സീറോ മലബാർ സഭ ഭൂമിയിടപാട്: പുതിയ നീക്കവുമായി വൈദികർ

കൊച്ചി: സീറോ മലബാർ സഭ ഭൂമിയിടപാടിൽ സിനഡ്​ ഇടപെട്ടിട്ടും അതിരൂപതയിലെ ആഭ്യന്തരപ്രശ്നങ്ങൾ നീറിപ്പുകയുന്നു. ഭൂമിവിവാദം ഒത്തുതീർക്കാൻ ​സഭനേതൃത്വം ശ്രമം ഉൗർജിതമാക്കുന്നതിനിടെ കർ‍ദിനാൾ മാർ ജോർ‍ജ് ആല‌ഞ്ചേരിക്കെതിരെ പുതിയ നീക്കവുമായി ഒരുവിഭാഗം വൈദികർ രംഗത്ത്​. ഭൂമിയിടപാടിൽ വ്യക്തമായ പങ്കുള്ള കർദിനാൾ സ്ഥാനത്യാഗം ചെയ്യണമെന്നാവശ്യപ്പെട്ട്​ ഇവരുടെ നേതൃത്വത്തിൽ ഒപ്പുശേഖരണം തുടങ്ങി. വൈദികർ ഒപ്പിട്ട പരാതി മാർപാപ്പക്ക് നൽകാനാണ് തീരുമാനം. നേര​േത്ത ഭൂമിയിടപാടിൽ വൈദികസമിതി നിയോഗിച്ച അന്വേഷണസമിതിയുടെ റിപ്പോർട്ടിൽ കർദിനാൾ നിലപാടെടുക്കാതെ വന്നതോടെയാണ്​ പുതിയ നീക്കം. 

അതിരൂപതയിലെ എല്ലാ ഫൊറോനകളിലും നേരിട്ടെത്തി വൈദികരിൽനിന്ന് ഒപ്പ്​ ശേഖരിച്ചുകൊണ്ടിരിക്കുകയാണ്​. വരുന്ന നാലുദിവസംകൊണ്ട്​ ഇത്​ പൂർത്തിയാകുമെന്ന്​ വൈദികർ പറഞ്ഞു. എന്നാൽ, ഒരുവിഭാഗം വൈദികർ കർദിനാളിനെതിരെയുള്ള പരാതിയിൽ ഒപ്പിട്ടുനൽകാൻ തയാറാകാതെ മാറിനിൽക്കുന്നുമുണ്ട്​. നേരി​െട്ടത്തി ഇവരുടെ സഹകരണംകൂടി ഉറപ്പാക്കാനാണ്​ നിലവിൽ കർദിനാൾവിരുദ്ധ വിഭാഗം ശ്രമിക്കുന്നത്​. അതിരൂപതയിൽ ആകെ നിയുക്തരായ 450 വൈദികരിൽ 350 പേർ ഇപ്പോൾ അതിരൂപതയിലെ വിവിധ പള്ളികളിലും സ്ഥാപനങ്ങളിലും ഉണ്ട്​. ബാക്കിയുള്ളവർ പഠനാവശ്യമോ സഭാകാര്യങ്ങ​േളാ മുൻനിർത്തി വിദേശത്താണ്​. 

നേര​േത്ത കർദിനാളിനെതിരെ നിലപാട്​ വ്യക്തമാക്കി രംഗത്തെത്തിയ വൈദികർതന്നെയാണ്​ പുതിയ നീക്കത്തിനും നേതൃത്വം നൽകുന്നത്​. അന്വേഷണ കമീഷൻ കുറ്റക്കാരനെന്ന്​ കണ്ടെത്തിയ ​കർദിനാളിനെ അംഗീകരിക്കാനാവില്ലെന്ന്​ ഇവർ വ്യക്തമാക്കുന്നു. തെറ്റുപറ്റിയെന്ന് കർദിനാൾതന്നെ വിശദീകരണക്കുറിപ്പ് നൽകിയിട്ടും തിരുത്തലിന് സഭകേന്ദ്രങ്ങൾ തയാറാകുന്നില്ല. ഈ സാഹചര്യത്തിൽ മാർ ജോർ‍ജ് ആല‌ഞ്ചേരിയെ അംഗീകരിക്കാനാകില്ലെന്നാണ് ഇവരുടെ നിലപാട്.