ഴു​വ​ൻ സി​ല​ബ​സും പ​ഠി​ക്ക​ണ​മെ​ന്ന​തി​ൽ മാ​ത്രം മാ​റ്റം വ​രു​ത്തി​യി​ല്ല. ഫെ​ബ്രു​വ​രി​യി​ൽ പ​രീ​ക്ഷ ന​ട​ത്തു​ക​യാ​ണെ​ങ്കി​ൽ ജ​നു​വ​രി 31 വ​രെ​യു​ള്ള പാ​ഠ​ഭാ​ഗ​ങ്ങ​ൾ ഉ​ൾ​പ്പെ​ടു​ത്തു​ക​യോ മു​ഴു​വ​ൻ പാ​ഠ​ഭാ​ഗ​ങ്ങ​ൾ ഉ​ൾ​പ്പെ​ടു​ത്തു​ക​യാ​ണെ​ങ്കി​ൽ സ്കൂ​ൾ വാ​ർ​ഷി​ക പ​രീ​ക്ഷ പൂ​ർ​ത്തി​യാ​യ ശേ​ഷം മാ​ർ​ച്ചി​ലോ ന​ട​ത്ത​ണ​മെ​ന്നാ​ണ്​ കു​ട്ടി​ക​ളു​ടെ​യും അ​ധ്യാ​പ​ക​രു​ടെ​യും ഉ​ൾ​പ്പെ​ടെ​യു​ള്ള ആ​വ​ശ്യം. ഇ​ത്ത​വ​ണ ഹൈ​സ്കൂ​ളു​ക​ൾ​ക്കൊ​പ്പ​മു​ള്ള പ്രൈ​മ​റി ക്ലാ​സു​ക​ളി​ൽ വാ​ർ​ഷി​ക പ​രീ​ക്ഷ ന​ട​ത്തു​ന്ന​തി​നി​ട​യി​ലാ​ണ്​ സ്​​കോ​ള​ർ​ഷി​പ്​​ പ​രീ​ക്ഷ​യും ന​ട​ത്തു​ന്ന​ത്. ഇ​തും വി​ദ്യാ​ർ​ഥി​ക​ളു​ടെ പ്ര​ക​ട​ന​ത്തെ ബാ​ധി​ക്കും.