സാങ്കേതിക തകരാർ: എയർ ഇന്ത്യ വിമാനം അടിയന്തരമായി നിലത്തിറക്കി

തിരുവനന്തപുരം: സാങ്കേതിക തകരാറിനെ തുടർന്ന് ഷാര്‍ജ-കോഴിക്കോട് എയർ ഇന്ത്യ എക്സ്പ്രസ് (ഐ.എക്സ്1346) വിമാനം അടിയന്തരമായി തിരുവനന്തപുരം രാജ്യാന്തര വിമാനത്താവളത്തില്‍ ഇറക്കി.

ഹൈഡ്രോളിക് ഓയിൽ ചോര്‍ച്ചയെ തുടര്‍ന്നാണ് വിമാനം ഇറക്കിതെന്ന് അധികൃതർ അറിയിച്ചു. വിമാനത്തിൽ ജീവനക്കാര്‍ ഉള്‍പ്പെടെ 112 പേർ ഉണ്ടായിരുന്നു.

അടിയന്തര ലാൻഡിങ്ങിന് അറി‍യിപ്പ് ലഭിച്ചതിന് പിന്നാലെ തിരുവനന്തപുരം വിമാനത്താവള സുരക്ഷാ വിഭാഗം ജാഗ്രതാ നിർദേശം നൽകുകയും മുൻകരുതൽ നടപടികൾ സ്വീകരിക്കുകയും ചെയ്തിരുന്നു.