ഹൈകോടതി ഉത്തരവിന് പിന്നാലെ റോഡിൽ കുഴിയടക്കൽ നാടകം

തൃശൂർ: സംസ്ഥാനത്തെ തകർന്ന മുഴുവൻ റോഡുകളുടെയും അറ്റകുറ്റപ്പണി ഒരാഴ്ചക്കകം നടത്തണമെന്ന ഹൈകോടതി ഉത്തരവിന് പിന്നാലെ റോഡിൽ കുഴിയടക്കൽ നാടകം. റോഡ് റോളർ ഉപയോഗിക്കാതെ ഇടിമുട്ടി ഉപയോഗിച്ചാണ് പലയിടത്തും ടാർ ഉറപ്പിക്കുന്നത്. തൃശൂർ-എറണാകുളം ദേശീയപാതയിൽ പുതുക്കാട് പൊലീസ് സ്റ്റേഷന് സമീപം കുറുമാലിയിൽ റോഡ് റോളർ ഉപയോഗിക്കാതെ ടാറിങ് നടത്തുന്ന ദൃശ്യങ്ങൾ 'മാധ്യമ'ത്തിന് ലഭിച്ചു.

പെട്ടെന്ന് ഇളകിപ്പോകാവുന്ന തരത്തിലുള്ള ടാറിങ് കോടതി​യെ കബളിപ്പിക്കാനാണെന്നാണ് ആക്ഷേപം. കഴിഞ്ഞ ദിവസങ്ങളിൽ ഇത്തരത്തിൽ ടാർ ചെയ്ത ഭാഗങ്ങൾ ഇളകിപ്പോയിട്ടുണ്ട്. കുഴിയടക്കൽ ശരിയായ വിധത്തിലാണോയെന്ന് കലക്ടർമാർ ഉറപ്പുവരുത്തണമെന്ന് ഹൈകോടതി നിർദേശിച്ചിരുന്നു.