കേരളത്തിൽ ഭീകരാക്രമണ ഭീഷണി; ഡി.ജി.പി ജാഗ്രത നിർദേശം നൽകി

തിരുവനന്തപുരം: കേരളം ഉൾപ്പടെ ഏഴ്​ സംസ്ഥാനങ്ങളിൽ ഭീകരാക്രമണമുണ്ടാവുമെന്ന്​ ഭീഷണി. കർണാടക പൊലീസിനാണ് ഫോൺ വഴ ി​ ഭീഷണി സ​ന്ദേശം ലഭിച്ചത്​. ശ്രീലങ്കൻ ഭീകരാക്രമണത്തിൻെറ പശ്​ചാത്തലത്തിലാണ്​ സന്ദേശം. ഭീകരാക്രമണ മുന്നറിയിപ്പിനെ തുടർന്ന്​ സുരക്ഷാ സംവിധാനങ്ങൾ ശക്​തമാക്കാൻ ഡി.ജി.പി ലോക്​നാഥ്​ ബെഹ്​റ ജില്ലാ പൊലീസ്​ മേധാവികൾക്ക്​ നിർദേശം നൽകി.

കേരളത്തിന്​ പുറമേ തമിഴ്​നാട്​, കർണാടക, ഗോവ, തെലങ്കാന, ആന്ധ്രപ്രദേശ്​, മഹാരാഷ്​ട്ര തുടങ്ങിയ സംസ്ഥാനങ്ങൾക്കും മുന്നറിയിപ്പുണ്ട്​. ട്രെയിനിൽ ആക്രമണം നടത്താൻ തീവ്രവാദികൾ പദ്ധതിയിട്ടുവെന്നും റിപ്പോർട്ടുകളുണ്ട്​. ഇതിനായി 19 പേർ രാമനാഥപുരത്ത്​ എത്തിയെന്നും ഭീഷണി സന്ദേശത്തിൽ പറയുന്നു.