കണ്ണൂരിൽ തമിഴ്നാട് സ്വദേശിനി വെള്ളക്കെട്ടിൽ വീണ് മരിച്ചു

ശ്രീകണ്ഠപുരം: കണ്ണൂർ ശ്രീകണ്ഠപുരത്ത് തമിഴ്നാട് സ്വദേശിനി വെള്ളക്കെട്ടിൽ വീണ് മരിച്ചു. തഞ്ചാവൂർ സ്വദേശിനി സുന്ദരാമാൾ (69) ആണ് മരിച്ചത്. പുഴ കര കവിഞ്ഞ ഒഴുകി വീടിനു മുന്നിൽ വെള്ളക്കെട്ട് രൂപപ്പെട്ടിരുന്നു. രാത്രി അബദ്ധത്തിൽ ഈ വെള്ളക്കെട്ടിൽ വീണാതാകാം എന്നാണ് നിഗമനം. 

രാവിലെയാണ് മൃതദേഹം കണ്ടെത്തിയത്. ശ്രീകണ്ഠപുരം പൊലീസ് എത്തി മൃതദേഹം ഇൻക്വസ്റ്റ് നടത്തി. കനത്ത മഴയിൽ കണ്ണൂർ ജില്ലയിലെ പുഴകൾ കര കവിഞ്ഞൊഴുകി മലയോര മേഖലയിൽ പലയിടത്തും വെള്ളക്കെട്ടും ഗതാഗത തടസവും നേരിടുന്നുണ്ട്.