വിവേകാനന്ദന്റെ തുടിക്കുന്ന ഹൃദയവുമായി തസ്നീം വീട്ടിലേക്ക്

കോ​ഴി​ക്കോ​ട്: വി​വേ​കാ​ന​ന്ദ​ന്റെ ഹൃ​ദ​യ​ത്തു​ടി​പ്പു​മാ​യി ത​സ്നീം ആ​ശു​പ​ത്രി വി​ടു​മ്പോ​ൾ നി​റ​ക​ണ്ണു​ക​ളോ​ടെ യാ​ത്ര​യാ​ക്കാ​ൻ വി​വേ​കാ​ന​ന്ദ​ന്റെ കു​ടും​ബ​വു​മെ​ത്തി.

ജ​നു​വ​രി ഏ​ഴി​ന് ബൈ​ക്ക് അ​പ​ക​ട​ത്തെ തു​ട​ർ​ന്ന് മെ​ട്രോ​മെ​ഡ് ഇ​ൻ​റ​ർ​നാ​ഷ​ന​ൽ കാ​ർ​ഡി​യാ​ക് സെ​ന്റ​റി​ൽ പ്ര​വേ​ശി​പ്പി​ച്ച പ​ന്തീ​രാ​ങ്കാ​വ് സ്വ​ദേ​ശി വി​വേ​കാ​ന​ന്ദ​ന് മ​സ്തി​ഷ്ക​മ​ര​ണം സം​ഭ​വി​ക്കു​ക​യാ​യി​രു​ന്നു. തു​ട​ർ​ന്ന് അ​വ​യ​വ​ദാ​ന​ത്തി​ന് സ​ന്ന​ദ്ധ​മാ​ണെ​ന്ന കു​ടും​ബ​ത്തി​ന്റെ തീ​രു​മാ​നം ജീ​വി​ത​ത്തി​ലേ​ക്ക് തി​രി​ച്ചു ക​യ​റ്റി​യ​ത് ത​സ്നീം അ​ട​ക്കം മൂ​ന്ന് ജീ​വ​നു​ക​ളാ​ണ്. വി​വേ​കാ​ന​ന്ദ​ന്റെ ഹൃ​ദ​യം, വൃ​ക്ക​ക​ൾ, ക​ണ്ണു​ക​ൾ എ​ന്നി​വ​യാ​ണ് സ​ർ​ക്കാ​റി​ന്റെ അ​വ​യ​വ​ദാ​ന പ​ദ്ധ​തി​യാ​യ മൃ​ത​സ​ഞ്ജീ​വ​നി​യി​ലൂ​ടെ ദാ​നം​ചെ​യ്ത​ത്.

ജ​നു​വ​രി 10ന് ​ഹൃ​ദ​യം മാ​റ്റി​വെ​ച്ച മ​ല​പ്പു​റം പ​ട​പ്പ​റ​മ്പ്​ സ്വ​ദേ​ശി കെ. ​ത​സ്നീം പൂ​ർ​ണ ആ​രോ​ഗ്യ​വാ​നാ​യാ​ണ്​ ശ​നി​യാ​ഴ്ച ആ​ശു​പ​ത്രി വി​ട്ട​ത്. ത​നി​ക്ക് പു​തു​ജീ​വ​ൻ സ​മ്മാ​നി​ച്ച വി​വേ​കാ​ന​ന്ദ​ന്റെ കു​ടും​ബ​ത്തി​നും ഹൃ​ദ​യം​മാ​റ്റി​വെ​ക്ക​ൽ ശ​സ്ത്ര​ക്രി​യ​ക്ക് നേ​തൃ​ത്വം ന​ൽ​കി​യ ഡോ. ​ന​ന്ദ​കു​മാ​ർ അ​ട​ക്കം മു​ഴു​വ​ൻ ഡോ​ക്ട​ർ​മാ​ർ​ക്കും ആ​ശു​പ​ത്രി ജീ​വ​ന​ക്കാ​ർ​ക്കും ത​സ്നീം ന​ന്ദി പ​റ​ഞ്ഞു.

വി​കാ​ര​നി​ർ​ഭ​ര ച​ട​ങ്ങി​ന്​ സാ​ക്ഷി​ക​ളാ​വാ​ൻ ഒ​ള​വ​ണ്ണ പ​ഞ്ചാ​യ​ത്ത് പ്ര​സി​ഡ​ൻ​റ് ശാ​രു​തി, വൈ​സ് പ്ര​സി​ഡ​ന്‍റ്​ ജ​യ​പ്ര​ശാ​ന്ത് എ​ന്നി​വ​രും വി​വേ​കാ​ന​ന്ദ‍ന്റെ കു​ടും​ബാം​ഗ​ങ്ങ​ളും അ​ടു​ത്ത സു​ഹൃ​ത്തു​ക്ക​ളും എ​ത്തി​യി​രു​ന്നു. ആ​ശു​പ​ത്രി ചെ​യ​ർ​മാ​ൻ ഡോ. ​പി.​പി. മു​ഹ​മ്മ​ദ് മു​സ്ത​ഫ സ്വാ​ഗ​തം പ​റ​ഞ്ഞു. ശ​സ്ത്ര​ക്രി​യ​ക്ക് നേ​തൃ​ത്വം ന​ൽ​കി​യ ചീ​ഫ് കാ​ർ​ഡി​യാ​ക് ആ​ൻ​ഡ്​ ട്രാ​ൻ​സ്​​പ്ലാ​ന്‍റ്​ സ​ർ​ജ​ൻ ഡോ. ​വി. ന​ന്ദ​കു​മാ​ർ, ഡോ. ​അ​ബ്ദു​ൽ റി​യാ​ദ്, ഡോ. ​ജ​നീ​ൽ, ഡോ. ​ജ​ലീ​ൽ, ഡോ. ​അ​ശോ​ക് ജ​യ​രാ​ജ്, ഡോ. ​വി​നോ​ദ്, ഡോ. ​ല​ക്ഷ്മി കാ​ർ​ഡി​യോ​ള​ജി​സ്റ്റു​മാ​രാ​യ ഡോ. ​മു​ഹ​മ്മ​ദ് ഷാ​ലൂ​ബ്, ഡോ. ​അ​രു​ൺ ഗോ​പി, ഡോ. ​ഗി​രീ​ഷ് എ​ന്നി​വ​രും പ​ങ്കെ​ടു​ത്തു.