പൂക്കരത്തറ വാർഡിൽ ആശാനും ശിഷ്യരും നേർക്കുനേർ

എടപ്പാൾ: പഞ്ചായത്തിലെ പൂക്കരത്തറ 16ാം വാർഡിൽ അധ്യാപകനും ശിഷ്യരും തമ്മിലാണ് മത്സരം. പ്രധാനാധ്യാപകനായി വിരമിച്ച രാജു മാഷ് ഇടതുപക്ഷ പിന്തുണയുള്ള സ്വതന്ത്ര സ്ഥാനാർഥിയാണ്​.

രാജു മാഷ് പഠിപ്പിച്ച രണ്ട് വിദ്യാർഥികളായ യു.ഡി.എഫി​െൻറ സ്വാതന്ത്ര സ്ഥാനാർഥി 24 കാരൻ ആഷിഫ് പൂക്കരത്തറയും, എസ്.ഡി.പി.ഐ സ്ഥാനാർഥി 28കാരൻ ഹാരിസ് പയ്യനാടുമാണ് എതിർ സ്ഥാനാർഥികളായി മത്സര രംഗത്തുള്ളത്.

പൂക്കരത്തറ എ.എം.എൽ.പി സ്​കൂളിലാണ് ഇരുവരെയും രാജു മാഷ് പഠിപ്പിച്ചത്. മൂവരും നാമനിർദേശ പത്രിക സമർപ്പിച്ച് ആദ്യ ഘട്ട പ്രചാരണം ആരംഭിച്ചു കഴിഞ്ഞു. ഇരുവരും തനിക്ക് പ്രിയപ്പെട്ട ശിഷ്യന്മാരാണെന്നാണ് രാജു മാഷ് പറയുന്നത്.