സംസ്​ഥാനത്തെ അധ്യാപക പരിശീലന കേന്ദ്രങ്ങൾ 18ന്​ തുറക്കും

തിരുവനന്തപുരം: കോവിഡ് മഹാമാരിയുടെ പശ്ചാത്തലത്തില്‍ 2020 മാര്‍ച്ച് മുതല്‍ തുറന്ന് പ്രവര്‍ത്തിക്കാതിരുന്ന സംസ്ഥാനത്തെ പ്രൈമറി അധ്യാപക പരിശീലന കേന്ദ്രങ്ങള്‍, പ്രീ-പ്രൈമറി അധ്യാപക പരിശീലന കേന്ദ്രങ്ങള്‍, സ്പെഷല്‍ ടീച്ചേഴ്സ് ട്രെയിനിങ്​ സെന്‍ററുകള്‍ എന്നിവ ഒക്​​ടോബർ 18 മുതൽ തുറന്നു പ്രവർത്തിക്കുമെന്ന്​ അധികൃതർ അറിയിച്ചു. ദുരന്തനിവാരണ വകുപ്പിന്‍റെ നിർദേശങ്ങൾക്ക്​ അനുസൃതമായും കോവിഡ് മാനദണ്ഡങ്ങള്‍, മാര്‍ഗനിർദേശങ്ങള്‍ എന്നിവ പ്രകാരവുമാണ്​ ഈ സ്​ഥാപനങ്ങൾ പ്രവർത്തിക്കുക.