റൊമ്പ സന്തോഷം; ഞങ്ങൾക്കും പഠിക്കാം

തൊടുപുഴ: സർക്കാർ ആവിഷ്​കരിച്ച്​ നടപ്പാക്കുന്ന ഒാൺലൈൻ ഡിജിറ്റൽ പഠന പദ്ധതിയിൽ മാതൃഭാഷയിൽ പാഠഭാഗങ്ങൾ ആസ്വദിച്ച്​ ജില്ലയിലെ തമിഴ്​ കുട്ടികൾ. കഴിഞ്ഞ രണ്ടാഴ്​ചയായി സംപ്രേഷണം ചെയ്​തുവന്ന പാഠഭാഗങ്ങൾ മലയാളത്തിൽ ആയതിനാൽ തമിഴ്​ കുട്ടികൾക്ക്​ നിലവിൽ ആശയങ്ങൾ ഗ്രഹിക്കാൻ ബുദ്ധിമുട്ട്​ നേരിട്ടിരുന്നു. കുട്ടികളിൽ ചുരുക്കം ചിലതൊഴിച്ചാൽ മലയാളം മനസ്സിലാക്കാൻ ബുദ്ധിമുട്ടായിരുന്നു. ഇൗ പ്രതിസന്ധി മറികടക്കാൻ വിദ്യാഭ്യാസ വകുപ്പി​​െൻറ നിർദേശപ്രകാരം ഇടുക്കി, പാലക്കാട്​ ഡയറ്റുകളുടെയും ​ൈകറ്റ്​, സമഗ്രശിക്ഷ ഏജൻസികളുടെയും സഹായത്തോടെ ഒാൺലൈൻ പഠന വിഭവങ്ങൾ തയാറാക്കിയിരുന്നു. വ്യാഴാഴ്​ച മുതൽ തമിഴ്​ ക്ലാസുകളുടെ വിഡിയോ സംപ്രേഷണം ജില്ലയിൽ ആരംഭിച്ചു.

സംസ്ഥാനതലത്തിൽ മുഖ്യമന്ത്രി ഉദ്​ഘാടനം ചെയ്​ത ക്ലാസുകൾ യുട്യൂബ്​ ചാനലിലും പ്ര​ാദേശിക ചാനലുകളിലും ഇടുക്കിവിഷൻ, ഇടുക്കി നെറ്റ്​ എന്നിവയിലും ലഭ്യമാകും. ഇതോടനുബന്ധിച്ച മുന്നൊരുക്കം പരിശോധിക്കാൻ മൂന്നാർ എൽ.എഫ്​ ഹൈസ്​കൂളിൽ പ്രഥമാധ്യാപകരുടെ യോഗം ചേർന്നു. സമൂഹ അകലം പാലിച്ച്​ നടന്ന യോഗത്തിൽ സാ​േങ്കതിക സംവിധാനങ്ങളുടെ നിലവിലെ അവസ്ഥ പരിശോധിച്ചു. നിരന്തരം വൈദ്യുതി​ പോകുന്നതും നെറ്റ്​ തടസ്സവും കേബിൾ നെറ്റ്​വർക്കുകളുടെ അപര്യാപ്​തതയും ചർച്ച ചെയ്​തു. വിക്​ടേഴ്​സ്​ ചാനലിലൂടെ കുട്ടികൾക്ക്​ പഠന സൗകര്യം തരപ്പെടുത്തണമെന്നും യോഗം ആവശ്യപ്പെട്ടു.

തുടർന്ന്​ പട്ടികജാതി വിഭാഗത്തിൽപെട്ടതും വട്ടവട ഗ്രാമപഞ്ചായത്തിലെ പുതുക്കുടി ലയത്തിൽ താമസിക്കുന്ന 35 കുട്ടികളുടെ പഠനസൗകര്യം പൊതുവിദ്യാഭ്യാസ സംരക്ഷണ യജ്​ഞം ​ജില്ല കോഒാഡിനറ്റർ​ കെ.എ. ബിനുമോ​​െൻറ നേതൃത്വത്തിൽ നേരിട്ട്​ വിലയിരുത്തി. മൊബൈൽ റേഞ്ച്​ ലഭ്യമല്ലാത്തതും കേബിൾ നെറ്റ്​വർക്ക്​ ഇല്ലാത്തതുമായ ലയത്തിൽ എസ്​.എസ്​.കെയിലൂടെ ടി.വി ലഭ്യമാക്കാൻ തീരുമാനിച്ചു.