Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightകൊടകര കുഴൽപണ കവർച്ച:...

കൊടകര കുഴൽപണ കവർച്ച: തമിഴ്നാട് പൊലീസ് അന്വേഷണം തുടങ്ങി, തൃശൂരിലെത്തി

text_fields
bookmark_border
കൊടകര കുഴൽപണ കവർച്ച: തമിഴ്നാട് പൊലീസ് അന്വേഷണം തുടങ്ങി, തൃശൂരിലെത്തി
cancel
camera_alt

പ്രതീകാത്മക ചിത്രം

തൃശൂർ: നിയമസഭ തെരഞ്ഞെടുപ്പ്​ കാലത്ത്​ കേരളത്തിലേക്ക് ബി.ജെ.പി പണമിറക്കിയെന്ന കേരള പൊലീസി​െൻറ എഫ്.ഐ.ആറിൽ തമിഴ്നാട് പൊലീസും അന്വേഷണം തുടങ്ങി. തമിഴ്​നാട്​ കൊങ്കണാപുരം പൊലീസ്​ തൃശൂരിലെത്തി കൊടകര കുഴൽപണ കവർച്ച കേസി​െൻറ എഫ്​.ഐ.ആർ ശേഖരിച്ചു.

കൊടകര കേസി​െൻറ അന്വേഷണത്തിനിടയിലാണ്​ സേലത്തും പണം കവർന്നുവെന്ന്​ പണം കടത്തിയ ആർ.എസ്.എസ് പ്രവർത്തകൻ ധർമരാജൻ​ മൊഴി നൽകിയത്​. ഇക്കാര്യം ഇരിങ്ങാലക്കുട മജിസ്ട്രേറ്റ്​ കോടതിയിൽ സമർപ്പിച്ച കുറ്റപത്രത്തിൽ പൊലീസ് വ്യക്തമാക്കിയിരുന്നു. ഈ പശ്ചാത്തലത്തിലാണ്​ തമിഴ്നാട് പൊലീസ് അന്വേഷണം തുടങ്ങിയത്. കൊടകര കേസ്‌ അന്വേഷിക്കുന്ന സംഘത്തിൽനിന്ന്‌ തമിഴ്‌നാട്‌ പൊലീസ്‌ വിവരങ്ങൾ ശേഖരിച്ചു.

ഇക്കഴിഞ്ഞ മാർച്ച് ആറിന് ബഗളൂരുവിൽനിന്ന്​ പാലക്കാട്ടേക്ക് തെരഞ്ഞെടുപ്പ് പ്രചാരണത്തിന്​ ബി.ജെ.പി കൊണ്ടുവന്ന 4.4 കോടിയാണ് സേലം കൊങ്കണാപുരത്ത് കവർന്നത്‌. ബംഗളൂരുവിൽനിന്ന്​ കേരളത്തിലേക്ക്​ പണം കടത്തിയ കേസിലുൾപ്പെട്ട ധർമരാ​ജ​െൻറ സഹോദരൻ ധനരാജ​െൻറ നേതൃത്വത്തിലാണ്​ തമിഴ്​നാട്ടിൽ പണം കൊണ്ടുവന്നത്​. കൊടകരക്ക്​ സമാനമായി വാഹനം തട്ടിയെടുത്ത് പണം കവർന്ന് കാർ ഉപേക്ഷിക്കുകയായിരുന്നു.

ഈ വാഹനം ഇപ്പോഴും കൊങ്കണാപുരം പൊലീസ് സ്​റ്റേഷന് മുന്നിൽ ഉണ്ടെന്ന്​ കൊടകര കേസി​െൻറ കുറ്റപത്രത്തിൽ പറയുന്നുണ്ട്​. ഉപേക്ഷിച്ച നിലയിൽ കണ്ട കാറി​െൻറ രജിസ്ട്രേഷൻ നോക്കി ഉടമക്ക് നോട്ടീസ് അയച്ചെങ്കിലും മറുപടി ലഭിച്ചില്ല. പൊലീസിൽ ആരും പരാതി നൽകാതിരുന്നതിനാൽ അന്വേഷണവും നടത്തിയില്ല. അതിനിടക്കാണ്​ കൊടകര കേസി​െൻറ വിശദാംശങ്ങൾ തമിഴ്​നാട്​ പൊലീസി​ന്​ ലഭിച്ചത്​. കേരളത്ത​ിലേക്കുള്ള പണക്കടത്തിനൊപ്പം തമിഴ്​നാട്ടിൽ പണം എത്തിച്ച കേസുകൂടി വരുന്നത്​ ബി.ജെ.പിയെ കൂടുതൽ പ്രതിസന്ധിയിലാക്കും.

Show Full Article
TAGS:Tamil Nadu Police kodakara case BJP 
News Summary - Tamil Nadu Police enquiry about kodakara case
Next Story