‘സത്യത്തിനൊപ്പം നിൽക്കുകയാണ് എഴുത്തുകാരന്റെ കടമ’; എം. മുകുന്ദനെതിരെ ഒളിയമ്പുമായി ടി. പത്മനാഭൻ

ക​ണ്ണൂ​ർ: എ​ഴു​ത്തു​കാ​ര​ൻ എം. ​മു​കു​ന്ദ​നെ​തി​രെ ഒ​ളി​യ​മ്പു​മാ​യി ക​ഥാ​കൃ​ത്ത് ടി. ​പ​ത്മ​നാ​ഭ​ൻ. ഭ​ര​ണ​ക്കാ​ർ​ക്കു​വേ​ണ്ടി എ​ഴു​തു​ക​യെ​ന്ന​താ​ണ് എ​ഴു​ത്തു​കാ​ര​ന്റെ ക​ട​മ​യെ​ന്ന് കേ​ര​ള​ത്തി​ലെ ഒ​രു സാ​ഹി​ത്യ​കാ​ര​ൻ പ​റ​ഞ്ഞു​കേ​ട്ട​പ്പോ​ൾ ശ​രി​ക്കും ഞെ​ട്ടി​പ്പോ​യെ​ന്ന് ടി. ​പ​ത്മ​നാ​ഭ​ൻ പ​റ​ഞ്ഞു. സി.​പി.​എം ക​ണ്ണൂ​ർ ജി​ല്ല സ​മ്മേ​ള​ന​ത്തി​ന്റെ ഭാ​ഗ​മാ​യി പ​ള്ളി​ക്കു​ന്ന് കൃ​ഷ്ണ​മേ​നോ​ൻ വ​നി​ത കോ​ള​ജി​ൽ സം​ഘ​ടി​പ്പി​ച്ച എ​ഴു​ത്തു​കാ​രു​ടെ സം​ഗ​മം ഉ​ദ്ഘാ​ട​നം ചെ​യ്യു​ക​യാ​യി​രു​ന്നു അ​ദ്ദേ​ഹം.

നി​യ​മ​സ​ഭ പു​ര​സ്‌​കാ​രം ഏ​റ്റു​വാ​ങ്ങി​യ​ശേ​ഷം എം. ​മു​കു​ന്ദ​ൻ ന​ട​ത്തി​യ പ്ര​സം​ഗ​ത്തി​നെ​തി​രെ അ​ദ്ദേ​ഹ​ത്തി​ന്റെ പേ​ര് പ​രാ​മ​ർ​ശി​ക്കാ​തെ​യാ​യി​രു​ന്നു പ​ത്മ​നാ​ഭ​ന്റെ പ്ര​തി​ക​ര​ണം.

‘കേ​ര​ള​ത്തി​ലെ ഒ​രു പ്ര​ധാ​ന നോ​വ​ലി​സ്റ്റ് ഒ​രു​ല​ക്ഷം രൂ​പ​യു​ടെ വ​ലി​യ അ​വാ​ർ​ഡ് സ്വീ​ക​രി​ച്ചു​കൊ​ണ്ട് നി​യ​മ​സ​ഭ സ്പീ​ക്ക​ർ അ​ട​ക്ക​മു​ള്ള ച​ട​ങ്ങി​ലാ​ണ് ഭ​ര​ണ​ക​ക്ഷി​ക്ക് അ​നു​കൂ​ല​മാ​യ കാ​ര്യ​ങ്ങ​ൾ പ​റ​യു​ക​യാ​ണ് എ​ഴു​ത്തു​കാ​ര​ന്റെ ക​ട​മ​യെ​ന്ന് പ​റ​ഞ്ഞ​ത്. ഞാ​ൻ മ​ന​സ്സി​ലാ​ക്കി​യ​ത് എ​ഴു​ത്തു​കാ​ര​ന് അ​ങ്ങ​നെ​യൊ​രു ക​ട​മ​യി​ല്ലെ​ന്നാ​ണ്. സ​ത്യ​ത്തി​നും നീ​തി​ക്കും ഒ​പ്പം നി​ൽ​ക്കു​ക​യാ​ണ് എ​ഴു​ത്തു​കാ​ര​ന്റെ ക​ട​മ.

