ആധാർ വിധി സ്വാഗതാർഹം; വിവര സംരക്ഷണ നിയമം വേണം - തരൂർ

തിരുവനന്തപുരം: ആധാറിന്​ നിയന്ത്രണം വേണമെന്ന വിധി സ്വാഗതാർഹമാണെന്ന്​ കോൺഗ്രസ്​ എം.പി ശശി തരൂർ. ആധാർ വേണ്ട എന്ന്​ ആരും പറയുന്നില്ല. എന്നാൽ ഉപയോഗത്തിന്​ നിയന്ത്രണം വേണമെന്നും തരൂർ പറഞ്ഞു.

ആധാറിനെന്ന പേരിൽ നാം കൊടുക്കുന്ന വിവരങ്ങൾ ഏത്​ വിധത്തിലും ഉപയോഗിക്കാനാകും. അതിനാൽ വിവര സംരക്ഷണ നിയമം രൂപീകരിക്കേണ്ടത്​ നിർബന്ധമാണ്​ എന്നും ശശി തരൂർ കൂട്ടിച്ചേർത്തു.