മൊബൈൽ ആപ്പ്​ വഴി വ്യക്​തി വിവരങ്ങൾ ചോർത്തിയ യുവാവ്​ അറസ്​റ്റിൽ

കൊച്ചി: കാമുകിയുടെ ഭർത്താവി​​​െൻറ മൊബൈൽ ഫോണിൽ അയാളറിയാതെ സ്​ഥാപിച്ച ആപ്ലിക്കേഷൻ വഴി വ്യക്​തിവിവരങ്ങൾ ചോർത്തിയ യുവാവ്​ അറസ്​റ്റിൽ. എറണാകുളം എളമക്കര സ്വദേശിയുടെ പരാതിയിൽ അമ്പലപ്പുഴ വണ്ടാനം പുതുവൽവീട്ടിൽ അജിത്താണ്​ (32)അറസ്​റ്റിലായത്​. തട്ടിപ്പിന്​ ഒത്താശ ചെയ്​ത ഇയാളുടെ കാമുകിയെ ചോദ്യം ചെയ്​തുവരുകയാണ്​. ഇത്തരം തട്ടിപ്പ്​ സംസ്​ഥാനത്ത്​ ആദ്യമായാണ്​ റിപ്പോർട്ട്​ ചെയ്യുന്നതെന്ന്​ പൊലീസ്​ പറയുന്നു.

ട്രാക് വ്യൂ എന്ന മൊബൈൽ ആപ്ലിക്കേഷനാണ്​ സ്വകാര്യ ബാങ്ക്​ ജീവനക്കാരനായ അജിത്ത്​ തട്ടിപ്പിന്​ ഉപയോഗിച്ചത്​. മറ്റൊരാളുടെ മൊബൈൽ ഫോണിലെ ​കാമറ അയാളറിയാതെ നിയന്ത്രിക്കാൻ സഹായിക്കുന്നതാണ്​ ഇൗ ആപ്ലിക്കേഷൻ. പരാതിക്കാര​​​െൻറ ഭാര്യയുമായി അജിത്ത്​ അടുപ്പത്തിലായിരുന്നു. അഞ്ചുമാസം മുമ്പ്​ ഭർത്താവ്​ അറിയാതെ അദ്ദേഹത്തി​​​െൻറ മൊബൈൽ ഫോണിൽ ആപ്ലിക്കേഷൻ സ്​ഥാപിക്കാൻ അജിത്തിനെ സഹായിച്ചത്​ ഇവരാണ്​. തുടർന്ന്​, പരാതിക്കാര​​​െൻറ ദൈനംദിന കൃത്യങ്ങളും യാത്രാവിവരങ്ങളും സംഭാഷണങ്ങളും സ്വകാര്യദൃശ്യങ്ങളുമടക്കം വിവരങ്ങൾ ആപ്ലിക്കേഷൻ വഴി ചോർത്തിയെടുത്തു. പിന്നീട്​ ഇൗ വിവരങ്ങൾ ഉപയോഗിച്ച്​ ബ്ലാക്ക്​മെയിൽ ചെയ്​ത്​ ലക്ഷങ്ങൾ തട്ടിയെടുക്കുകയായിരുന്നു ലക്ഷ്യം. 

ഫോണിൽ വിളിച്ച്​ ഒാരോ സ്​ഥലത്തും പോയതിനെക്കുറിച്ചും ഒാരോ ദിവസവും ചെയ്​ത കാര്യങ്ങളെക്കുറിച്ചും അജിത്ത്​ അന്വേഷിക്കാൻ തുടങ്ങിയതോടെയാണ്​ സംശയം തോന്നിയ പരാതിക്കാരൻ പൊലീസിനെ സമീപിച്ചത്​. പരാതിക്കാര​​​െൻറ മൊബൈൽ ഫോണിൽ സ്​ഥാപിച്ച ​ആപ്ലിക്കേഷൻ വഴിതന്നെ പ്രതിയെ തിരിച്ചറിഞ്ഞ പൊലീസ്​, അജിത്തിനെ സ്​റ്റേഷനിൽ വിളിച്ചുവരുത്തി അറസ്​റ്റ്​ ചെയ്യുകയായിരുന്നു. എസ്​.​െഎ സക്കീറി​​​െൻറ നേതൃത്വത്തിൽ ഷാഡോ ​പൊലീസാണ്​ അന്വേഷണം നടത്തിയത്​. വിശദമായ ചോദ്യം ചെയ്യലിനുശേഷം യുവതിയുടെ അറസ്​റ്റും ഉണ്ടാകുമെന്നാണ്​ സൂചന. ​െഎ.ടി നിയമപ്രകാരമാണ്​ അജിത്തിനെതിരെ കേസ്​ എടുത്തിരിക്കുന്നത്​. ഇയാളെ കോടതിയിൽ ഹാജരാക്കി റിമാൻഡ്​ ചെയ്​തു.