എ​നി​ക്ക് സ​മൂ​ഹ​മാ​ധ്യ​മ​ങ്ങ​ളു​മാ​യി ഒ​രു ബ​ന്ധ​മി​ല്ല. പി​ന്നീ​ട് ഇ​ത് പ​റ​ഞ്ഞ മാ​ന്യ​നെ സ​മൂ​ഹ​മാ​ധ്യ​മ​ങ്ങ​ളി​ലൂ​ടെ ധാ​രാ​ളം പേ​ർ ആ​ക്ര​മി​ച്ചു​വെ​ന്നും കേ​ട്ടു. 2016ലാ​ണ് പി​ണ​റാ​യി സ​ർ​ക്കാ​റി​ന്റെ ആ​ദ്യ മ​ന്ത്രി​സ​ഭ വ​ന്ന​ത്. തെ​ര​ഞ്ഞെ​ടു​പ്പ് പ​ര്യ​ട​ന​ത്തി​ന്റെ സ​മാ​പ​നം ധ​ർ​മ​ട​ത്ത് ഉ​ദ്ഘാ​ട​നം ചെ​യ്ത​ത് ഞാ​നാ​യി​രു​ന്നു. ആ ​പ്ര​സം​ഗം ദേ​ശാ​ഭി​മാ​നി​യി​ൽ അ​ച്ച​ടി​ച്ചു​വ​ന്നു.

ര​ക്ഷ​ക​ൻ എ​ന്നാ​യി​രു​ന്നു അ​തി​ന്റെ ത​ല​ക്കെ​ട്ട്. കോ​ൺ​ഗ്ര​സു​കാ​ര​നാ​യ നി​ങ്ങ​ൾ ക​മ്യൂ​ണി​സ്റ്റു​കാ​ർ​ക്ക് അ​നു​കൂ​ല​മാ​യി എ​ഴു​തി​യി​ട്ടും പ്ര​സം​ഗി​ച്ചി​ട്ടും എ​ന്തു​കി​ട്ടി​യെ​ന്ന് ഒ​രു സു​ഹൃ​ത്ത് എ​ന്നോ​ട് ചോ​ദി​ച്ചു. ഞാ​ൻ ജീ​വി​ത​ത്തി​ൽ പ​റ​യു​ന്ന​തും ചെ​യ്യു​ന്ന​തും ഒ​ന്നും കി​ട്ടാ​ന​ല്ല. എ​ന്റെ മ​നഃ​സാ​ക്ഷി​യു​ടെ തൃ​പ്തി​ക്കു​വേ​ണ്ടി​യാ​ണെ​ന്ന് മ​റു​പ​ടി ന​ൽ​കി.

സാ​ഹി​ത്യ അ​ക്കാ​ദ​മി​യു​ടെ അ​ധ്യ​ക്ഷ​നാ​യി നി​ൽ​ക്ക​ണ​മെ​ന്ന് ഒ​രു ഇ​ട​തു​പ​ക്ഷ മാ​ധ്യ​മ​പ്ര​വ​ർ​ത്ത​ക​ൻ പ​റ​ഞ്ഞ​പ്പോ​ൾ ഞാ​ൻ നി​ങ്ങ​ൾ​ക്ക് ഒ​രു ദ്രോ​ഹ​വും ചെ​യ്തി​ട്ടി​ല്ലെ​ന്നാ​യി​രു​ന്നു എ​ന്റെ മ​റു​പ​ടി. നി​ങ്ങ​ളു​ടെ ഉ​ത്ത​രം ഇ​ങ്ങ​നെ​യാ​കു​മെ​ന്ന് വ​രു​മ്പോ​ൾ​ത​ന്നെ എ​നി​ക്ക് അ​റി​യാ​മെ​ന്ന് അ​​ദ്ദേ​ഹം പ​റ​ഞ്ഞ​ത് ഒ​രു ബ​ഹു​മ​തി​യാ​യി കാ​ണു​ന്ന​താ​യും ടി. ​പ​ത്മ​നാ​ഭ​ൻ പ​റ​ഞ്ഞു.

സ​ർ​ക്കാ​ർ പു​ര​സ്‌​കാ​ര​ങ്ങ​ൾ ന​ൽ​കി​യാ​ലും ഇ​ല്ലെ​ങ്കി​ലും എ​ഴു​ത്തു​കാ​ർ സ​ർ​ക്കാ​റി​ന്റെ കൂ​ടെ നി​ൽ​ക്ക​ണ​മെ​ന്നും പു​തി​യ കേ​ര​ള​ത്തെ നി​ർ​മി​ക്കാ​ൻ മു​ഖ്യ​മ​ന്ത്രി​യു​ടെ കൂ​ടെ നി​ൽ​ക്കാ​ൻ ഇ​നി​യും ശ്ര​മി​ക്കു​മെ​ന്നു​മാ​ണ് എം. ​മു​കു​ന്ദ​ൻ ജ​നു​വ​രി എ​ട്ടി​ന് നി​യ​മ​സ​ഭ പു​ര​സ്‌​കാ​രം ഏ​റ്റു​വാ​ങ്ങി​യ​ശേ​ഷം മ​റു​പ​ടി പ്ര​സം​ഗ​ത്തി​ൽ പ​റ​ഞ്ഞ​ത്.