Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightതാൽക്കാലിക ബെയ്​ലി...

താൽക്കാലിക ബെയ്​ലി പാലം: കരസേനക്ക്​ അടിയന്തര ശിപാർശ സമർപ്പിക്കാൻ ഹൈകോടതി നിർദേശം

text_fields
bookmark_border
high court
cancel


കൊച്ചി: പമ്പ ഞുണങ്ങാറിന് കുറുകെ താൽക്കാലിക ബെയ്​ലി പാലം നിർമാണത്തിന്​ കരസേനക്ക്​ ശിപാർശ സമർപ്പിക്കാൻ ഹൈകോടതി ഉത്തരവിട്ടു. ശിപാർശ ശനിയാഴ്​ചതന്നെ കരസേനയുടെ തിരുവനന്തപുരം സ്​റ്റേഷൻ കമാൻഡർക്ക്​ നൽകാനാണ്​ ദുരന്തനിവാരണ അതോറിറ്റി ചെയർമാ​െൻറ ചുമതല വഹിക്കുന്ന അഡീഷനൽ ചീഫ് സെക്രട്ടറിക്ക്​ ജസ്​റ്റിസ് അനിൽ കെ. നരേന്ദ്രൻ, ജസ്​റ്റിസ് പി.ജി. അജിത്കുമാർ എന്നിവരടങ്ങുന്ന ദേവസ്വം ബെഞ്ച് നിർദേശം നൽകിയത്​. ശനിയാഴ്​ച പ്രത്യേക സിറ്റിങ്​​ നടത്തിയാണ്​ അടിയന്തര ശിപാർശക്ക്​ നിർദേശം നൽകിയത്​.

ഞുണങ്ങാറിന് കുറുകെ വാഹനം കടത്തിവിടാൻ താൽക്കാലികമായി ഒരുക്കിയ സംവിധാനം ഈ മാസം 11ലെ ശക്തമായ മഴയിൽ ഒലിച്ചുപോയതോടെയാണ് അടിയന്തരമായി ബെയ്​ലി പാലം നിർമിക്കണമെന്ന റിപ്പോർട്ട് ശബരിമല സ്പെഷൽ കമീഷണർ കൂടിയായ കൊല്ലം അഡിഷനൽ ജില്ല ജഡ്ജ് എം. മനോജ് കോടതിക്ക്​ സമർപ്പിച്ചത്. ശബരിമല മണ്ഡല-മകരവിളക്ക് തീർഥാടനം 16ന് ആരംഭിക്കുന്ന പശ്ചാത്തലത്തിലാണ്​ അടിയന്തര നിർദേശം. സർക്കാർ ശിപാർശ നൽകിയാൽ പാലം നിർമാണാനുമതി വേഗത്തിലാക്കാമെന്ന് എ.എസ്​.ജി കോടതിയെ അറിയിച്ചു. ചെലവ് ആര് വഹിക്കുമെന്നത്​ സംബന്ധിച്ച തീരുമാനം അറിയിക്കണമെന്ന് സംസ്ഥാന സർക്കാറിന്​ കോടതി നിർദേശം നൽകി.


Show Full Article
TAGS:Temporary Bailey Bridge High Court 
News Summary - Temporary Bailey Bridge: High Court directs Army to submit urgent recommendation
Next Story